Esdras 6:12 - La'qaatqa ñi qota'olec Qota'olec & Qota'olec Novita Na Qomyipi

¹² ¡Chaqai ñí'maq qota'olec ñí'maq lca'acsec na'le na Jerusalén quiyim hueeta'ñi da leenaxat, ñi'maxare ishit quiyim nopoxoỹaxajñi canchaqaica nashi, loqo'm ca qomyipi, loqo'm cá'maq se ỹa'maxata'gue ná'maq lo'ueenaxanaxaqui ñi qara'gaxala' na'ñi yi Jerusalén! Ỹim Darío saanec da ỹa'qaatec, ca' dá'ogue qaipacqajanchigui.

Esdras 6:12 Iomraidhean Croise

Esdras 6:13

Ca co'na'le, ca' so Tatnai só'maq nashi quiyi 'laua pa'ỹa'gue na lauashiguim caso lachiugue Eufrates, chaqai so Setar-boznai, chaqai so nauegaxauaripi, ỹaatqajam ipacqajanchirigui dá'maq la'qaatec so nashi Darío.

Esdras 6:14

Ca' quedajo, ca' so la'gaxalateripi so judioipi lotqai quelec quiyim no'xonshiguim aso no'ueenaxanaxaqui, ipaquichigui nqohin dá'maq la'qaatec so letaxaỹaxaquiripi ñi qota'olec, so Hageo chaqai so Zacarías só'maq llaalec so Ido. Ca' qaỹomat añi no'ueenaxanaxaqui, ipaquichigui nqohin dá'maq la'qaatec ñi qota'olec queso llaalqaipi so Israel, chaqai dá'maq 'naac so Ciro, Darío chaqai so Artajerjes, nashil quiyi Persia.

Esdras 7:15

'Xachi' ana plata chaqai na 'oro ná'maq chi ỹame chaqai na ỹotauaripi quiñi qota'olec quiyi Israel neeta'ñi yi Jerusalén.

Esdras 7:17

Ca' najo nam viñi' ma'le quiyim shiujnaxañiraque ca huaqui llaalqaipi, qagreta louaaripi, chaqai ca qagreta llaalqaipi, liỹaatac nqai'ñi' na name trigo la chaqai na lataxa, quiyim qaillaalec aca ncopatoxonaxalate quiñi lauo' ñi qota'olec caqamiri quiyi Jerusalén.

Esdras 7:26

Chaqai cá'ogue cá'maq se ipaguigui nqai'en da laqataxaquipi ñi qota'olec caqami' chaqai da ilaataxanaxac, ca chaqa'ma' qaỹa'ue ca nouaxanaxaset quiyim qaỹalauat, loqo'm qaỹo'daauec, loqo'm qaỹa'ue aca ishiueten nqohin, loqo'm qaicoñi'.

Ester 8:14

Ca co'na' ỹaanec da la'qaatec so nashi, ca chaqa'ma' eec na lere lo'ollipi, taate'ogalo neetalec na laloipi so nashi. Ca' dajo na'qaatec qaiuagaxatec qai'neeta quiyi na'a' lodegaxat Susa.

Eclesiastés 9:10

Chaqai quecá'maq ralo'isalec quiyim 'viichi', ca' ỹaatqajam qamaxachite'; ma' cañi napal lahi' añí'maq i'sa'ñigui, qaica cá'maq qaỹo'uet chaqai qaica ca na'deenataxanaxac, ca na'deenec chaqai ca na'deenaxanaxa.

Isaías 60:12

Cá'maq qomyipi queca liỹa 'laua no'm se ro'ueenataxanot qami', ca nimiichiguiñi; 'xoic na ỹoqa'a nimiichiguiñi ma'le.

Hechos 9:5

Ca' so Saulo renataxano': —Qami', ¿negue' aqami'? Ca só'maq na'qaatec 'naaco': —Aỹim Jesús, chaqaỹim ná'maq ỹim yocañi'sac. Chi nqa'viiñiseguelta', 'nejem ca nauegaxanaxala' tooro quena' ỹachaqata'piguit na lo'lo aca na'daxanqate.

Deuteronomio 12:11

ca' quecajo hua'ñi ca lca'acsec quiyim qaimaqachin da leenaxat ñi qara'gaxala', ca' chaqaica cá'maq hua'ñi quiyim 'ỹaañiuo ná'ogue ná'maq selarelgoto qamiri: ná'maq iseripi qaỹavigaxat quena' qoỹaano, chaqai 'oono'lli' quecá'maq diez hueeto'oto qamiri, chaqai aná'maq notaanaxanqate, chaqai ná'ogue ná'maq shi'gue chaxañita quiyim 'ỹaañiỹot ñi qara'gaxala'.

Deuteronomio 12:5

Quená'maq chi qauori laseripi, ca ñi qara'gaxala' ỹachigoxotaugui ma'le ca lca'acsec loma' quiyim qaimaqachin da leenaxat ñi'maxare. Ca' cajo noma' chaqaica cá'maq quiipegue' quiyim nqouagaxaiñiỹot ñi'maxare.