Esdras 7:12 - La'qaatqa ñi qota'olec Qota'olec & Qota'olec Novita Na Qomyipi

¹² Ỹim Artajerjes, ỹim lashi na nashillipi, saanem da ỹa'qaatec na Esdras ná'maq netaxaỹaxanqajnec chaqai napaxaguinataxanaq quena laqataxaquipi ñi qota'olec neetashiguim queda piguim.

Esdras 7:12 Iomraidhean Croise

1 Reyes 4:24

Ma' so Salomón ỹoiquenta'pe yaua'que yaua 'lauari pa'aategue da lauashiguim caso lachiugue Eufrates, chicqochi'ñi yi Tifsa, ỹovira'a yi Gaza. Chaqai reloqota'a ná'ogue na nashillipi quiyaua 'lauari, ca' 'ue da no'daxa quiyi 'lauaripi sqoỹoqaque quiyi'maxare.

Esdras 1:2

—Ỹim Ciro, ỹim nashi quena Persia, da ỹa'qaatec 'neetasa': Ñi qara'gaxala' qota'olec ñí'maq neeto'ot na piguim, ñi'maxare yayano na'le quiyim aỹim nashi quená'ogue na nashillipi quena 'laua. Ca ñi'maxare nagui yilarelec quiyim ño'xonshiguim aca lo'ueenaxanaxaqui quiyi Jerusalén, huaugui yi 'laua Judá.

Esdras 7:1

Ca co'na' mashic shi'gom dajo, co'na' mashic nashi so Artajerjes quiyi Persia, ca 'uo' so ỹale leenaxat Esdras. So'maxare chigoxougui so Seraías só'maq llaalec so Azarías, llaalec so Hilcías,

Esdras 7:11

Ca' so nashi Artajerjes ỹa'ue aso lerecse, taỹaugui nqai'en na Israel llaalqaipi, ca' ỹaanem na'le so Esdras, só'maq netaxaỹaxanqajnec chaqai napaxaguinataxanaq ỹa'yiinchiguilo naua lelaataxanaxaco chaqai naua laqataxaco ñi qara'gaxala'. Ca dá'maq qanaqajshiguim hueetalec aso'maxare 'neetasa':

Esdras 7:6

Ca' sojo Esdras napaxaguinataxanaq ỹaatqajam ỹa'deene' naua leloxoỹaxaco naua laqataxaco ñi qara'gaxala' ñí'maq qota'olec quiyi Israel ỹaaneco' na'le, chicqochigui nqai'en so Moisés. Ca so'maxare ỹaatqajam qaỹotauantac quiñi qara'gaxala'. Ca' so nashi Artajerjes ỹaanem cá'ogue cá'maq rashiilaxanaque. Ca' chaqaida 'neeto' na'le na' so Esdras quiyi Babilonia pil,

1 Timoteo 6:15

Qam ma' ỹovita ca laloqo', ca' ñi qota'a ỹachaxan ma'le so'maxare, ma' ñi'maxare qaiñiita, hueeto'ot da na'maxa, chaqai da nquesaxanaxa. Ñi'maxare lashi na nashillipi chaqai la'gaxala' na na'gaxalateripi.

Apocalipsis 17:14

Ca' nco'uare'e' ma'le so 'ec qagreta llaalec, qam sqaica lovite', ma' so'maxare la'gaxala' na na'gaxalateripi chaqai lashi na nashillipi. Chaqai ná'maq lapoota'guit so'maxare noỹaxanqateripi chaqai nca'acseripi quiñi qota'a, chaqai ỹaqamaxatete' querelec.

Apocalipsis 19:16

Chaqai so'maxare qoỹeretalec so lapo' chaqai na loteleta' dajo neenaxat: “Lashi na nashillipi chaqai la'gaxala' na na'gaxalateripi.”