Ester 1:11 - La'qaatqa ñi qota'olec Qota'olec & Qota'olec Novita Na Qomyipi

¹¹ quiyim qaỹavigui'ñi yi reloqota'ñi aso nashi Vasti, ỹantañi nqohin aso nashi nado'o, qaiyi so qomyipi chaqai só'maq liỹa nashillipi ỹa'ajan dá'maq loyac aso nashi, ma' ỹaatqajam lo'yaxana aso'maxare.

Ester 1:11 Iomraidhean Croise

Ester 1:12

Qam aso'maxare se na'xaỹaxana dá'maq la'qaatec so nashi quesaua lelaatqa ỹale'. Co'na'le, ca' ỹaatqajam ro'o so nashi. Ca co'na' ñaq ro'ootari',

Ester 2:17

Ca' so Asuero ỹaatqajam chalego' da lqo'iichi caso Ester, se ỹauanapego' quen 'neeta caca liỹa 'aalo. Ca aso'maxare ỹaatqajam imaalec da lqo'iichi so nashi Asuero, ca so Asuero ỹapacqajnauec aso'maxare queso liỹa 'aallipi ỹovira'a so'maxare, ca' ỹañigui na lqahic aso nashi nado'o, ca' ỹana'ñi yi loma' aso Vasti quiyim nashi.

Ester 6:8

ca'maxare 'maxaraic quiyim ỹouen cá'maq chi napoxogui'i' chaqai ca shipgaq quenauá'maq qañaxalachichi', qami' qarashi, chaqai quiyim ỹantañi aca nashi nado'o quena lqahic.

Proverbios 31:30

Da la'maxa ca 'ueenataxac rayinaxan, da noyac imeuo, qam aca 'aalo acá'maq imaqachin ñi qara'gaxala' qota'olec, chaqaca ta'chiguit quiyim qaimaqachin.

1 Samuel 25:3

Ca' sojo ỹale leenaxato' Nabal, so'maxare chigoxougui so llaalqaipi so Caleb. So'maxare ỹaatqajam hualoxonaq chaqai la'axaic lqahic. Qam aso loua Abigail ỹaatqajam lo'yaxana chaqai 'deenaxanqachaqai.