Esdras 5:14 - La'qaatqa ñi qota'olec Qota'olec & Qota'olec Novita Na Qomyipi

¹⁴ Chaqai qai'neeta 'nerac coqomi' quiyim so nashi Ciro naqatec na'le caso no'ueenaxanaxaqui quiyi Babilonia na nouenqaipi 'ue na chicqaugui na 'oro chaqai na plata, icono' na'le so Nabucodonosor cañi no'ueenaxanaxaqui quiñi qota'olec quena Jerusalén, ca qai'xategue da Babilonia, ca' ỹaanem so leenaxat Sesbasar, ca' ỹano quiyim nashi lotaua reloxoỹa'a yi 'laua Judá.

Esdras 5:14 Iomraidhean Croise

Esdras 5:15

Ca' so nashi Ciro ilarelec na'le so'maxare quiyim lapoonta' so nouenqaipi, ca' qaỹopilaxata aso no'ueenaxanaxaqui quiyi Jerusalén, ca' chaqaica cá'maq shi'gue loma', ca qoỹanchi'ñi aca dalaxai no'ueenaxanaxaqui quiñi qota'olec.

Esdras 5:16

Ca na'le, ca' so Sesbasar novi', ca' ỹo'viijñi so lo'xonaxala' na no'ueenaxanaxaqui quiñi qota'olec quena Jerusalén. Ca' chaqaica vigui, ca' liỹa qano'xontecshiguim, qam saqa' qaỹomat.

Esdras 6:5

Ca ná'maq nouenqaipi chicqaugui na 'oro chaqai na plata quená'maq lalamaxareteripi ñi lauo' ñi qota'olec, quená'maq icona na'le so Nabucodonosor quiñi no'ueenaxanaxaqui quiyi Jerusalén, ca ỹoda'a yi Babilonia, ca qaỹopilaxat, ca qaỹodo'gue da Jerusalén, ca' qoỹanaugui ñi no'ueenaxanaxaqui quiñi qota'olec quecá'maq chaqai'en na'ñi.

Esdras 7:27

Co'na'le, ca' so Esdras nqouagaxain, 'naaco': —Qaimaqachin qami' qara'gaxala', qami' qota'olec queso 'auaxaic qareta'allipi, ma' qami' 'viichi' quiyim ñi nashi imaqachin ñi qaro'ueenaxanaxaqui na'ñi yi Jerusalén.

Hageo 1:1

Na' ỹovi' 'óna ñaaxa, cinco shiriguiri, ca' queso 'auaxaic na'xa'a queso liỹa shiraigo na' neetaho quiyim nashi so Darío quiyi Persia, ca' ñi qara'gaxala' retaqaugui so letaxaỹaxaqui Hageo. Ỹaatqajam 'naapega so nashi ỹoiquentac yi 'laua Judá, só'maq llaalec so Salatiel, leenaxat Zorobabel, chaqai so lashi na netaxaỹaxanqajanqaipi, llaalec so Josadac, leenaxat Josué.

Hageo 1:14

Ca' chaqaido' da 'ne'tegue ñi qara'gaxala' quiyim ỹa'ñaxatetalec so Zorobabel só'maq nashi quiyi Judá, chaqai so Josué só'maq lashi na netaxaỹaxanqajanqaipi, chaqai sá'ogue so liỹa qomyipi na' ỹovi' 'óna ñaaxa, cinco shiriguiri, chaqai veinticuatro na'xata' quiyim nashi so Darío quiyi Persia. Ca' taañi so qomyipi quiyim liỹa no'xonshiguim so 'imec nqouagaxainaxaqui quiñi qota'olec sqaica lqalanec.

Hageo 2:2

Ca' ỹilen quiyim 'naapega so Zorobabel chaqai so Josué chaqai so liỹa qomyipi quiyim inat so qomyipi:

Hageo 2:21

Ca ỹilen quiyim quepegue' so Zorobabel só'maq nashi quiyi Judá quiyim 'naac: —Ỹim i'loxol nqaishin ma'le na piguim chaqai na 'laua;

Hechos 13:12

Ca co'na' so nashi ỹauanchigui dajo, ca' huelec, ma' 'xoic da le'laxa queda napaxaguinataxanaxac qaỹa'xatetac so qara'gaxala' Jesús.