Esdras 9:2 - La'qaatqa ñi qota'olec Qota'olec & Qota'olec Novita Na Qomyipi

² Ma' na Israel laseripi chaqai na llaalqaipi o'ñiguit na llaallipi so ỹoqa'a qomyipi, ca só'maq lalamaxareteripi ñi qota'olec ỹalliguiguit na ỹoqa'a qomyipi. Ca ná'maq 'au ỹo'uet da nasauaxaset chaqaina ná'maq na'gaxalateripi chaqai na nashillipi.

Esdras 9:2 Iomraidhean Croise

Génesis 6:2

Ca' so llaalqaipi ñi qota'olec ỹa'ajanac quiyim lo'yaxanaipi so 'aallipi. Ca' nca'agui sá'ogue, ca' icona quiyim loua acá'maq nqo'ta.

1 Reyes 11:1

Ca' so Salomón mesqasoota nqo'ta aso llaale so Faraón, lashi yi Egipto laseripi, ma' qai'neeta nqo'ta na liỹa 'aallipi lasellipi yi Moab, Amón, Edom, Sidón chaqai na hititaipi.

Esdras 10:2

Co'na'le, ca' so Secanías, llaalec so Jehiel, chigoxougui so Elam, 'au retaqa, ca 'naaco' queso Esdras: —Qomi' sqai qomi' 'xaỹaxanaxaraqa quiñi qota'olec, ma' so'naxaguit ana 'aalo ỹoqa'a ca chicqa'gue, dá'maq se ỹa'maxaren ñi qota'olec. Qalaxam ñaqa 'ue da quitaxac quena llaalqaipi so Israel.

Esdras 9:12

Chaqai qai'neeta 'ñirac quiyim sqo 'ñiguit nqaishinaq na qochaallipi, chaqai quiyim se sa'maxarenaq quiyim na qochaalqaipi o'ñiguit na llaallipi na'maxare, chaqai quiyim se seuagaxaguit chaqai ca la'maxa yijo qomyipi, qaiyi se neme quiyim qomi' quesaxanaxaqa, chaqai quiyim seconaxaguit ná'ogue ná'maq hueetalec na 'laua. Ime, ca' ño'ueenaxatqa'guit ná'ogue na'maxare na qochaalqaipi, ca' sqaica lqodoc quiyim chi lalamaxat.

Esdras 9:14

Ca' ¿peeta'a ỹa'maqachiguiño' quiyim se ña'xaỹaxanaxalo naua relaataxanaxagohi', ca ña'aaquenaxaguit na qomyipi ỹaatqajam chalego la'aaqa' naua no'ueenataxaco? Ca' ¿peeta'a sqai 'o'italo qomi', ca' palaxachira'pe qomi', vire'ta quiyim qaica quet ca 'oonoqui' no'ueenashiguim coqomi' ca'laaxaic?

Éxodo 19:6

Ca' qamiri 'ñiitari' ma'le ca qomyipi netaxaỹaxanqajanqaipi quiyim qaretaxaỹa'pegue' aỹim quena ỹoreta'oguit qomyipi. Chaqai 'ñiitari' ma'le ca qomyipi qaỹoỹoota'oga, ca qoỹaanot aỹim.” Ca' dá'ogue dajo 'xachi'o' ma'le quena Israel llaalqaipi.

Isaías 6:13

Chaqai no'm sqo vito'olqai' caua no'ueendañi quenajo qomyipi, qaiyiita qanalauajñi ma'le, 'ec quena' qaỹouaxanlec aca qo'paq roble loqo'm aca encina, ca' qacaata aca loỹo no'ueenañi. (Ca acá'maq dalaxai llaxataxai aca loỹo, ca lalamaxarete ma'le ñi qota'olec.)

Malaquías 2:11

Yi Judá se na'xaỹaxana ñi qota'olec, ca' chalego la'aaqa' naua qaỹo'ueeteta'pe quiyi Jerusalén chaqai quiyi Israel. Yi Judá chi iualaxainari' da lco'taxa ñi no'ueenaxanaxaqui na' re'xorenataxan ñi qara'gaxala', chaqai na ỹalliripi quiyi Judá icona quiyim loua ana 'aallipi nqouagaxainot na nashiilec nqolac.

Malaquías 2:15

Ca ¿mesqai qaiñiito' ñi qota'olec ñí'maq lo'ueenatec na roshicmaxa'e' chaqai na ra'alli'? Ca ñí'maq qota'olec ỹahotaque quiyim 'ỹaañitot ca qachaalquenaxanaxaqui'. Ca' ¡qamiri cochiiỹa dá'maq nachaalataxaguii, ca 'neeto' sqai pacqajñigui cá'maq ra'qaachiguii na' ñaqai qami' ne'nec caca roua'e'!

1 Corintios 7:14

Ma' no'm cá'maq ỹale saqa' icoñiguit da na'qaatec, qam qaỹa'maxarenta quiñi qota'a, ma' mashic ncoñira'guit aca loua mashic icoñiguit da na'qaatec. Chaqai aca 'aalo no'm saqa' icoñiguit da na'qaatec, qam qaỹa'maxarenta quiñi qota'a, ma' mashic ncoñira'guit ca loua mashic icoñiguit da na'qaatec. Qam no'm mesqaida, ca caua qachaalaxahi 'nejme' quet ca llaalqa ca saqa' icoñiguit da na'qaatec. Qalaxam nagui chaqaida dá'maq quiyim qaỹa'maxarente' quiñi qota'a.

2 Corintios 6:14

'Neeto' rotauahi ca qom saqa' icoñiguit da na'qaatec. Ma' quiyi, ca' se natenta' qamiri. Ma' ¿negue' quet cá'maq 'neeta cá'maq 'maxaraic chaalataxac quiyim huaqata'guit ca se no'uen, chaqai ca 'ue ca lauaq huaqata'guit ca napalaxa?

Deuteronomio 7:6

Ma' qamiri ỹaatqajam qaỹoỹooterec, qaiyi ỹaatqajam qamiri lalamaxarete' ñi qara'gaxala' qota'olec caqamiri. Ñi qara'gaxala' qamiri lca'acse' quená'ogue na qomyipi hueetalec na 'laua, qaiyi ỹaatqajam qamiri lalamaxarete' ñi'maxare.