Ester 2:9 - La'qaatqa ñi qota'olec Qota'olec & Qota'olec Novita Na Qomyipi

⁹ Ca sojo nequetegaxai ỹaatqajam nqo'ta so Hegai, ca chaqa'ma' ỹa'men, noquiigaxatec nqai'en da loyac, chaqai ỹaanem na no'uen na'ic, chaqai ỹa'vii saua siete lelaata quesauá'maq ỹaatqajam ỹa'deene' da ledaxague' neesaugui ñí'maq lauo' lodegaxat so nashi. Ca aso'maxare chaqai saua lelaatal nqo'naxata'alo saua 'imqa paguec loyaague' quesaua lauooto' na 'aallipi.

Ester 2:9 Iomraidhean Croise

Génesis 39:21

qaiyiita ñi qara'gaxala' na'deeta'guit so José, ichoxotetac da lqouagaxa. Ca ỹo'uet quiyim qanqo'ta queso lashi añi ncoñiitaxanaxaqui.

Génesis 39:4

Ca' quedajo, ca chicqochigui quiyim qanqo'ta so José queso na'co', ca icona quiyim lotaua chaqai pataxalec quiyim reloxoỹa'a ná'ogue ná'maq louenqaipi hueeta'ñi yi la'a'.

Esdras 7:6

Ca' sojo Esdras napaxaguinataxanaq ỹaatqajam ỹa'deene' naua leloxoỹaxaco naua laqataxaco ñi qara'gaxala' ñí'maq qota'olec quiyi Israel ỹaaneco' na'le, chicqochigui nqai'en so Moisés. Ca so'maxare ỹaatqajam qaỹotauantac quiñi qara'gaxala'. Ca' so nashi Artajerjes ỹaanem cá'ogue cá'maq rashiilaxanaque. Ca' chaqaida 'neeto' na'le na' so Esdras quiyi Babilonia pil,

Nehemías 2:8

chaqai aca liỹa nerecse tai'a ca Asaf, cá'maq reloqota'a yi nashi no'oochi, quiyim nañaañim ca qo'paq, qaiyi so'uet ca lasomyipi queso lquepaqataxanaxat añi no'ueenaxanaxaqui, chaqai so lquepaqataxanaxat yi na'a' lodegaxat, chaqai cá'maq 'imec senaugui. Ca' so nashi nañaañim sá'ogue só'maq sahotaque, ma' yotauan ñi qota'olec.

Ester 2:12

Sá'ogue so 'aallipi qaỹa'meentac chaqai qaicochiitapega quesaua doce shiriguiri. Quesaua 'auaxaqa seis shiriguiri ỹa'meentac na loshicmaxa quena aceite chicqaugui ana mirra, chaqai quesaua liỹa' seis shiriguiri nocoretapigui na coraxat chaqai na liỹa na'meenaxat ana 'aalo. Ca na' ime'uegue so na'meenaxac, ca' 'onatac nqohin quiyim nachaxana'a so nashi Asuero.

Ester 2:3

Ca 'maxaraic quiyim qami' qarashi vite ca 'chiro quená'maq neetalgoto naua liỹa' 'lauari, qaiyi qailarelec quiyim ná'ogue na nequetegaxaipi nauega'a ñi 'aallipi lauo' lodegaxat quiyi Susa, ca' reloxoỹa'a nqohin ñi Hegai só'maq rpi'iichi', qami' qarashi, ca' chaqaiso só'maq Hegai quelola quiyim ỹa'men chaqai no'ueenaxat so 'aallipi, qaiyi re'oq dá'maq ỹaatqajam loyac.

Ester 5:2

Ca co'na' so nashi iuante'oga aso nashi Ester quiyi nasoxoc, ca pe'eeta, ca' ỹaane'oga aso'maxare so lashile' 'oro lo'qoota'a queda lqai'laxat. Ca' aso Ester nqo'neuo, ca icoñiguit da lo'lo so nashile'.

Daniel 1:9

Qam ñi qota'olec ỹo'uet quiyim so lashi so nelaatqaipi na'yiiñiguit so Daniel.

Hechos 7:10

Ca' quepaqataxanteguelec quená'ogue na ne'guenaxaquipi, chaqai ỹaanem da la'deenaxanaxa, ca vire'ta qanqo'ta queso nashi quiyi Egipto, leenaxat Faraón. Ca' chaqaiso só'maq nashi Faraón ỹana'ñi quiyim so José lpa'axaua nashi, chaqai idaanlec cá'maq la'a' so nashi.