Esdras 6:14 - La'qaatqa ñi qota'olec Qota'olec & Qota'olec Novita Na Qomyipi

¹⁴ Ca' quedajo, ca' so la'gaxalateripi so judioipi lotqai quelec quiyim no'xonshiguim aso no'ueenaxanaxaqui, ipaquichigui nqohin dá'maq la'qaatec so letaxaỹaxaquiripi ñi qota'olec, so Hageo chaqai so Zacarías só'maq llaalec so Ido. Ca' qaỹomat añi no'ueenaxanaxaqui, ipaquichigui nqohin dá'maq la'qaatec ñi qota'olec queso llaalqaipi so Israel, chaqai dá'maq 'naac so Ciro, Darío chaqai so Artajerjes, nashil quiyi Persia.

Esdras 6:14 Iomraidhean Croise

Esdras 3:8

Ca' so Zorobabel só'maq llaalec so Salatiel, chaqai so Josué só'maq llaalec so Josadac, chaqai so nauegaxauaripi netaxaỹaxanqajanqaipi chaqai so lotauaripi só'maq llaalqaipi so Leví, chaqai sá'ogue so na'aquipi na'le rapila yi Jerusalén, taañi quiyim liỹa no'xonshiguim ñi no'ueenaxanaxaqui quiñi qota'olec queso co'uaataxanaxaic shiraigo queso liỹa ñaaxa na' ỹovi' quiyi Jerusalén, ca' ra'ilec nqohin da no'ueenataxanaxac só'maq llaalqaipi so Leví, qanca'au'a ná'maq napacalgoto yaua veinte ñaxari.

Esdras 4:3

Qam so Zorobabel, so Josué chaqai so liỹa na'gaxalateripi quena llaalqaipi so Israel 'neraco': —'E', qomi' se seshitaq quiyim qamiri qaro'xonaxanaxaua' quiyim liỹa ño'xonaxashiguim ca no'ueenaxanaxaqui quiñi qara'gaxala' qota'olec. Qoqometa ño'xonaxashiguim so'ueetaq quiñi qara'gaxala' ñí'maq qota'olec quena Israel, ma' chi la'qaatec ñi Ciro ñí'maq nashi quiyi Persia.

Esdras 5:1

Ca' saua qota'olec letaxaỹaxaqui' Hageo chaqai so Zacarías llaalec so Ido, ra'qaataxantem so judioipi naalec yi 'laua Judá chaqai yi Jerusalén quedá'maq la'qaatec ñi la'gaxala' ñí'maq qota'olec quiyi Israel.

Esdras 5:13

Ca' mashic shi'gom, ca' queso 'auaxaic ñaaxa na' nashi so Ciro quiyi Babilonia, ca' relaataxanlec quiyim liỹa qano'xonshiguim ana no'ueenaxanaxaqui quiñi qota'olec.

Esdras 5:2

Co'na'le, ca' so Zorobabel só'maq llaalec so Salatiel chaqai so Josué llaalec so Josadac, lotqai liỹa ro'ueenataxane' quiyim no'xonyishiguim ñi no'ueenaxanaxaqui quiñi qota'olec quiyi Jerusalén. Chaqai saua letaxaỹaxaqui' ñi qota'olec huaqata'to saua'maxare quiyim rotaanaxane'.

Esdras 6:3

Queso 'auaxaic ñaaxa na' nashi so Ciro, ca' ỹaan da la'qaatec 'neetasa': Aca no'ueenaxanaxaqui quiñi qota'olec quiyi Jerusalén qaỹa'yiñi ca lo'xonaxala', ca' qano'xonshiguim cajo 'imec, qaiyi hua'ñi ca'maxare, ca' qaỹavigaxat ca nachitaxanataxanaxat. Ca ca'maxare ỹovi' veintisiete metros da lishicshi'megue, chaqai veintisiete metros da leca'gue;

Esdras 6:8

Ca' chaqaida da 'neeta da ỹotaanaxanaxac quena la'gaxala' na judioipi, qaiyi liỹa no'xonshiguim aca no'ueenaxanaxaqui quiñi qota'olec: Ca quedá'maq nishiuetenaxac quiyim qaishiueten, qarishiuetenaxana ná'maq iconta'piguit ná'maq reloqota'a yi 'laua pa'ỹa'gue da lauashiguim caso lachiugue Eufrates, ỹaatqajam ipaquichigui nqohin qaila' qarishiuetenaxana quiyim qaishiueten da no'ueenataxanaxac, qaiyi sqai qaca'guit da no'ueenataxanaxac.

Esdras 7:1

Ca co'na' mashic shi'gom dajo, co'na' mashic nashi so Artajerjes quiyi Persia, ca 'uo' so ỹale leenaxat Esdras. So'maxare chigoxougui so Seraías só'maq llaalec so Azarías, llaalec so Hilcías,

Esdras 9:9

Ma' 'eno'm qomi' na'aqa, qam se qaralachi'. Ta'ta'a quiyim choxochi' da rqouagaxa'e' coqomi' iuanchigui nqai'ñi' yi nashillipi quiyi Persia, chaqai 'ỹaañitema qomi' da qarca'laxa, qaiyi liỹa ño'xonaxashiguim añi ro'ueenaxanaxagui'i' quiyim mashic ñá'ogue 'guiñi, chaqai 'ootaxañirelgoto qomi' quena Judá chaqai na Jerusalén.

Nehemías 6:15

Ca' so lapooque' yi na'a' Jerusalén quesaua veinticinco na'xata' queso shiraigo Elul, ca' quesá'ogue so no'ueenataxanaxac ỹovi' cincuenta y dos na'xata', ca' ime.

Isaías 44:28

Ỹim shinac quiñi nashi Ciro: Qami' neloxoỹaq quena ỹalamaxareteripi, ca qami' 'viichi' cá'ogue cá'maq sahotaque. Chaqai shinac quiyi Jerusalén: Liỹa qano'xonshiguim qami' ma'le; chaqai shinac quiñi no'ueenaxanaxaqui: Ma'le, ca' liỹa qaỹa'ue ca no'xonaxala'.

Hageo 1:1

Na' ỹovi' 'óna ñaaxa, cinco shiriguiri, ca' queso 'auaxaic na'xa'a queso liỹa shiraigo na' neetaho quiyim nashi so Darío quiyi Persia, ca' ñi qara'gaxala' retaqaugui so letaxaỹaxaqui Hageo. Ỹaatqajam 'naapega so nashi ỹoiquentac yi 'laua Judá, só'maq llaalec so Salatiel, leenaxat Zorobabel, chaqai so lashi na netaxaỹaxanqajanqaipi, llaalec so Josadac, leenaxat Josué.

Hageo 1:8

Mohi, quiipegueto naua qa' ladocahi, ca' huaxanaxañii quena qo'paq, ca' liỹa no'xoñiishiguim ñi no'ueenaxanaxaqui. Ca ma'le, ca' ñitoon, ca' sachaxan ma'le da iquesaxanaxa.

Zacarías 1:16

Vichiguiño' ỹim na'gaxala' shinac: Nagui lotqai liỹa yqouaguegue yi Jerusalén, ca' ỹim so'uet quiyim liỹa qano'xonshiguim ca no'ueenaxanaxaqui chaqai yá'ogue yi na'a'.

Zacarías 4:9

“Ñi Zorobabel ỹa'vii naua no'xonaxalate' najo no'ueenaxanaxaqui. Ca' chaqaiñi ñí'maq ỹomat ma'le.” Ca' qaigueme 'yiiñii qamiri ma'le chaqaiñi ñi qara'gaxala' sqaica ca lqalanec quiyim chaqaiñi ñí'maq yila'.