Esdras 7:6 - La'qaatqa ñi qota'olec Qota'olec & Qota'olec Novita Na Qomyipi

⁶ Ca' sojo Esdras napaxaguinataxanaq ỹaatqajam ỹa'deene' naua leloxoỹaxaco naua laqataxaco ñi qara'gaxala' ñí'maq qota'olec quiyi Israel ỹaaneco' na'le, chicqochigui nqai'en so Moisés. Ca so'maxare ỹaatqajam qaỹotauantac quiñi qara'gaxala'. Ca' so nashi Artajerjes ỹaanem cá'ogue cá'maq rashiilaxanaque. Ca' chaqaida 'neeto' na'le na' so Esdras quiyi Babilonia pil,

Esdras 7:6 Iomraidhean Croise

Génesis 32:28

Ca só'maq ỹale 'naaco': —Tot qadeenaxachi' nagui da Jacob. Ca dá'maq qadeenaxachi' nagui 'neetasa': Israel, loqo'm qota'olec leloquiaxaua, ma' loquisa'pegue' ñi qota'olec chaqai na qomyipi, qam sqaica lovi' nqai'ñi'.

Esdras 5:5

Qam ñi qota'olec ỹaatqajam ro'ootaxanlec so la'gaxalateripi na judioipi, ca' se qaiquepaxat da lo'ueenataxanaxac, chi ỹovireta'a quiyim qaila' so na'qaatec quiyim qaỹa'ue la'xaỹaxac so Darío quiyim nela' so la'qaatec so'maxare.

Esdras 7:21

Ca' ỹim nashi Artajerjes, saanec da ỹa'qaatec quená'ogue ná'maq reloqota'a ana nam quiyi 'laua pa'ỹa'gue da lauashiguim caso lachiugue Eufrates, quiyim chaqa'ma' qoỹaanem canchaqaica rashiilaxanaque na netaxaỹaxanqajnec Esdras chaqai napaxaguinataxanaq quenaua laqataxaco ñi qota'olec queda piguim.

Esdras 7:28

Ma' chaxañi' da rqouagaxa'e' caỹim, viichigui nqai'ñi' ñi nashi chaqai na lotauaripi chaqai ná'ogue ná'maq choxoraic ỹalliripi queda lo'ueenataxanaxac, quiyim nañaañirim da iquesaxanaxa queda rotaanaxanaxaqui' quiyim seshit llapoonta' na llaalqaipi so Israel, quená'maq paguec choxoraiquipi quiyim rapil, liỹaatac aỹim. (8.1-36 'Ue aso lomalate só'maq rapil na'le quiyi Israel.)

Esdras 7:5

Abisúa, Finees, Eleazar chaqai Aarón só'maq ỹaatqajam 'auaxaic na'le quena netaxaỹaxanqajanqaipi.

Nehemías 12:36

Chaqai saua lauo' lase' Semaías, Azarael, Milalai, Gilalai, Maai, Natanael, Judá chaqai so Hanani, saua'maxare iviiquesapigui na liviiguellipi so nashi David, só'maq nale ñi qota'olec. Ca' so napaxaguinataxanaq Esdras 'auetauec quesaua'maxare.

Nehemías 2:12

Ca' ñi'laxashiguim queso pe. Ca' 'vii saua iỹareta'pe ỹale', qam qaica ca sa'deenaxanaxanegue dá'maq illiichigui iuel ñi qota'olec quiyim so'uet quiyi Jerusalén. Qaica ca liỹa iñaxala', qaisoota só'maq sentalec.

Nehemías 2:18

Ca na' sa'xatem da lqouagaxa ñi qota'olec quiyim yotauan chaqai saua la'qaatqa nañaañima ñi nashi, ca' so qomyipi 'naac caỹim: —¡Chaqa'ma' ño'xonaxashiguim ca'maxare! Ca so qomyipi 'ue da na'ñaaqataxac, ca chaqa'ma' na'ñaxajta'.

Nehemías 2:8

chaqai aca liỹa nerecse tai'a ca Asaf, cá'maq reloqota'a yi nashi no'oochi, quiyim nañaañim ca qo'paq, qaiyi so'uet ca lasomyipi queso lquepaqataxanaxat añi no'ueenaxanaxaqui, chaqai so lquepaqataxanaxat yi na'a' lodegaxat, chaqai cá'maq 'imec senaugui. Ca' so nashi nañaañim sá'ogue só'maq sahotaque, ma' yotauan ñi qota'olec.

Nehemías 4:15

Ca' so qanpa'guenaxauaripi na' ỹa'den quiyim ña'maxatqatañi chaqai ñi qota'olec ichoxot ná'maq na'deenaxaquipi, ca' qomá'ogue sopilaxa so napoxonaxat, ca' quiñi 'óna quelec cá'maq chi lo'ueenatec.

Nehemías 8:1

Ca' sá'ogue so qomyipi lapoỹata' quiyi napooqo' quiyi naloote'oga ñi huaxaỹaq nasom, ca' qohinapega so napaxaguinataxanaq Esdras quiyim nodouec aso lere hueetalec na naqataxaquipi chicqo'ot so Moisés, só'maq ñi qara'gaxala' ỹaanem na'le so llaalqaipi so Israel.

Nehemías 8:13

Ca' queso liỹa na'xa'a, ca sá'ogue so la'gaxala' neuo' laseripi chaqai so netaxaỹaxanqajanqaipi chaqai so lotauaripi, lapooguit so napaxaguinataxanaq Esdras, quiyim ỹaatqajam qanapaxaguina cá'maq leloxoỹaxac na naqataxaquipi.

Nehemías 8:4

Ca' so napaxaguinataxanaq Esdras nachaatetañi co'ueetalec saua qo'pa' qaỹauaaque nco'ỹaxala'. Chaqai so Matatías qai'neeta nachaatetañi, hueeta'gue da loic, chaqai so Sema, Anías, Urías, Hilcías chaqai so Maasías. Ca' queda nemaq hueeta'gue so Pedaías, chaqai so Misael, Malquías, Hasum, Hasbadana, Zacarías chaqai so Mesulam.

Nehemías 8:9

Ca ma' sá'ogue so qomyipi noỹentagui na' ỹaatqajam ỹa'yiinchigui dá'maq reloqo'tegue so naqataxaquipi, vire'ta na' so nashi Nehemías, chaqai só'maq napaxaguinataxanaq chaqai netaxaỹaxanqajnec Esdras, chaqai só'maq notaanaxanyipi chigoxougui so Leví, só'maq ichoxotetapeguem so qomyipi da leloxoỹaxac da naqataxaquipi, saua'maxare 'nerapega sá'ogue so qomyipi quiyim se rachicota chaqai se noỹentagui, ma' sojo na'xa'a lalamaxaret ñi qara'gaxala' ñí'maq qota'olec queso qomyipi.

Salmos 45:1

Chalego loyaague' naua ỹa'deenataxanaxaco; ñi ỹo'legaxanaxat 'ec ca leraxanaxac cá'maq no'uen neraxanaq. ¡Ca so'ueene'uegue dá'maq ỹa'qaatec quiñi nashi!

Isaías 59:1

Da lquesaxanaxa ñi qara'gaxala' se naqaguiñi quiyim se ishit ca'laqataxan, chaqai mese ra'ñaagui lqahic quiyim 'ec se na'xaỹaxan.

Mateo 13:52

Co'na'le, ca 'naaco' quesaua'maxare: —Quiyim ca rapaxaguinataxanta'pegue na naqataxaquipi chicqo'ot so Moisés quena' napaxaguintapega dá'maq lo'ueenataxanaxac ñí'maq neeta'gue da piguim, ca ca'maxare chi ỹovireta'a quiyim 'ec lalamaxaret ca 'imec, ca ỹa'den naqatec cá'maq dalaxaic chaqai cá'maq ñauapec quená'maq la'maqatec.

Mateo 23:2

—Naua napaxaguinataxana' quena naqataxaquipi chaqai na fariseoipi chaqaina ná'maq qoỹanagui quiyim ỹa'xate' naua leloxoỹaxaco na naqataxaquipi chicqo'ot so Moisés.

Mateo 28:20

Chaqai paxaguiñigue quiyim huelec ná'ogue ná'maq sapaxaguinguelo qamiri. Chaqai 'yiiñita quiyim ỹim salequetauguilo qamiri quenaua'que naua na'xata', chi ỹovireta'a ca nqodoc. Ajá'a, ca' chaqaida 'neeta dajo.

1 Corintios 1:20

Ca' nagui ¿negue' ca 'neco' ca 'deenaxanqachaqaic, loqo'm ca napaxaguinataxanaq, loqo'm ca ỹa'den ỹa'xat na huelecna? Ma' dá'maq na'deenec huelecna, da'maxare 'eco' mogollishic nqai'en ñi qota'a.

1 Corintios 15:1

Nagui qamiri ỹaqaỹa', sahotaque quiyim sqa 'laxachihe da na'qaatec chicqaugui da nca'laxa dá'maq saanema qamiri. Ma' dajo na'qaatec dá'maq coñiguit na'le, ca' ñaqaida lo'xoitañi.