Ester 10:3 - La'qaatqa ñi qota'olec Qota'olec & Qota'olec Novita Na Qomyipi

³ So Mardoqueo só'maq judío le'ec, pa'aata'guit yi loma' so lashi na nashillipi. Ỹaatqajam chalego lecaic nqohin quena judioipi, nqo'itaxat quesá'ogue so lauo' laseripi, ma' ỹo'uet dá'maq ỹa'maqachiguiñi quesó'maq chi lauo' laseripi, chaqai reloquilec, qaiyi ỹa'maxañi so'maxare.

Ester 10:3 Iomraidhean Croise

Génesis 41:40

Ca' nagui spa'xañiraxalec quiyim daañirelec na ỹa'a' lodegaxat chaqai ná'ogue na iuo' laseripi quiyim na'xaỹaxane'ta qami' quecá'maq 'ñirac. Chaqaỹimeto' sapacauec caqami'; ỹim, ma' ỹim nashi.

Génesis 45:10

Ñiỹalec ma'le yi 'laua Gosén, riỹahitac na qachaalaxahipi, chaqai ná'ogue na qalohipi, chaqai na roviñiguii, chaqai sqoỹoqapiguii qamiri caỹim.

Génesis 45:11

Quenajo sa'ue ma'le ca qanoxohi, chaqai cá'ogue ca qachaalaxahipi, chaqai cá'ogue cá'maq qauorahi, qaiyi qaica ca viñiỹaque. Ma' ñaqai naate' naua liỹa' cinco ñaxari nqopaxaqui'.

Nehemías 2:10

Qam na' 'ue da la'xaỹaxac so Sanbalat só'maq na'ñi yi na'a' Horón chaqai so Tobías na'ñi yi 'laua Amón, ca so'maxare ro'o ma' ñovi' sahotaque sotauan so llaalqaipi so Israel.

Ester 2:5

Ca' queso na'a' lodegaxat Susa neeta'ño' so judío le'ec, leenaxat Mardoqueo. So'maxare leta'a so Jair, chigoxougui so Simei chaqai so Cis, saua'maxare chigoxorougui so Benjamín.

Ester 3:2

Ca ná'ogue na ro'ueenataxantacot so nashi quená'maq hueeta'ñi yi la'a', ca na'maxare ỹa'chi'iñi naua le'cootal, ca ỹoviraqta'guit na latap na 'laua chaqai nanaxañi na lqahic quena' qoyique'tot queso Amán chaqai quena' qareloqota'guit, ma' chi lelaataxanaxac so nashi. Qam so Mardoqueo se na'xaỹaxana dajo na'qaatec.

Daniel 5:16

Qam 'ue da ỹa'xaỹaxac caqami' quiyim shichi' choxochi' cá'maq sqa ỹaataxa'uegue chaqai 'xachi' ca leloxoỹaxac cá'maq 'xoic ca lqalaic. Ca no'm shichi' taqairelec yauajo nerqa chaqai choxochirim ca leloxoỹaxac, ca ỹim so'uet quiyim qoỹañiguilo qami' ma'le caua noho togue' nashi loho, chaqai qaỹa'ue aca rqola'e' 'oro, chaqai qami' ỹotaua queda ỹo'ueenataxanaxac quenajo 'laua soiquentac.

Daniel 5:29

Ca' so nashi Belsasar relaataxan quiyim qoỹañiguilo saua togue' noho nashi loho so Daniel chaqai qaỹa'ue aso lqola 'oro, ca' ỹa'ue la'xaỹaxac ná'ogue quiyim chaqaiyi chaqa'ma' lotaua so Daniel queda lo'ueenataxanaxac quiyim nashi.

Daniel 6:3

Ca' so Daniel chaqa'ma' re'oq quiyim paguec ỹa'den da lo'ueenataxanaxac quesaua liỹa' neloxoỹa', ca vichiguiño' so nashi ỹahotaque quiyim pataxalec nashi quiyá'ogue yi 'laua.

Romanos 10:1

Qamiri ỹaqaỹarolqa, ỹaatqajam 'xoic da lishoxo añi i'taxanata chaqai sashiilatac ñi qota'olec quena Israel llaalqaipi, ma' sahotaque quiyim qanca'laxatec.

Romanos 14:18

Cá'maq 'neetari' dajo quiyim ro'ueenataxanot so Cristo, ca' qaỹa'maxarenta quiñi qota'olec chaqai quena qomyipi.

1 Samuel 18:16

Qam quiyi Israel chaqai quiyi Judá ỹaatqajam nqo'ta so David, ma' chaqaiso só'maq lashi quena' taauec chaqai quena' rapilo quena' nalauat. (18.17—19.24 So Saúl ỹo'naxañiguit so David aso llaale, ma' ỹahotaque ỹocanac.)