Esdras 3:8 - La'qaatqa ñi qota'olec Qota'olec & Qota'olec Novita Na Qomyipi

⁸ Ca' so Zorobabel só'maq llaalec so Salatiel, chaqai so Josué só'maq llaalec so Josadac, chaqai so nauegaxauaripi netaxaỹaxanqajanqaipi chaqai so lotauaripi só'maq llaalqaipi so Leví, chaqai sá'ogue so na'aquipi na'le rapila yi Jerusalén, taañi quiyim liỹa no'xonshiguim ñi no'ueenaxanaxaqui quiñi qota'olec queso co'uaataxanaxaic shiraigo queso liỹa ñaaxa na' ỹovi' quiyi Jerusalén, ca' ra'ilec nqohin da no'ueenataxanaxac só'maq llaalqaipi so Leví, qanca'au'a ná'maq napacalgoto yaua veinte ñaxari.

Esdras 3:8 Iomraidhean Croise

Esdras 3:2

Co'na'le, ca' so Josué, llaalec so Josadac, chaqai so liỹaripi netaxaỹaxanqajanqaipi, chaqai so Zorobabel, llaalec so Salatiel, chaqai so lauo' laseripi, eec, ca' no'xonshiguim aso ncopatoxonaxalate quiñi qota'olec quiyi Israel, qaiyi qarcopatoxonlec aso'maxare quiyim qaỹo'uet dá'maq relaataxanlec na'le so Moisés só'maq nale ñi qota'olec.

Esdras 4:3

Qam so Zorobabel, so Josué chaqai so liỹa na'gaxalateripi quena llaalqaipi so Israel 'neraco': —'E', qomi' se seshitaq quiyim qamiri qaro'xonaxanaxaua' quiyim liỹa ño'xonaxashiguim ca no'ueenaxanaxaqui quiñi qara'gaxala' qota'olec. Qoqometa ño'xonaxashiguim so'ueetaq quiñi qara'gaxala' ñí'maq qota'olec quena Israel, ma' chi la'qaatec ñi Ciro ñí'maq nashi quiyi Persia.

Esdras 5:16

Ca na'le, ca' so Sesbasar novi', ca' ỹo'viijñi so lo'xonaxala' na no'ueenaxanaxaqui quiñi qota'olec quena Jerusalén. Ca' chaqaica vigui, ca' liỹa qano'xontecshiguim, qam saqa' qaỹomat.

Esdras 5:2

Co'na'le, ca' so Zorobabel só'maq llaalec so Salatiel chaqai so Josué llaalec so Josadac, lotqai liỹa ro'ueenataxane' quiyim no'xonyishiguim ñi no'ueenaxanaxaqui quiñi qota'olec quiyi Jerusalén. Chaqai saua letaxaỹaxaqui' ñi qota'olec huaqata'to saua'maxare quiyim rotaanaxane'.

Hageo 1:1

Na' ỹovi' 'óna ñaaxa, cinco shiriguiri, ca' queso 'auaxaic na'xa'a queso liỹa shiraigo na' neetaho quiyim nashi so Darío quiyi Persia, ca' ñi qara'gaxala' retaqaugui so letaxaỹaxaqui Hageo. Ỹaatqajam 'naapega so nashi ỹoiquentac yi 'laua Judá, só'maq llaalec so Salatiel, leenaxat Zorobabel, chaqai so lashi na netaxaỹaxanqajanqaipi, llaalec so Josadac, leenaxat Josué.

Zacarías 4:9

“Ñi Zorobabel ỹa'vii naua no'xonaxalate' najo no'ueenaxanaxaqui. Ca' chaqaiñi ñí'maq ỹomat ma'le.” Ca' qaigueme 'yiiñii qamiri ma'le chaqaiñi ñi qara'gaxala' sqaica ca lqalanec quiyim chaqaiñi ñí'maq yila'.

Zacarías 6:12

Ca 'ñiraco': Ñi qara'gaxala' sqaica lqalanec i'taxajñi quiyim ñaxatec cajo ỹale qaỹamata'gue dalaxaic llaxataxa chicqochi'ñalo saua chi lpa'yii, ca' liỹa no'xonshiguim ñi no'ueenaxanaxaqui quiñi qara'gaxala' quiyi Jerusalén.