Esdras 9:9 - La'qaatqa ñi qota'olec Qota'olec & Qota'olec Novita Na Qomyipi

⁹ Ma' 'eno'm qomi' na'aqa, qam se qaralachi'. Ta'ta'a quiyim choxochi' da rqouagaxa'e' coqomi' iuanchigui nqai'ñi' yi nashillipi quiyi Persia, chaqai 'ỹaañitema qomi' da qarca'laxa, qaiyi liỹa ño'xonaxashiguim añi ro'ueenaxanaxagui'i' quiyim mashic ñá'ogue 'guiñi, chaqai 'ootaxañirelgoto qomi' quena Judá chaqai na Jerusalén.

Esdras 9:9 Iomraidhean Croise

Esdras 7:6

Ca' sojo Esdras napaxaguinataxanaq ỹaatqajam ỹa'deene' naua leloxoỹaxaco naua laqataxaco ñi qara'gaxala' ñí'maq qota'olec quiyi Israel ỹaaneco' na'le, chicqochigui nqai'en so Moisés. Ca so'maxare ỹaatqajam qaỹotauantac quiñi qara'gaxala'. Ca' so nashi Artajerjes ỹaanem cá'ogue cá'maq rashiilaxanaque. Ca' chaqaida 'neeto' na'le na' so Esdras quiyi Babilonia pil,

Esdras 7:8

Ca' so Esdras na' qaỹotauan quiñi qota'olec, ca' pil, ca'e yi Babilonia queso 'auaxaic na'xa'a queso 'auaxaic shiraigo na' ime'ueque saua seis ñaxari nashi so Artajerjes. Ca' queeta quesaua cuatro shiriguiri, ca ỹovi'.

Esdras 9:10

Qam nagui qami' qota'olec, ¿negue' queto' cá'maq shinqac quedá'ogue dá'maq so'ueetaq? Na' se sepacqajnaxaguilo naua nelaataxanaxaco,

Nehemías 2:17

Ca na'le, ca' shinapega so qomyipi: —Qamiri 'yiiñita quiyim 'xoic lqalaic dá'maq shinqata, ma' na Jerusalén ỹaatqajam qanopoxoỹaxachichiguiñi chaqai naua lasomi' ỹaviquete' nqohine'. Ca' vichiguiño' lapohiguit aỹim, ca' liỹa ño'xonaxashiguim na lapoxot na Jerusalén, qaiyi totqai qomi' ne'naqa.

Isaías 14:3

Qamiri qomyipi quena Israel, ma' nco'mataxandec qamiri ñi qara'gaxala' quena re'xoriguii, da reueetaxanaxahi queda nqa'viiguii dá'maq viriỹau'a na' qamiri na'aqa,

Isaías 5:2

Naqalgoxoshiguim yi 'laua, naqata'a na qa', ca' ỹanñi ná'maq ỹaatqajam no'uen llaxataxa. Ca' quiyi lavinñi yi lanaxanqa' ỹa'ue ada la'ajnaxanaxalate, chaqai qai'neeta ỹa'maxajñi ca lo'ueetqa' na lataxa. Ñi ñauochaxaua 'neetapego' lo'daxarai ana la 'uva, qam na' qai'guen, ca' nodaachiguiñi lochiviaxai.

Isaías 5:5

Hua', ca' nagui sahotaque sa'xat cá'maq sahotaque shine'tegue ma'le yi ỹanaxanqa': ñaqat ma'le so lquepaxaset, qaiyi qanaqaguijñi; ropoxoỹa'gue nqaishin so lapoxonaxat, qaiyi qaico'uelec;

Isaías 61:4

Liỹa qano'xonshiguim na na'aateripi ná'maq shi'co' quen 'guiñi, qanopoxoỹaxajñi.

Hageo 1:9

Qamiri ỹaatqajam 'xoic da rimiitaxanaxaguii, qam sqa lo ná'maq nachiỹa; chaqai ná'maq 'maxachii quenauá'maq qauootori, ca chaqa'ma' spe'teuec. ¡Ca' có, sqaica! ¿Chi'negue? ¡Sá'ic!, ma' ñi iuo' nqouagaxainaxaguii ñaqaiñi saqa' qanadalaxashiguim, qam qamiri nquipichita'pegueto 'maxachiñi nauá'maq chi ra'aachiri. Ỹim na'gaxala', se'taxajñi da ỹa'qaatec.

Zacarías 2:5

Qam ñi qara'gaxala' i'taxajñi da la'qaatec: Ỹim shintari' ma'le ca nquepaqataxanaxat 'ec norec nahiquinchiguiñi yi na'a' lodegaxat Jerusalén, ca' quiyi lavinñi, ca' sachaxan da ỹauaq.