Esdras 3:7 - La'qaatqa ñi qota'olec Qota'olec & Qota'olec Novita Na Qomyipi

⁷ Ime, ca' qaishiueten so 'imec lo'ollipi chaqai so qomyipi ichaqapigui na qo'paq, chaqai qaỹa'ue na loq, ne'taxat, chaqai ne'aceite so qomyipi na'gue da Tiro chaqai da Sidón, qaiyi ỹachigoxota'ñi yi Líbano na qo'paq cedro, quiñigui nqai'en aso huaaxai, ca' taita'a nqai'en yi na'a' Jope, ma' chaqaido' dá'maq 'naaco' na'le so nashi quiyi Persia.

Esdras 3:7 Iomraidhean Croise

2 Samuel 5:11

Vichiguiño' so Hiram só'maq nashi quiyi Tiro ilate' saua letaxaỹaxanqajanqa queso David, chaqai ila' qai'neeta na ỹa'den ichaxagui na qo'paq chaqai na qa'. Ca na'maxare i'xata na qo'paq cedro, ca' qaỹo'uet ca lauo' lodegaxat so David.

1 Reyes 5:6

Ca' nagui laataxañirelec quiyim qaỹouaxanlec ana qo'paq cedro quiyi Líbano. Na ñalliripi ỹotauan ma'le ca relaataxai'ipi. Ca' ỹim seshiueten acá'maq shiilaxañiraque quiyim shivichiñi' ca relaataxai'ipi. Ma' qami' 'yiiñite' quiyim coqomi' qaica ca ỹa'den ỹouaxanlec aca qo'paq, sqai 'nejem na nallichi'ipi quena ra'aachi' Sidón.

Esdras 3:6

Ca chicqochi'ñi nqohin yi 'auaxaic na'xa'a quena' ime'ueque yaua seis shiriguiri, ca' qaỹo'uet na nachitaxanataxanaxat qaỹavigaxat, ca' qoỹaanot ñi qara'gaxala', 'eno'm saqa' qano'xonshiguim aso no'ueenaxanaxaqui quiñi qara'gaxala'.

Jonás 1:3

Qam so Jonás se na'xaỹaxan, ta'ta'a quiyim ỹahotaque 'eetapeguem ñi qara'gaxala' qota'olec. Ca' quepegue' yi ñigaxasom leenaxat Jope. Ca' quiyi, ca' natenejlec aso qom lahi' huaxaỹaqse mashic sham taigue da na'a' lodegaxat Tarsis. Ca so'maxare ishiueten aso renotaxaqui, ca' renoto, huotaque taigue da Tarsis.

Hechos 12:20

So Herodes ro'ootapega so qomyipi na'ñi yi na'a' Tiro chaqai yi Sidón. Qam saua'maxare na'deenta' quiyim querepegue' só'maq nashi, qoyiqueto'ogue quiyim qaishiueten so Blasto, ma' ỹaatqajam lodegaxat lotaua so Herodes, quiyim ỹashiilo'ot so lashi quiyim ỹaanem ca leuagaxa so qomyipi, ma' quiyí'maq na'laua so qomyipi ỹachigoxotalec na lepetaxanaxat yi na'laua so nashi.

Hechos 9:36

Ca' quesaua na'xata' 'uo' aso mashic shi'gom ỹacoñiguit da na'qaatec na'ñi yi Jope, leenaxat Tabita. Dajo neenaxat quenaua griego la'qaatqa 'naac: Dorcas (dajo 'naac: qagreta neuec). Aso 'aalo co'na' ñaqa 'ue 'xoic da lotaanaxanaxac, ỹotauantac ná'maq 'ue na louenaxanaxa.

Hechos 9:38

Yi Jope sqoỹaqaque quiyi Lida yí'maq neeta'ño' so Pedro. Ca co'na' so qomyipi ỹa'den so'maxare quiyim neeta'ñi yi Lida, ca' qailate' saua dos ỹale' quiyim 'nerapega chaqa'ma' eec, quepegue' yi Jope.

Hechos 9:43

Ca' so Pedro ỹa'vii na'xata' neeta'ñi yi na'a', neeta'ñi yi la'a' so loshicmaxa lo'o, leenaxat Simón.