Esdras 7:10 - La'qaatqa ñi qota'olec Qota'olec & Qota'olec Novita Na Qomyipi

¹⁰ Ca' so Esdras ỹahotaque ỹaatqajam napaxaguina quiyim ipacqajanchigui quiyim ỹo'uet na laqataxaquipi ñi qara'gaxala' chaqai quiyim ỹapaxaguin na llaalqaipi so Israel quena laqataxaquipi chaqai na nelaataxanaxaquipi.

Esdras 7:10 Iomraidhean Croise

Esdras 7:11

Ca' so nashi Artajerjes ỹa'ue aso lerecse, taỹaugui nqai'en na Israel llaalqaipi, ca' ỹaanem na'le so Esdras, só'maq netaxaỹaxanqajnec chaqai napaxaguinataxanaq ỹa'yiinchiguilo naua lelaataxanaxaco chaqai naua laqataxaco ñi qara'gaxala'. Ca dá'maq qanaqajshiguim hueetalec aso'maxare 'neetasa':

Esdras 7:25

Ca' qami' Esdras quedá'maq na'deenaxanaxa ỹaanem qami' ñi qota'olec, ca vite caua ñi'ro quená'maq imit ca nasauaxaset chaqai ca nashillipi quená'maq ỹa'maqachiguiñi ca lo'ueenataxanaxac, quiyim idaanlec ná'ogue na ỹalliripi neetalec yi 'laua pa'ỹa'gue da lauashiguim caso lachiugue Eufrates, ná'maq ỹa'den na laqataxaquipi ñi qota'olec. Chaqai quená'maq saqa' ỹa'den, ca' qaỹapaxaguinegue.

Esdras 7:6

Ca' sojo Esdras napaxaguinataxanaq ỹaatqajam ỹa'deene' naua leloxoỹaxaco naua laqataxaco ñi qara'gaxala' ñí'maq qota'olec quiyi Israel ỹaaneco' na'le, chicqochigui nqai'en so Moisés. Ca so'maxare ỹaatqajam qaỹotauantac quiñi qara'gaxala'. Ca' so nashi Artajerjes ỹaanem cá'ogue cá'maq rashiilaxanaque. Ca' chaqaida 'neeto' na'le na' so Esdras quiyi Babilonia pil,

Job 11:13

Ca' qami' no'ueenaxachi' da qayicyaxaqui', ca 'ỹaañitot da rashiilaxanaxaqui' ñi qota'olec.

Salmos 1:2

ta'ta'a quiyim ỹaatqajam nqo'ta na laqataxaquipi ñi qara'gaxala', chaqai napaxaguintapegalo quiyi na'xa'a chaqai yi pe.

Salmos 19:7

Da lapaxaguinataxanaxac ñi qara'gaxala' ỹaatqajam lamaxaraic, ma' ỹadalaxat da chaalataxac. Da laqataxac ñi qara'gaxala' ỹaatqajam qamaxaraic, ma' da'maxare ỹo'uet ca la'deenec ca qaica ca ỹa'den.

Mateo 5:19

Vichiguiño' quecá'maq se ỹo'uet canchaqaica quená'maq naneretañi quena naqataxaquipi, 'eno'm cá'maq 'ec paguec cocho'qui', ca rapaxaguinataxanegue quiyim chaqaida 'ne'tegue nqai'en na qom, ca' ca'maxare qai'neeta qohinta'gue ca paguec cocho'qui' ma' qoyiuetaugui da lo'ueenataxanaxac ñi qota'a neeta'gue da piguim ma' ỹoiquentac ná'ogue najo. Qam cá'maq na'xaỹaxane'ta chaqai ỹapaxaguinegue ca liỹa quiyim chaqaida 'ne'tegue ca qohinta'gue, ca lodegaxat ma'le queda lo'ueenataxanaxac ñi qota'a neeta'gue da piguim ma' ỹoiquentac ná'ogue najo.

Mateo 7:24

Ca' chaqaida 'neeta quecá'maq 'xaỹa aỹim, ca' ỹo'uet dá'maq ỹa'qaatec, ca 'nejem nqaishin ca qom 'deenaxanqachaqaic quiyim ỹanejlec ca qa' quiyim ỹa'yiñi ca lauo'.

Juan 13:17

No'm qamiri 'yiiñii dajo, chaqai 'viichii, ca ra'maxaichiguiñi ma'le.

Hechos 1:1

Qami' ñauochaxaua ỹaqaỹa Teófilo. Aso 'auñi ñilere ỹerecse hueetaugui ná'ogue na lo'ueenataxanaxac so Jesús chaqai na lapaxaguinataxanaxac co'na' ñaqai chita'gue taañi ro'ueenataxan,

1 Timoteo 3:2

Vichiguiño' quiyim cá'maq la'gaxala' ná'maq mashic icoñiguit da na'qaatec se ỹa'maxañi quiyim se no'uen cá'maq na'qaataxac. Chaqaidaata quiyim 'oono'lli' nqai'en aca loua, chaqai ỹaatqajam ỹa'maxate'tegue da llicyaxac, nelootec, chaqai qaica ca taỹapegueu'a. Ỹaatqajam se ishit quiyim se idaañiguit quet ca namaqategueri', chaqai ỹaatqajam ỹa'den da lapaxaguinataxanaxac.

2 Timoteo 4:2

quiyim ỹaatqajam 'xachi' da na'qaatec, nquipichira'pegue' quiyim 'ue ca redaaqachi' chaqai 'eno'm qaica ca redaaqachi'. Vire'ta quiyim shichi' ca qom, chaxañi' ca lo'maxac, qachita, chaqai ỹaatqajam neualaxaviñire'e' quiyim paxaguiñi'.

Tito 2:1

Ca' quecá'maq 'xachi' ỹaatqajam nachiñi'chiguit dá'maq no'uen napaxaguinataxanaxac.

Tito 2:15

Ca' dajo dá'maq paxaguinataxañitegue. 'Ñaaqataxañisac chaqai se ro'chiralec quiyim lamqataxañi', qaiyi qaica ca napacalec qami'.

Apocalipsis 22:14

Chalego la'maxa cá'maq quiỹo' caua loho, qaiyi ỹovirau'a ada qo'paq chicqaugui da nca'laxa, chaqai quiyim ishit inoxontougui ñi lasom yi na'a' lodegaxat.