Ester 1:6 - La'qaatqa ñi qota'olec Qota'olec & Qota'olec Novita Na Qomyipi

⁶ Ca' so nasoxoc lemaqatet nqohin na no'uen lepate lo'lo lalagaxaic chaqai na icolaq, qaỹauo'chi naua lequeete' chicqoraugui na lino tocalec, ca queetouguilo naua lauaco 'ue na no'ueetaxat plata, chaqai naua lashil nodaachiguiñi qa' leenaxat mármol. Chaqai saua qa'xanaxalate', ca' naua neuaxaỹoxosoxolate' qaỹa'meenlgoto quena 'oro chaqai quena plata. Chaqai so nco'ỹaaqa' ta'ta'a qa' lo'yaxanec, 'ue na nácar, mármol lalagaxaic chaqai na laueraxaic.

Ester 1:6 Iomraidhean Croise

Ester 7:8

Qam co'na' so nashi rapilo quiyi lanaxanqa', ca inoxonougui ñi 'imec nqui'ỹaxaqui, ca iuane'ta so Amán ỹa'deesañi le'cootal huaqatalec so qa'xanaxala' huaqatalec aso Ester. Ca 'naaco': —'Aa, ¿qa' vi'saco' hualaxaiñi' ana nashi ya'ajnaxanaxañisac, chaqai quena ỹa'a'? Ca na' 'naac dajo so nashi, ca saua lotaua' neloxoỹa' queso'maxare chaqa'ma' ỹapoorigui na lashic so Amán, ca' so 'óna quesaua'maxare leenaxat Harbona 'naaco': —Quiyi la'a' na Amán 'ue ada ỹa'maqatañi ncoñiitaxanaxalate 'uo' ca veintidos metros da ladogaxa, ma' ñi'maxare relaataxanlec ỹahotaque qaicoñijshi'megue so Mardoqueo, só'maq chalego loyac nqai'en da ra'xaỹaxaqui' na'le, qami' qarashi. —Cha'regue coñirishiguim ñi'maxare caca'maxare —'naaco' so nashi.

Ester 8:15

Ca' so Mardoqueo co'na' nenoxonec quiñi 'imec lodegaxat, ỹantañi aso nashi lapooto icolaq chaqai lalagaxai, chaqai ỹantañi aso nashi nado'o 'oro chaqai so nepo' lino naueralec da letogaxa. Ca yá'ogue yi na'a' lodegaxat Susa ỹaualqatagui queda netoonaxac.

Amós 2:8

Na'maxare ipiguinñi na ỹoqa'a nooỹac nillicseripi, ca' nenanlec, ỹalequetau'a na nqui'ỹaxaquipi quena' qaimaqachin na nashiilec nqolaquipi; rishiuetenaxana quena lataxa ana lam lachoxonataxanqate, ca' ne'et quena lataxa quenaua lauooto' na lashiilqaipi nqolaquipi.

Amós 3:12

'Neetasa' da la'qaatec ñi qara'gaxala': Dá'maq 'neeta na neloxoỹaq quena' louootaxanqate' caua dos lapiaate' ca lalo qagreta loqo'm ca lo'lo aca lque'la, quena' sham qaiqo'oc queca sauaxaic leta'a, ca' chaqaida 'neeta quiyim nañit ma'le na llaalqaipi so Israel neeta'ñi na Samaria, ná'maq saqatalec ná'maq no'uen qa'xanaxala' ỹachigoxota'gue da Damasco. (3.13-15 Ñi qota'olec ỹa'xat quiyim nomachichiguiñi ná'ogue ma'le.)

Amós 6:4

Saxaitalec ná'maq chalego loyac qa'xanaxala' no'ueetaxat ana loue ana ladoco loue, 'ec npaloochitac quenaua remaqachigohi, qui'iitac quena qagreta llaalec chaqai na huaqui llaalec 'uegaxasaq.

1 Samuel 28:23

Qam so Saúl se ỹa'maxaren que'e. Qam saua nauegaxaua' nashil chaqai aso 'aalo ỹaatqajam 'ue da lepagaxalligue', vire'to' na' qaishit. Ca chaqa'ma' ne'laxashiguim, ca' nqa'xanlec ca nomala'.