Esdras 5:12 - La'qaatqa ñi qota'olec Qota'olec & Qota'olec Novita Na Qomyipi

¹² Chaqai qai'neeta 'naac yi qomyipi quiyim so 'auaxaic leta'allipi ỹo'ooqochit na'le ñi qota'olec quena piguim, ca' ỹaanec na'le queso Nabucodonosor nashi quiyi Babilonia, Caldea le'ec, quiyim loxonec. Ca chaqaiso só'maq nopoxoỹaxajñi na'le aso no'ueenaxanaxaqui, ca' ỹaueguegue so qomyipi da Babilonia.

Esdras 5:12 Iomraidhean Croise

2 Reyes 24:2

Qam ñi qara'gaxala' ilata so Joacim so cuataxai qomyipi quena caldeoipi, sirioipi, moabitaipi chaqai na amonitaipi, ilata yi Judá, ma' ỹahotaque nopoxoỹaxajñi. Ca' ipacqajanchigui dá'maq 'naaco' na'le ñi qara'gaxala' na' retaqaugui so letaxaỹaxaquiripi.

2 Reyes 25:1

Na' ỹovirerec saua ocho ñaxari, ocho shiriguiri, chaqai nueve na'xata' quiyim nashi so Sedequías, ca' so nashi Nabucodonosor liỹa sá'ogue so nalliripi quiyim quepegue' nalauate'e' yi Jerusalén. Ca' nahiquinchiguiñi, ca renojñi quiyi naloote'oga, ca quenaua lahil ỹo'ueete' naua lliquishiguim quiyim nalauate'e'.

Jueces 2:14

Vichiguiño' ñi qara'gaxala' ỹaatqajam ro'ỹa so Israel llaalqaipi, ca' ỹo'uet quiyim so cuataxairipi rocacha sá'ogue so louenqaipi, chaqai quiyim noxonqaipi queso lauoraripi npa'guenaxauaripi, chaqai quiyim qaica ca qaỹaho'te.

Jueces 4:2

Ca' vichiguiño' ñi qara'gaxala' ỹaañiguit so Israel llaalqaipi da lquesaxanaxa so Jabín, lashi na cananeoipi, reloqota'a yi na'a' Hazor. Chaqai so lashi so nalliripi, leenaxat Sísara, na'ñi yi Haroset-goim.

Jueces 6:1

Qam so Israel llaalqaipi lotqai ỹo'ueetetac da se no'uen quiñi qara'gaxala'. Ca' ñi qara'gaxala' ỹaañiguit quiyim qoỹoiquentac queso Madián llaalqaipi quesaua siete ñaxari.