Ester 2:18 - La'qaatqa ñi qota'olec Qota'olec & Qota'olec Novita Na Qomyipi

¹⁸ Ca co'na' ime, ca' ỹo'uet so nqui'ỹaxac lodegaxat quiyim imaqachin aso Ester, ca' ỹal sá'ogue so lotauaripi nashillipi queda lo'ueenataxanaxac, chaqai nqo'naxajñi añi ishiueten naua na'aate' quenaua liỹa' 'lauari chaqai 'xoic na lachitaxanataxanaxat, ca ipaquichigui nqai'en da 'ne'tegue ca nashi quena' rachitaxanataxan.

Ester 2:18 Iomraidhean Croise

Génesis 29:22

Ca co'na'le, ca' so Labán ỹa'ue la'xaỹaxac ỹaltac so la'aayaxauaripi quiyim ỹo'uet so shilaq.

Nehemías 8:11

Chaqai so notaanaxanyipi chigoxougui so Leví cochaqatac so qomyipi, 'neetapega quiyim nca'lliñi se noỹen, ma' sojo na'xa'a lalamaxaret nqohin ñi qara'gaxala'.

Ester 1:7

Ana 'taxaqui quena' qani'chigui na lataxa ta'ta'a 'oro, chaqai ỹoreta'oguit da no'ueenataxac. Chaqai na lataxa mashic naañi nqohin, ma' chaqaida dá'maq lamiaxanaxac ca nashi.

Ester 9:22

Ma' sojo na'xa'a viichigui na' so judioipi ỹoỹoote'oga so npa'guenaxauaripi, chaqai ma' sojo shiraigo viichigui so chalego lecaic nachicoxo chaqai so naualaxaquipi queda nqui'ic, ca' ñigui queso judioipi toonaxac chaqai nemaqachic. Ca' quesauajo na'xata', ca' qaỹo'uet ca nqui'ỹaxac chaqai ca toonaxac, chaqai nachijta', chaqai ỹa'ue na lame quena 'xoraiquipi.

Cantares 5:1

Mashic shi'gue seuetaugui na ỹanaxanqa', qami' ñapiitaxauo'lli'. Mashic secona ana ñimirra chaqai na ño'daxaraic lahita, shi'gue se'guentac na rapic li'i hueetagui ana lapa, shi'gue ñi'teetapigui na lataxa chaqai naua lo'i'. Qamiri qarqo'itqate' qanauochaxaua', qui'ii chaqai ni'chii, ¡canchi lecaata cá'maq ni'chiigui!

Mateo 22:2

—Da lo'ueenataxanaxac ñi qota'a neeta'gue da piguim 'nejem ca nashi ỹo'uet ca lemaqachic quiyim shilo ca llaalec.

Marcos 6:21

Qam aso Herodías ỹanato' yi la'maqa' co'na' so Herodes ỹo'uet so lemaqachic na' ỹovirec so niñaaxa. Ca ỹo'uet so nqui'ỹaxac, ca' roỹaxana na lotauaripi nashillipi, chaqai na nouaataxanaq lashillipi, chaqai na nesallaxanqaipi na'ñi yi Galilea.

Lucas 14:8

—Ca no'm 'ue ca qami' lalecsec queca nashilaxac, se nqa'xañiri'ñi ca qa'xanqa' paguec loyac, ma' sqoue noviro ca liỹa nalecsec qaỹapacqajnauec caqami'.

Apocalipsis 11:10

Ca ná'ogue na qomyipi quena 'laua netoonta'peguelo quiyim qaỹalauate' saua'maxare. Ỹaatqajam chalego da netoonaxac, vire'ta quiyim quiñi 'óna ỹa'ue ca lame ilata ca liỹa, ma' sauajo ỹale' ỹa'xatesac da la'qaatec ñi qota'a, ca' saua'maxare ỹaatqajam 'ue da nqui'ic nqai'ne' quena qom.

Apocalipsis 19:9

Ca na'le, ca' so nelaatec piguim le'ec 'naac caỹim: —'Chiriñi: “Chalego loyac quená'maq nalecseripi queca lemaqachic so 'ec qagreta llaalec ma' shilo.” Ca 'naac caỹim: —Dauajo dauá'maq ỹaatqajam lliquete' la'qaatqa ñi qota'a.

1 Samuel 25:8

Ca' qami' shichi' nataxañi' quena relaataxai'ipi, ca na'maxare ỹa'xat ma'le cá'maq ỹaatqajam lliqueta. Vichiguiño' nagui ñi'xoresene'tot qami' quiyim rqouaquiteguelo naua ne'naqa ma' 'maxaraic da loviraxague'. Ca' qami' shichi' quiyim 'ue ca 'ỹaañitem naua'maxare chaqai aỹim quecá'maq ralo'isalec, ma' ỹim shintari' ca qachaalqui'.