Ester 2:7 - La'qaatqa ñi qota'olec Qota'olec & Qota'olec Novita Na Qomyipi

⁷ Ca' so Mardoqueo 'uo' aso lqaỹa liỹa. Aso'maxare na'pelqotam. Ca so'maxare ỹiro quiyim llaale na' tot qaicaua caua leta'al. Aso'maxare leenaxat Hadasa chaqai da liỹa leenaxat Ester. So'maxare ỹaatqajam imaañi lo'yaxana chaqai ta'chiguit da no'ueenataxac.

Ester 2:7 Iomraidhean Croise

Génesis 48:5

Hua', ca nagui naua qachaalaxahi' Efraín chaqai Manasés nauá'maq ne'xaỹoqsoqote' najo Egipto na' saqa' ñovita qami' quenajo 'laua, taỹoto aỹim naua'maxare, quiyim ỹalamaxarete' 'neete'm saua Rubén chaqai so Simeón.

Ester 1:11

quiyim qaỹavigui'ñi yi reloqota'ñi aso nashi Vasti, ỹantañi nqohin aso nashi nado'o, qaiyi so qomyipi chaqai só'maq liỹa nashillipi ỹa'ajan dá'maq loyac aso nashi, ma' ỹaatqajam lo'yaxana aso'maxare.

Ester 2:15

Ca co'na' aso Ester asó'maq llaale so Abihail só'maq neteesqo' so Mardoqueo ỹovira'a quiyim nachaxana'a so nashi, ca aso'maxare i'xate' qaisauate' sauá'maq 'neetapegalo' na'le so Hegai só'maq lpe'eet so nashi chaqai neloxoỹaq queso 'aallipi. Ca co'na'le, ca' aso Ester sá'ogue qanqo'ta quesó'maq cochiitapega so 'aallipi.

Ester 2:20

Ca' aso Ester ỹaatqajam queetalec da laqataxac na'le so Mardoqueo, 'ec nqai'en quiyim ñaqai neeto'ot, quiyim aso'maxare se ỹa'xat cá'maq lalamaxaret lauo' laseripi.

Ester 8:1

Ca' chaqaiso sojo na'xa'a, ca' so nashi Asuero ỹaanem aso nashi Ester so lauo' so Amán só'maq npa'guenaxaua na judioipi. Ca' so Mardoqueo quepegue' so nashi, ma' aso Ester shi'co' ra'qaataxanem so nashi quiyim lqaỹa liỹa so'maxare.

2 Corintios 6:18

qaiyi ỹaatqajam ỹim qataa'i. Chaqai qamiri, ca' qamiri ỹaalqaipi chaqai ỹaallipi, 'naac ñí'maq qara'gaxala' ñí'maq sqaica ca lqalanec.

Efesios 6:4

Chaqai qamiri ma' qamiri neta'al, sqai 'ooqochichii' caua qachaalaxahi. Ta'ta'a quiyim naquetashi'me' nqai'ñii da no'uen na'deenataxanaxac, paxaguiñita'gue quiyim huelec so qara'gaxala'.

1 Juan 3:1

Ñaqai 'ajñii dá'maq chalego le'xorenataxanaxa ñi qota'olec coqomi' quiyim qohinac qomi' llaalqa ñi'maxare, qam llic qomi' llaalqa. Vichiguiño' ná'maq ñaq ỹo'ueetetac na nanatec hueetalec ana 'laua se ỹa'deene' qomi', ma' se ỹa'den ñi qota'a.