Esdras 5:1 - La'qaatqa ñi qota'olec Qota'olec & Qota'olec Novita Na Qomyipi

¹ Ca' saua qota'olec letaxaỹaxaqui' Hageo chaqai so Zacarías llaalec so Ido, ra'qaataxantem so judioipi naalec yi 'laua Judá chaqai yi Jerusalén quedá'maq la'qaatec ñi la'gaxala' ñí'maq qota'olec quiyi Israel.

Esdras 5:1 Iomraidhean Croise

Esdras 6:14

Ca' quedajo, ca' so la'gaxalateripi so judioipi lotqai quelec quiyim no'xonshiguim aso no'ueenaxanaxaqui, ipaquichigui nqohin dá'maq la'qaatec so letaxaỹaxaquiripi ñi qota'olec, so Hageo chaqai so Zacarías só'maq llaalec so Ido. Ca' qaỹomat añi no'ueenaxanaxaqui, ipaquichigui nqohin dá'maq la'qaatec ñi qota'olec queso llaalqaipi so Israel, chaqai dá'maq 'naac so Ciro, Darío chaqai so Artajerjes, nashil quiyi Persia.

Miqueas 5:4

Cajo nashi ne'laxashiguim ma'le quiyim reloxoỹa'a na lalamaxareteripi queda lquesaxanaxa chaqai da lecaic ñi qara'gaxala' qota'olec. Ca 'xoic ca no'daxa ma'le quenajo, ma' cajo nashi qaimaqachin ma'le quenaua'que naua lahil na 'laua.

Hageo 1:1

Na' ỹovi' 'óna ñaaxa, cinco shiriguiri, ca' queso 'auaxaic na'xa'a queso liỹa shiraigo na' neetaho quiyim nashi so Darío quiyi Persia, ca' ñi qara'gaxala' retaqaugui so letaxaỹaxaqui Hageo. Ỹaatqajam 'naapega so nashi ỹoiquentac yi 'laua Judá, só'maq llaalec so Salatiel, leenaxat Zorobabel, chaqai so lashi na netaxaỹaxanqajanqaipi, llaalec so Josadac, leenaxat Josué.

Hageo 2:18

Ca' nagui quena na'xa'a, ca ỹovi' ocho shiriguiri chaqai veinticuatro na'xata' quenajo ñaaxa, ca' qaigueme qaỹa'vii naua no'xonaxalate' ñi qouagaxainaxaqui caỹim.