Ester 1:4 - La'qaatqa ñi qota'olec Qota'olec & Qota'olec Novita Na Qomyipi

⁴ Ma' ỹahotaque ỹachaxanem da lesallaxa, da lecaic quiyim nashi, chaqai dá'maq qaica 'nejem lauaq da lquesaxanaxa. Ca' so lqui'ỹaxac ỹoviraqterauec saua seis shiriguiri.

Ester 1:4 Iomraidhean Croise

Ester 1:3

Ca' quesaua tres ñaxari quiyim nashi so Asuero, ca' ỹo'uet so nemaqachic lodegaxat que'e, lqui'ỹaxaua só'maq lotauaripi nashillipi, chaqai so nouaataxanaq lashillipi na'ñi yi Persia chaqai yi Media, chaqai na na'gaxalateripi chaqai na nashillipi quenaua liỹa' 'lauari.

Ester 1:5

Ca co'na' ime'ueque sauajo shiriguiri, ca' so nashi eec nqai'en so lqui'ỹaxac quesaua liỹa' siete na'xata', ca illa'ñi yi nasoxoc ñi lauo' lodegaxat. Ca ná'ogue ná'maq neeta'ñi yi na'a' lodegaxat Susa sá'ogue qaỹa'ue la'xaỹaxac, qaiyi ỹalequetaho ná'maq nesallaxanqaipi chaqai na 'xoraiquipioqui', ná'ogue qoỹal.

Salmos 45:3

¡Qami' nalauataxai, nishichiriñi ca lecachi'! ¡Ca' chaqaica cá'maq lemaqatet qami'!

Daniel 5:18

Ñí'maq paguec lecaic qota'olec ỹaanem da lo'ueenataxanaxac, chaqai da lecaic, da lauaq chaqai da lemaqachic so Nabucodonosor só'maq qataa'i', qami' qarashi.

Mateo 4:8

Ca' so na'ỹaapec lotqai liỹa ỹauega so Jesús ada quemaralec qa' ladocai. Ca' ỹachaxanalo naua'que naua na'aate' hueesalec ana 'laua chaqai ná'ogue na lemaqachic na'maxare.

Mateo 6:13

Chaqai se qarashiñitegue ca qane'guenaxac, ta'ta'a quiyim otaxañirelgoto qomi' queso na'ỹaapec. Ma' qatoiquenachiqui' dá'maq no'ueenataxanaxac, chaqai da nquesaxanaxa, chaqai da nauaq qaica lqodoc. Ajá'a, ca' chaqaida 'neeta dajo.

Romanos 9:23

Ma' ñi'maxare ỹo'uet dajo, ma' ỹahotaque quiyim ỹa'deenaxanaxanque qomi' da lecaic da lauaq quedá'maq 'neeta'guelo qomi' quiyim nqouagueguelo qomi', chaqai quiyim ỹaqatqajantari' ỹa'maxachiñi qomi', qaiyi ñouanqau'a dajo lauaq.

Efesios 1:18

Ca sashiilatac ñi qota'a quiyim coỹarigui yi ra'deenataxanaxaguii, qaiyi 'yiiñii cá'maq 'neeta ca naquitaxaguii quiyim qaroỹaxañiỹaxaua', chaqai dá'maq chalego lecaic nesallaxa ỹaanec ma'le ñi qota'a quená'maq lalamaxareteripi,

Colosenses 1:27

Ca quesaua'maxare ñi qota'a ỹahotaque quiyim qaỹa'den dá'maq lesallaxa 'ue da lauaq dá'maq ỹahotaque ỹaanem na mesqai judioipi. Ca' dajo na'qaatec quiyim so Cristo ỹalequetauguilo qamiri, ca' so'maxare chaqaiso só'maq ỹo'uet ca naquitaxaguii, qaiyi 'ue ca lauaxai' ma'le qamiri.

Apocalipsis 4:11

Qami' qara'gaxala' qota'olec, ỹaatqajam 'chichiguiñi quiyim coñichiguit da nauaq, da necaic, chaqai da nquesaxanaxa; ma' qami' ro'ueenachiqui' ná'ogue nanchaqaina, ma' chaqaida dá'maq vi'saque, ca' 'ue, ca' re'oq ná'ogue na'maxare.