Ester 2:23 - La'qaatqa ñi qota'olec Qota'olec & Qota'olec Novita Na Qomyipi

²³ Ca' qanimichiguit dajo na'xaỹaxac. Ca co'na' qaỹa'den quiyim lliqueta, ca' saua dos nouaataxanaq lashil qaỹa'ue da nouaxanaxasete', ca' qaicoñirerashiguim. Ca dá'maq qohine'teque qoỹiriñi ỹauanchigui nqohin so nashi na' qoỹiriñi caso lere hueetalec ná'ogue na na'qaataxac na qomyipi queso neetalec 'laua.

Ester 2:23 Iomraidhean Croise

Génesis 40:19

Ca' quenauajo tres na'xata', ca' ñi Faraón lotqai ỹa'ajan cá'maq 'neeta cá'maq 'ñiite'. Ca ma'le, ca' relaataxanlec aqami' quiyim qarcoñiichirishiguim queca qo'paq. Ca anac na ỹoipi, ca' ỹa'ic na ra'aachi'.

Génesis 40:22

Qam so pan lo'o, ca relaataxanlec quiyim qaicoñishiguim. Ca chaqaida ipaquichigui dá'maq 'naaco' na'le so José.

Ester 10:2

Dá'ogue dá'maq ỹo'uet ỹaatqajam 'ue nqai 'negue chaqai da lquesaxanaxa, chaqai dá'maq 'neeto' na' ỹa'ue yi loma' lodegaxat so Mardoqueo, qoỹeretalec asó'maq lere asó'maq hueetalec ná'ogue ná'maq qaỹo'uet queso nashillipi quiyi Media chaqai yi Persia.

Ester 5:14

Ca' aso loua chaqai so nauochaxauaripi 'neraco' queso'maxare: —Laataxañirelec quet quiyim qaỹa'yiñi aca qo'paq veintidos metros da ladogaxa nqai'ñi', qaiyi qaicoñishi'megue. Ca ma' nete'e nete'eta, ca shiila'e' ñi qarashi, qaiyi qaicoñishi'megue ca Mardoqueo, qaiyi ma' riỹa'isac ca nashi quirepegue' ca nqui'ỹaxac qaica ca huapigui qavilli'. Ca' dajo na'qaatec ỹaatqajam ỹa'maxarenta so Amán, ca relaataxanlec quiyim qaỹo'uet aso ncoñiitaxanaxalate.

Ester 6:1

Ca' chaqaiso sojo pe so nashi sqaica ca lelaxac, ca vire'to' na' relaataxana'a quiyim qanodori' aso lere hueetalec ná'ogue ná'maq lodegaxat qaỹo'uet quiyí'maq qoyintalec 'laua, ca' qana'xaỹaxana quiyim qaretaqalec.

Ester 7:10

Ca' chaqaida 'neeto' na'le so Amán na' qaicoñijshi'megue asó'maq chi ỹa'maxatetañi quiyim ỹahotaque coñijshi'megue so Mardoqueo. Ca' queda, ca tauco' so lauel so nashi.