Ester 1:12 - La'qaatqa ñi qota'olec Qota'olec & Qota'olec Novita Na Qomyipi

¹² Qam aso'maxare se na'xaỹaxana dá'maq la'qaatec so nashi quesaua lelaatqa ỹale'. Co'na'le, ca' ỹaatqajam ro'o so nashi. Ca co'na' ñaq ro'ootari',

Ester 1:12 Iomraidhean Croise

Génesis 3:16

Chaqai 'naaco' caso 'aalo: —Ñoquiigaxatec nagui da re'xoriqui' ma' ỹovita quiyim 'ue ca qachaalqui', chaqai ỹaatqajam 'xoic da nqui'ic ma' co'i'. Qam qami' pacqajñirauec da roua'e' chaqai da'maxare ỹoiquentac aqami'.

Ester 1:11

quiyim qaỹavigui'ñi yi reloqota'ñi aso nashi Vasti, ỹantañi nqohin aso nashi nado'o, qaiyi so qomyipi chaqai só'maq liỹa nashillipi ỹa'ajan dá'maq loyac aso nashi, ma' ỹaatqajam lo'yaxana aso'maxare.

Ester 1:13

ca' inate' sauá'maq ỹa'yiinchiguilo naua leloxoỹaxaco quiyim 'ue ca qaỹo'uet, ma' chaqaida dá'maq no'ueenataxac quiyim quecá'maq 'neeta ca nashi, ca' qana'yiiñigui quená'maq ỹa'deene' naua leloxoỹaxaco na 'ueenataxac.

Ester 7:7

Ca' so nashi Asuero chalego lauel, ca' ne'laxatashiguim, ca chaqa'ma' ca'e ñí'maq 'imec nqui'ỹaxaqui, ca' quepegue' yi nashi lanaxanqa'. Qam so Amán na' retan quiyim so nashi ỹahotaque quiyim qaỹalauat, ca so'maxare no'ueenaugui so nqui'ỹaxaqui, ma' ỹahotaque quiyim ne'xoresene'tot aso nashi Ester quiyim se qaỹalauat.

Salmos 74:1

Qami' qota'olec, ¿Chi'neco' ma' ỹaatqajam quira'ahi qomi'? ¿Chi'neco' ma' 'ue da roquiiaxa'e' cana qagretaipi qui'ỹaxañisac?

Éxodo 32:19

Ca co'na' so Moisés paguec sqoỹoqaque nqai'en so co'matqa', ca iuane'ta so huaqui llaalec chaqai ca rasotaxaripi, ca' ỹaatqajam ro'o. Ca nenaqaiño' saua lo'qoota'alo qari, ca ropoqoguilo nqai'ne' quena lahi aso quemaralec qa' ladocai.

Éxodo 32:22

Ca' so Aarón 'naaco': —Qami' ỹa'gaxala', totaxan 'o'iriua'. Qami' 'yiiñite' najo qomyipi ỹaatqajam nqo'ta ỹo'uet da se no'uen.

Daniel 3:13

Ca' so Nabucodonosor ỹaatqajam ro'o, ca' relaataxane'ogalo quiyim qaỹaueguero saua Sadrac, Mesac chaqai so Abed-nego. Ca, na' mashic reloqota'guita,

Daniel 3:19

Ca co'na' 'xaỹa dajo na'qaatec so nashi Nabucodonosor, ca' netoguec na lashic quena lauel quesaua tres ne'naqa. Ca' relaataxanlec quiyim liỹa qaỹalonougui ñi nqatelaxanaxaqui, qaiyi paguec nqo'neuec da lpa'ỹaaxa.

Efesios 5:22

Ca' aca 'aalo se napacalec ca loua, 'neeta'gue nqai'en dá'maq 'neetari' queso qara'gaxala' Jesús.

Efesios 5:24

Qam chaqaida dá'maq 'neeta quiyim ná'maq mashic icoñiguit da na'qaatec se napacalec so Cristo, ca' 'nejem aca 'aalo se napaqueteguelec ca loua quená'ogue nanchaqaina.

1 Pedro 3:1

Qamiri 'aallipi qai'neeta, caná'maq mashic 'ue na loua, ỹaatqajam 'maxachii'teguelo naua rouari, qaiyi no'm 'ue ca sqai huelec da na'qaatec ishit quiyim huelec quedá'maq chi ra'maqataxanaxaguii, se ipaquetaque quiyim 'ue ca qaỹa'xat,