Esdras 4:2 - La'qaatqa ñi qota'olec Qota'olec & Qota'olec Novita Na Qomyipi

² qoyicpegueto saua Zorobabel chaqai so Josué chaqai so liỹa na'gaxalateripi. Ca' qohinaco': —'Maxariñita quiyim sotauanaxe' qamiri so'xonaxanqapego, ma' qomi' shinqata qamiri, ma' qomi' se'guenqot qai'neeta ñi qota'olec chaqai saanqatacot quiyim savigaxataq ana qarachitaxanataxanqate, chicqochi'ñi na' ñaq nashi so Esar-hadón quiyi Asiria só'maq nauegalo qomi' najo 'laua.

Esdras 4:2 Iomraidhean Croise

Génesis 10:11

Ca' chaqaiyi yijo 'laua chicqochi'ñi so Asur, ca' no'xoñishiguim yaua na'aate' quiyi Nínive, Rehobot-Ir, Cala,

2 Reyes 17:24

Ca' so nashi quiyi Asiria naqata'a so qomyipi quiyi Babilonia, Cuta, Ava, Hamat chaqai Sefarvaim, ca' ỹanalec na na'aateripi quiyi Samaria, yí'maq la'a' na llaalqaipi so Israel. Ca' chaqaida 'neeta, ca' naalec yi Samaria, ca' naugui na na'aateripi.

2 Reyes 19:37

Ca 'uo' so na'xa'a co'na' nqouagaxaintac cañi qouagaxainaxaqui neetaugui so Nisroc só'maq lashiilec, ca' saua llaalqa Adramelec chaqai so Sarezer que', ca ỹalauate' so'maxare, ca 'eete' taategue da 'laua Ararat. Ime, ca' qoỹano quiyim nashi so llaalec Esarhadón.

Esdras 1:5

Ca' so la'gaxalateripi so llaalqaipi so Judá chaqai so Benjamín, chaqai só'maq netaxaỹaxanqajanqaipi chaqai so lotauaripi só'maq llaalqaipi so Leví, ca sá'ogue só'maq ỹaatqajam qaỹa'ue da na'ñaaqataxac quiñi qota'olec, na'maxajñi quiyim eec, taigue da Jerusalén quiyim qano'xonshiguim aca lo'ueenaxanaxaqui ñi qara'gaxala'.

Esdras 3:12

Ca' 'xoic so netaxaỹaxanqajanqaipi quena' qaretaxaỹa'pegue' ñi qota'olec chaqai so lotauaripi chigoxougui so Leví, só'maq mashic qo'xoiquipi só'maq iuano' na'le so 'auaxaic no'ueenaxanaxaqui, ỹaatqajam noỹen naualqategueñi queda netoonaxac, ma' ỹauanchigui quiyim liỹa qano'xonshiguim so dalaxaic no'ueenaxanaxaqui. Chaqai 'uo' na liỹaripi mashic ỹaualqatagui queda netoonaxac.

Esdras 3:2

Co'na'le, ca' so Josué, llaalec so Josadac, chaqai so liỹaripi netaxaỹaxanqajanqaipi, chaqai so Zorobabel, llaalec so Salatiel, chaqai so lauo' laseripi, eec, ca' no'xonshiguim aso ncopatoxonaxalate quiñi qota'olec quiyi Israel, qaiyi qarcopatoxonlec aso'maxare quiyim qaỹo'uet dá'maq relaataxanlec na'le so Moisés só'maq nale ñi qota'olec.

Salmos 73:8

Re'naxantac chaqai nemaqajan chaqai se npocoq, quiyim ra'xalenataxan quiyim ỹo'uet ca se no'uen, reloquiaxanataxan.

Gálatas 2:4

'Nesa ma' llic ma' 'vii naua sqai ỹaatqajam 'chichiriñi qarqaỹa' nalecqajansauguilo qomi', nañoxotesañi, ca ỹahosaque quiyim qaỹa'ue ca netanec na loshicmaxa. Na'maxare nalecqajno, qam chi na'ajnaxanaripi quiyim ỹa'ajan dá'maq shinqatari' quiyim qaica canchaqaica ma' ña'daqatau'a so Cristo Jesús, ca' ỹahotaque quiyim liỹa ñcoñiraxaguit na nelaataxanaxaquipi.

2 Timoteo 3:8

'Nejme' saua 'viiquiaxaiqa Janes chaqai so Jambres npa'guenda'e' so Moisés. Ca' qai'neeta ma'le na qomyipi ỹaatqajam npa'guena'e' dá'maq ỹaatqajam lliqueta leloxoỹaxac. Na'maxare tot ỹalamaq da la'deenataxanaxac chaqai ỹit dá'maq llicyaxac da npi'ỹaxac.