Esdras 9:6 - La'qaatqa ñi qota'olec Qota'olec & Qota'olec Novita Na Qomyipi

⁶ Ca' shinac: —Qami' ỹa'gaxala' qota'olec, qami' ỹa'gaxala' qota'olec, ỹaatqajam chalego da ỹayiloxo, chaqai tot sa'den ca shine'tegue quiyim ñqouagaxainot qami'. Ma' na se no'uen mashic ỹapacshiguim coqomi', chaqai na qarasauaxaset mashic ỹovitot na piguim.

Esdras 9:6 Iomraidhean Croise

Génesis 13:13

yí'maq na'ñi ná'ogue na qom hualoxonyipi, chaqai ỹo'ueetetac ná'ogue na se no'uen quená'maq se nqo'ta ñi qara'gaxala'.

Esdras 9:13

Ca na' ime'uegue ná'ogue ná'maq sovirqau'a sauaxat ná'maq se no'uen so'ueetqatac, ca' vite da qanouaxanaxaset, qam qaiyiita ñaqai 'ñira'guelo qomi', ca' vite quiyim chaqai shinqatari'.

Esdras 9:15

Qami' qara'gaxala', qami' qota'olec quena Israel, ỹaatqajam ỹa'maqachiguiñi dá'maq 'ñiteteguelo qomi', ma' ñaqa 'ue nqai'ñi' na ca'laaxaic ná'maq nagui qaiuanchigui. Ca' qomi' ỹaatqajam 'ue da qarasauaxaset caqami'. Vichiguiño' qomi' se ỹa'maxañi quiyim seloxoiqato'ot qami'.

Nehemías 1:6

Ca' nagui ñi'xoresene'tot qami' quiyim na'xaỹaxañita da ñqouagaxainaxac quiyi na'xa'a chaqai yi pe, sashiilaxanteguelec na relaataxai'ipi llaalqaipi so Israel. Chaqai ña'deenalta' quiyim qomi' llaalqaipi so Israel 'ue da qarasauaxaset caqami', ¡vire'talo nauá'maq chi ita'al 'ue da qarasauaxaset!

Job 42:6

Ca vichiguiño' nagui, ca 'xoic da ñitogotaxa, ca ñqa'xantañigui na namoxoỹaxa chaqai na lo quena ỹayiloxo.

Éxodo 32:31

Ca' so Moisés pilshi'ma yi neeta'ñi ñi qara'gaxala'. Ca 'naaco': —Yi qomyipi ỹaatqajam chalego lecaic da lasauaxaset na' ỹo'uet so lashiilec 'oro.

Isaías 1:18

Ñi qara'gaxala' 'naac: Nahiquena, ñaq setaxaỹaxagui dajo. 'Eno'm ca rasauaxashichii 'ec ca ỹaatqajam togaxaraic, qam ỹim lalagaxaic nqaishin, 'ec nqaishin ana loñi nacañi; chaqai 'eno'm 'ec aca lepate nqo'leguese quena naue' letogaxa, qam ỹim lalagaxaic nqaishin, 'ec na qagreta laue.

Isaías 59:12

Qomi' ỹaatqajam so'ooqochitaq qami', ñauatqa'uegue na qarasauaxaseteripi sqai pal; ná'ogue na qarasauaxaset ná'ogue ño'uenqata'gue chaqai sa'deenqata ná'maq so'ueetqatac se no'uen.

Ezequiel 16:63

Ca' qami' ma' 'yiiñira'a, ca' chalego ma'le ca rayiloxo'e' chaqai nemanachichi', ca' totqai huachirigui ma'le na qadapi' quiyim taxahi', ma' ỹim sapalaxat ná'ogue ná'maq se no'uen 'viichi'sac. Ỹim na'gaxala', se'taxajñi da ỹa'qaatec. (17.1-24 Qaraloqojnaxañigui aso 'uva lashi chaqai qaraloqojnaxañigui so o'ic.)

Lucas 15:21

Ca' só'maq llaalec 'naaco': “Qami' ita'a, aỹim 'uo' da ỹasauaxaset hueeto'ot ñi qota'olec chaqai qami'. Ca' vichiguiño' sqa taiguit nagui quiyim 'ñirapiguiỹa' ỹim qachaalqui'.”

Lucas 18:13

Qam so ỹacona'piguit ana nishiuete so nashi, qoỹoqo'ta yi hueete'e, chaqai se ra'ishiguim quena piguim. Chaqaidaata quiyim ỹouaxantalec ana lotogue, ca 'naaco' quen: “¡Qami' qota'olec, yi'xoriñi', ma' ỹim sauaqhuaic!”

Romanos 6:21

Qam ¿negue' cá'maq 'neco' na'le dá'maq dajo, dá'maq nagui ỹo'uet na rayiloxohi? Ma' da'maxare qaidaata da nelauaxa rauecqataxantau'a.

Apocalipsis 18:5

Ma' lapootañi na lasauaxaset ỹovirashiguim quena piguim. Ca ñi qota'a ỹo'leenta'a ná'maq se no'uen ỹo'ueetetac yi'maxare.