Esdras 5:3 - La'qaatqa ñi qota'olec Qota'olec & Qota'olec Novita Na Qomyipi

^3-4 Qam so Tatnai só'maq nashi quiyi 'laua pa'ỹa'gue na lauashiguim caso lachiugue Eufrates, chaqai so Setar-boznai, chaqai so lotauaripi, sá'ogue eec, ca 'naaco': —¿Negue' ca 'naapegalo' qamiri quiyim no'xoñishiguim na no'ueenaxanaxaqui chaqai pohilec quena qo'paq? ¿Negue' ca leenaxat na qomyipi no'xontecshiguim na 'imec?

Esdras 5:3 Iomraidhean Croise

Esdras 1:3

Ca' canchaqaica caqamiri quená'maq lalamaxaret ñi qara'gaxala' qota'olec, ca' mohi, 'iigue da Jerusalén yí'maq huaugui yi 'laua Judá, ca rotauañii ma'le ñi qota'olec. Ca' no'xoñishiguim ca lo'ueenaxanaxaqui ñí'maq qota'olec quena llaalqaipi so Israel, ma' ñi'maxare neeta'ñi yi Jerusalén.

Esdras 5:6

Ca' dajo dá'maq qanaqajshiguim hueetalec aso nelaata queso Darío só'maq ila' so nashi Tatnai chaqai so Setar-boznai chaqai so lotauaripi nashillipi pa'ỹa'gue na lauashiguim caso lachiugue Eufrates.

Esdras 5:9

Ca' qomi' senataq na'le na na'gaxala' judioipi quiyim negue' ca ỹilen quiyim no'xonshiguim ñi 'imec chaqai ỹapolec quena qo'paq,

Esdras 6:13

Ca co'na'le, ca' so Tatnai só'maq nashi quiyi 'laua pa'ỹa'gue na lauashiguim caso lachiugue Eufrates, chaqai so Setar-boznai, chaqai so nauegaxauaripi, ỹaatqajam ipacqajanchirigui dá'maq la'qaatec so nashi Darío.

Esdras 6:6

Ca co'na'le, ca' so nashi Darío ỹaanec da la'qaatec queso Tatnai só'maq lotaua neloxoỹaq quiyi 'laua pa'ỹa'gue na lauashiguim caso lachiugue Eufrates, chaqai Setar-boznai chaqai so liỹa nashillipi quiyi 'laua. 'Naaco': Le'neetari', 'xañitac na Jerusalén,

Esdras 7:21

Ca' ỹim nashi Artajerjes, saanec da ỹa'qaatec quená'ogue ná'maq reloqota'a ana nam quiyi 'laua pa'ỹa'gue da lauashiguim caso lachiugue Eufrates, quiyim chaqa'ma' qoỹaanem canchaqaica rashiilaxanaque na netaxaỹaxanqajnec Esdras chaqai napaxaguinataxanaq quenaua laqataxaco ñi qota'olec queda piguim.

Hageo 1:1

Na' ỹovi' 'óna ñaaxa, cinco shiriguiri, ca' queso 'auaxaic na'xa'a queso liỹa shiraigo na' neetaho quiyim nashi so Darío quiyi Persia, ca' ñi qara'gaxala' retaqaugui so letaxaỹaxaqui Hageo. Ỹaatqajam 'naapega so nashi ỹoiquentac yi 'laua Judá, só'maq llaalec so Salatiel, leenaxat Zorobabel, chaqai so lashi na netaxaỹaxanqajanqaipi, llaalec so Josadac, leenaxat Josué.

Mateo 21:23

Co'na'le, ca' so Jesús inoxonougui ñi no'ueenaxanaxaqui lodegaxat. Ca co'na' ñaqai hueete'eyi, ca qanqo'neu'a quesaua la'gaxalate' na qomyipi quena' qaretaxaỹa'pegue' ñi qota'a chaqai saua lqo'xonqaipi na judioipi. Ca' qainatetac, qohinaco': —¿Negue' cá'maq chigoxochira'gue quiyim 'viichi' dajo? ¿Negue' cá'maq ỹamaqairaxalec quiyim 'viichi' dajo?

Hechos 4:7

Ca' qarelaataxana'alo quiyim qanaueguerec so Pedro chaqai so Juan. Ca' qoỹandañigui na lavinñi, ca' qainate': —¿Negue' ca qamiri lelaatqa? chaqai ¿negue' leenaxat ca 'ueenataxañitapega quedajo?