Esdras 5:16 - La'qaatqa ñi qota'olec Qota'olec & Qota'olec Novita Na Qomyipi

¹⁶ Ca na'le, ca' so Sesbasar novi', ca' ỹo'viijñi so lo'xonaxala' na no'ueenaxanaxaqui quiñi qota'olec quena Jerusalén. Ca' chaqaica vigui, ca' liỹa qano'xontecshiguim, qam saqa' qaỹomat.

Esdras 5:16 Iomraidhean Croise

Esdras 3:10

Ca só'maq 'imec lo'ollipi co'na' chita'gue inaxañi so lo'xonaxala' so 'imec lauo' ñi qota'olec, ca' saua netaxaỹaxanqajanqa no'ueetete' nachaachiñi lo'qoota'alo saua lpe'tel. Ca' so Leví llaalqaipi chigoxougui so Asaf lo'qoota'a na latoinec ma' ỹahotaque imaqachin ñi qara'gaxala', ma' chaqaida 'naaco' na'le so David só'maq nashi quiyi Israel.

Esdras 3:8

Ca' so Zorobabel só'maq llaalec so Salatiel, chaqai so Josué só'maq llaalec so Josadac, chaqai so nauegaxauaripi netaxaỹaxanqajanqaipi chaqai so lotauaripi só'maq llaalqaipi so Leví, chaqai sá'ogue so na'aquipi na'le rapila yi Jerusalén, taañi quiyim liỹa no'xonshiguim ñi no'ueenaxanaxaqui quiñi qota'olec queso co'uaataxanaxaic shiraigo queso liỹa ñaaxa na' ỹovi' quiyi Jerusalén, ca' ra'ilec nqohin da no'ueenataxanaxac só'maq llaalqaipi so Leví, qanca'au'a ná'maq napacalgoto yaua veinte ñaxari.

Esdras 5:14

Chaqai qai'neeta 'nerac coqomi' quiyim so nashi Ciro naqatec na'le caso no'ueenaxanaxaqui quiyi Babilonia na nouenqaipi 'ue na chicqaugui na 'oro chaqai na plata, icono' na'le so Nabucodonosor cañi no'ueenaxanaxaqui quiñi qota'olec quena Jerusalén, ca qai'xategue da Babilonia, ca' ỹaanem so leenaxat Sesbasar, ca' ỹano quiyim nashi lotaua reloxoỹa'a yi 'laua Judá.

Esdras 5:15

Ca' so nashi Ciro ilarelec na'le so'maxare quiyim lapoonta' so nouenqaipi, ca' qaỹopilaxata aso no'ueenaxanaxaqui quiyi Jerusalén, ca' chaqaica cá'maq shi'gue loma', ca qoỹanchi'ñi aca dalaxai no'ueenaxanaxaqui quiñi qota'olec.

Esdras 5:2

Co'na'le, ca' so Zorobabel só'maq llaalec so Salatiel chaqai so Josué llaalec so Josadac, lotqai liỹa ro'ueenataxane' quiyim no'xonyishiguim ñi no'ueenaxanaxaqui quiñi qota'olec quiyi Jerusalén. Chaqai saua letaxaỹaxaqui' ñi qota'olec huaqata'to saua'maxare quiyim rotaanaxane'.

Esdras 6:15

Ca' ỹaatqajam imeeta aso no'ueenaxanaxaqui cana' quesaua tres na'xata' queso shiraigo leenaxat Adar, na' ỹovite' seis ñaxari quiyim neetaho nashi so Darío quiyi Persia.

Hageo 2:18

Ca' nagui quena na'xa'a, ca ỹovi' ocho shiriguiri chaqai veinticuatro na'xata' quenajo ñaaxa, ca' qaigueme qaỹa'vii naua no'xonaxalate' ñi qouagaxainaxaqui caỹim.

Zacarías 4:10

“Ca ná'maq mesqai ỹaatqajam i'taxajñi dá'maq 'ec cocho'qui' dá'maq taachi'ñi, ca' nagui, ca netoon ma' iuana ñi Zorobabel ỹomat yí'maq ỹo'ueetetac.” Ca na' ime dajo, ca' so nelaatec lotqai 'naac: Nauajo siete ncoỹeraxanaxaqui' chaqainaua nauá'maq nqote' ñi qara'gaxala', ca ñaua'maxare ỹa'ajansac ná'ogue na 'laua.

Zacarías 4:9

“Ñi Zorobabel ỹa'vii naua no'xonaxalate' najo no'ueenaxanaxaqui. Ca' chaqaiñi ñí'maq ỹomat ma'le.” Ca' qaigueme 'yiiñii qamiri ma'le chaqaiñi ñi qara'gaxala' sqaica ca lqalanec quiyim chaqaiñi ñí'maq yila'.

Juan 2:20

Ca' so judioipi 'naaco': —Cuarenta y seis ñaxari ỹovite', ca' qaigueme qaỹomat na' qano'xontegueshiguim najo no'ueenaxanaxaqui, ¿qam qami' machi' quet quecaua tres na'xata' quiyim no'xoñirishiguim?