Esdras 7:24 - La'qaatqa ñi qota'olec Qota'olec & Qota'olec Novita Na Qomyipi

²⁴ Chaqai qai'neeta ỹaatqajam qaỹa'deenta quiyim se qaỹa'maxaren 'ue aca ishiueten na netaxaỹaxanqajanqaipi chaqai na lotauaripi, no'ueenaxanyipi, lasom lo'ollipi chaqai na reloqota'a añi no'ueenaxanaxaqui, loqo'm canchaqaica liỹa neloxoỹaq cañi lo'ueenaxanaxaqui ñi qota'olec.

Esdras 7:24 Iomraidhean Croise

Génesis 47:22

Qainaata na na'laua na netaxaỹaxanqajanqaipi quena' qaretaxaỹa'pegue' na nenatqaipi, se rishiujnaxana so José, ma' so Faraón ỹaante'em na trigo. Vichiguiño' se imen na na'lauaripi, ma' so Faraón ỹaante'em na loq.

Génesis 47:26

Ca' chaqaida 'neeto' na'le so José na' ỹa'yiñi quiyim qaishiueten so Faraón, qanaqata'a añi 'óna quecaua cinco ala quená'maq qoỹanñi quiyá'ogue yi 'laua Egipto. Ca' dajo ñaqaida 'neetari' nagui, qam na netaxaỹaxanqajanqaipi sqaca aca ishiueten, ma' na na'laua se ỹovita quiyim looỹac so Faraón.

Esdras 7:7

taigue da Jerusalén, 'ue so liỹaatec llaalqaipi so Israel, ỹalliqui'chiguit so netaxaỹaxanqajanqaipi, chaqai so lotauaripi, no'ueenaxanyipi, lasom lo'ollipi, chaqai notaanaxanyipi quiñi no'ueenaxanaxaqui, na' ỹovi' siete ñaxari quiyim nashi so Artajerjes.

Nehemías 5:4

Chaqai 'uo' na 'naac quiyim 'ue aca la'uale nam quiyim ishiueten aca nishiuetenqate so nashi, ca' illaaho ca na'laua chaqai ca lanecsec 'uva loma'. Chaqai qai'neeta 'naac:

Mateo 9:9

Ca so Jesús co'na' eec, ca iuane'ta so ỹale leenaxat Mateo nqa'xantañi, neetaugui so lo'ueenataxanaxaqui quiyim icona'piguit ana nishiuete so nashi quiyi Roma. Ca 'naaco': —Quitegue aỹim. Ca' so Mateo ne'laxashiguim, ca' quegue so Jesús.