Esdras 6:15 - La'qaatqa ñi qota'olec Qota'olec & Qota'olec Novita Na Qomyipi

¹⁵ Ca' ỹaatqajam imeeta aso no'ueenaxanaxaqui cana' quesaua tres na'xata' queso shiraigo leenaxat Adar, na' ỹovite' seis ñaxari quiyim neetaho nashi so Darío quiyi Persia.

Esdras 6:15 Iomraidhean Croise

1 Reyes 8:63

Ca' so Salomón ỹaanot ñi qara'gaxala' so veintidos mil toorollipi chaqai ciento veinte mil aso qagreta quiyim qaropilot ñi qota'olec. Ca' chaqaida 'neeta quiyim so nashi chaqai sá'ogue so llaalqaipi so Israel ỹaanot ñi qara'gaxala' aso no'ueenaxanaxaqui.

Esdras 5:16

Ca na'le, ca' so Sesbasar novi', ca' ỹo'viijñi so lo'xonaxala' na no'ueenaxanaxaqui quiñi qota'olec quena Jerusalén. Ca' chaqaica vigui, ca' liỹa qano'xontecshiguim, qam saqa' qaỹomat.

Esdras 9:9

Ma' 'eno'm qomi' na'aqa, qam se qaralachi'. Ta'ta'a quiyim choxochi' da rqouagaxa'e' coqomi' iuanchigui nqai'ñi' yi nashillipi quiyi Persia, chaqai 'ỹaañitema qomi' da qarca'laxa, qaiyi liỹa ño'xonaxashiguim añi ro'ueenaxanaxagui'i' quiyim mashic ñá'ogue 'guiñi, chaqai 'ootaxañirelgoto qomi' quena Judá chaqai na Jerusalén.

Ester 3:13

Ca' ỹodo nqohin na lere lo'ollipi quiyim ỹoda'alo naua 'lauari quiyí'maq reloqota'a so nashi. Ca' ana lerellipi hueetalec quiyim qanomachichiguiñi qanalauajñi queca 'oonoqui' na'xa'a na judioipi, 'eno'm ne'necoqui', loqo'm qo'xoiquipi, ñaaqaipioqui', loqo'm 'aallipi. Chaqai qarouootaxana'gue na louenqaipi. Ca' so na'xa'a naloqojnec chaqaiso so na'xa'a trece queso pa'aatec shiraigo queso ñaaxa só'maq leenaxat Adar.

Ester 3:7

Ca quesó'maq 'auaxaic shiraigo leenaxat Nisán queso ñaaxa na' ỹovite' doce ñaxari quiyim nashi so Asuero, ca' qaỹa'ue so llitaxac na' reloqotaho so Amán, qaiyi qaỹa'ue ca naloqojnec queca na'xa'a chaqai queca shiraigo quiyim ipaguigui nqohin so 'maqataxac. Ca so'maxare taachigui so na'xa'a trece queso shiraigo Adar só'maq pa'aatec shiraigo queso ñaaxa.

Ester 8:12

Dá'ogue dajo qaỹo'uet queca 'oonoqui' na'xa'a quenaua'que naua 'lauari reloqota'alo so nashi Asuero. Só'maq na'xa'a qoỹicagui, chaqaiso so na'xa'a trece quesaua doce shiriguiri queso shiraigo leenaxat Adar.

Ester 9:1

Ca' so na'xa'a trece queso pa'aatec shiraigo quesaua doce shiriguiri, só'maq leenaxat Adar, ca' chaqaiso viichigui quiyim qaipacqajanchigui dá'maq dalaxaic la'qaatec so nashi, chaqai viichigui qai'neeta so na'xa'a quiyim ná'maq npa'guenaxaua so judioipi ỹahotaque doxonaxan, qam lotqai na judioipi loxonqaipi so'maxare.

Ester 9:15

Ca só'maq judioipi quesó'maq neeta'ñi yi Susa, lotqai liỹa lapoỹata' queso na'xa'a catorce queso shiraigo Adar, ca qaỹalauat so trescientos ỹalliripi liỹa, qam sqaica ca qaicona quena louenec.

Ester 9:19

Qam na judioipi quená'maq na'aate' leta'al chaqai quenaua na'aaterolqai' quená'maq sqaica ca lquepaxaset, ca ỹo'ueeto' quen ca lemaqachic, illiichigui yi na'xa'a catorce quiyi shiraigo Adar, ca 'xoico' quen da toonaxac queso nemaqachic, ca' quiñi 'óna ỹa'ue ca lame queca liỹa.

Ester 9:21

Qohinapega quiyim ỹo'uet sojo nemaqachic quena' ỹovire'ogalo saua na'xata' catorce chaqai quince queso shiraigo Adar quena' ỹovirec yi ñaaxa.

Zacarías 1:16

Vichiguiño' ỹim na'gaxala' shinac: Nagui lotqai liỹa yqouaguegue yi Jerusalén, ca' ỹim so'uet quiyim liỹa qano'xonshiguim ca no'ueenaxanaxaqui chaqai yá'ogue yi na'a'.

Zacarías 4:9

“Ñi Zorobabel ỹa'vii naua no'xonaxalate' najo no'ueenaxanaxaqui. Ca' chaqaiñi ñí'maq ỹomat ma'le.” Ca' qaigueme 'yiiñii qamiri ma'le chaqaiñi ñi qara'gaxala' sqaica ca lqalanec quiyim chaqaiñi ñí'maq yila'.