Esdras 9:8 - La'qaatqa ñi qota'olec Qota'olec & Qota'olec Novita Na Qomyipi

⁸ Qam nagui qami' qara'gaxala' chaqai qota'olec coqomi', queda rqouagaxa'e' ỹo'uet quiyim qomi' qaỹosoorec, ca lotqai liỹa qarapilaxatalo qomi' naua qara'aate' quena na'laua'e'. Ca lotqai liỹa neuañiñi nqai'ñi' qomi' chaqai cocho'qui' nachipinec nqai'ñi' da qaracat quiyim qomi' na'aqa.

Esdras 9:8 Iomraidhean Croise

2 Reyes 19:4

Sha'apiguito' ñi qara'gaxala' qota'olec 'xaỹalo daua la'qaatqa so lotaua ñi nashi quiyi Asiria, quiyim queetapegueu'a ñí'maq nca'leetauec qota'olec, chaqai sha'apiguito' quiyim ỹouaxan quedá'maq cajo 'naac quiñi qara'gaxala', ñí'maq qota'olec caqami' peeta'a 'xaỹa. Ca' nagui, ca' nqouagaxaiñitot ñi qota'olec quená'maq no'ueenañi.

Esdras 9:9

Ma' 'eno'm qomi' na'aqa, qam se qaralachi'. Ta'ta'a quiyim choxochi' da rqouagaxa'e' coqomi' iuanchigui nqai'ñi' yi nashillipi quiyi Persia, chaqai 'ỹaañitema qomi' da qarca'laxa, qaiyi liỹa ño'xonaxashiguim añi ro'ueenaxanaxagui'i' quiyim mashic ñá'ogue 'guiñi, chaqai 'ootaxañirelgoto qomi' quena Judá chaqai na Jerusalén.

Nehemías 1:11

Ca ñi'xoresene'tot qami' nagui quiyim na'xaỹaxañita da nqouagaxainaxac chaqai da lashiilaxanaxac najo relaachiqui', ma' qaica ca liỹa ỹahotaque, qaidaata quiyim remaqachiñi'. Chaqai sashiila'isac quiyim seshit da sahotaque quiyim taachigui lauel nqai'ñi' ñi nashi quiyim nqouaguic. Ỹim ñaqaỹim ne'taxaqui lo'o na'le so nashi Artajerjes.

Eclesiastés 12:11

Naua la'qaatqa na 'deenaxanqachaqaiquipi 'ec ca na'naxaset, chaqai quena' qalapoonta' qanca'ata', ca 'ec aca netana qaỹotocqochiguiñi ỹa'yiñi ca 'oonoqui' neloxoỹaq cana qagreta.

Isaías 1:9

Quetqai ñi qara'gaxala' qaica lqalanec sqaico' caua no'ueenaxaterañi coqomi', ca' nagui queta' shinqatari' yaua Sodoma chaqai yi Gomorra na' qanopoxoỹaxachiñi.

Isaías 14:3

Qamiri qomyipi quena Israel, ma' nco'mataxandec qamiri ñi qara'gaxala' quena re'xoriguii, da reueetaxanaxahi queda nqa'viiguii dá'maq viriỹau'a na' qamiri na'aqa,

Isaías 56:5

ca' ỹim saanem ca paguec loyac queca llaalec chaqai caca llaale; ỹim saanem quiyim ca leenaxat ỹaatqajam 'chiichiguiñi nqaishin, qaican ỹapalaxat, spa'xanaho quiñi iuo', saanem quiyim da leenaxat sqaica lqodoc, chaqai sqai pal.

Isaías 6:13

Chaqai no'm sqo vito'olqai' caua no'ueendañi quenajo qomyipi, qaiyiita qanalauajñi ma'le, 'ec quena' qaỹouaxanlec aca qo'paq roble loqo'm aca encina, ca' qacaata aca loỹo no'ueenañi. (Ca acá'maq dalaxai llaxataxai aca loỹo, ca lalamaxarete ma'le ñi qota'olec.)

Jeremías 42:2

so Jeremías, ca' qohinapego': —'Ue da sashiilaxanqaque caqami'; 'neeto' se na'xaỹaxañi': Nqouagaxaiñitot ñi ra'gaxalachi' ñí'maq qota'olec caqami' coqomi' sqo vito'olqai' qaro'ueenañi. Quesom qomi' 'xoic, qam nagui ñaqai 'ajñi' qomi' sqo vito'olqai'.

Jeremías 44:14

Qaica quet cá'maq nañit quiyim nca'leuec quesá'ogue só'maq chicqa'ñi yi Judá taigue da Egipto, 'eno'm ỹahotaque rapila quiyim na'ñi yi Judá, se rapila, ta'ta'a ná'maq nemootauec pil.

Oseas 6:2

Sqaỹaloq rapilaxat quiyim no'ueente' qomi', ne'laxataxanaxañishiguim qomi', ma' ỹahotaque seloxoiqato'ot ñi'maxare.

Romanos 9:27

Qam quená'maq Israel llaalqaipi, ca' so Isaías 'naaco' na'le: “'Eno'm ỹaatqajam 'xoic na llaalqaipi so Israel, 'ec lecaata na lo'uaxanaxa cana huaaxai, qam sqo vito'olqai' ma'le caua no'ueendañi quiyim nca'lerec.

Apocalipsis 3:12

Ca cá'maq rauegaxan, ca' ỹim 'ec nqaishin aca nenojnaxa quiyim nolliitañi ñi lauo' ñi qota'olec, ca' totqa nac quiyi'maxare. Ca' quecaua'maxare serelgoto ma'le da leenaxat ñi qota'olec chaqai da leenaxat yi la'a' ñi'maxare, yí'maq dalaxaic Jerusalén chicqa'gue da piguim, chicqo'ot ñi qota'olec. Qai'neeta serelgoto ma'le caua'maxare ca dalaxaic ỹeenaxat.