Esdras 7:21 - La'qaatqa ñi qota'olec Qota'olec & Qota'olec Novita Na Qomyipi

²¹ Ca' ỹim nashi Artajerjes, saanec da ỹa'qaatec quená'ogue ná'maq reloqota'a ana nam quiyi 'laua pa'ỹa'gue da lauashiguim caso lachiugue Eufrates, quiyim chaqa'ma' qoỹaanem canchaqaica rashiilaxanaque na netaxaỹaxanqajnec Esdras chaqai napaxaguinataxanaq quenaua laqataxaco ñi qota'olec queda piguim.

Esdras 7:21 Iomraidhean Croise

Esdras 6:6

Ca co'na'le, ca' so nashi Darío ỹaanec da la'qaatec queso Tatnai só'maq lotaua neloxoỹaq quiyi 'laua pa'ỹa'gue na lauashiguim caso lachiugue Eufrates, chaqai Setar-boznai chaqai so liỹa nashillipi quiyi 'laua. 'Naaco': Le'neetari', 'xañitac na Jerusalén,

Esdras 7:1

Ca co'na' mashic shi'gom dajo, co'na' mashic nashi so Artajerjes quiyi Persia, ca 'uo' so ỹale leenaxat Esdras. So'maxare chigoxougui so Seraías só'maq llaalec so Azarías, llaalec so Hilcías,

Esdras 7:22

Chaqai 'eno'm ỹovi' tres mil trescientos kilos na lecat plata, veintidos mil kilos quena trigo, dos mil doscientos litros na lataxa, dos mil doscientos litros na aceite, chaqai cá'ogue cá'maq qaỹouen quena 'ue, qaiyiita qoỹaanem.

Esdras 7:6

Ca' sojo Esdras napaxaguinataxanaq ỹaatqajam ỹa'deene' naua leloxoỹaxaco naua laqataxaco ñi qara'gaxala' ñí'maq qota'olec quiyi Israel ỹaaneco' na'le, chicqochigui nqai'en so Moisés. Ca so'maxare ỹaatqajam qaỹotauantac quiñi qara'gaxala'. Ca' so nashi Artajerjes ỹaanem cá'ogue cá'maq rashiilaxanaque. Ca' chaqaida 'neeto' na'le na' so Esdras quiyi Babilonia pil,

Nehemías 2:7

Chaqai qai'neeta shinapega quiyim no'm ỹa'maxarenta, ca' ỹaanem aỹim ca la'qaatec ỹeretañi tai'a nqai'en so nashillipi pa'a'gue da lauashiguim caso lachiugue Eufrates, qaiyi sqaica ca yanaxat, chi sovireta'a ma'le yi Judá;

Daniel 6:26

chaqai sa'ue da ỹaqataxac chaqai selaataxan quiyim ná'ogue na qomyipi quená'maq 'laua soiquentac quiyim se iualaxainari' ñí'maq qota'olec quiñi Daniel. Ma' chaqaiñi ñí'maq qota'olec nca'leetauec, chaqai se neme quiyim 'ue. Da lo'ueenataxanaxac quiyim ỹoiquentac ná'ogue najo qaica iuagaxatac, chaqai qaica lqodoc da lquesaxanaxa.