Esdras 3:12 - La'qaatqa ñi qota'olec Qota'olec & Qota'olec Novita Na Qomyipi

¹² Ca' 'xoic so netaxaỹaxanqajanqaipi quena' qaretaxaỹa'pegue' ñi qota'olec chaqai so lotauaripi chigoxougui so Leví, só'maq mashic qo'xoiquipi só'maq iuano' na'le so 'auaxaic no'ueenaxanaxaqui, ỹaatqajam noỹen naualqategueñi queda netoonaxac, ma' ỹauanchigui quiyim liỹa qano'xonshiguim so dalaxaic no'ueenaxanaxaqui. Chaqai 'uo' na liỹaripi mashic ỹaualqatagui queda netoonaxac.

Esdras 3:12 Iomraidhean Croise

Esdras 3:13

Ca' mashic tot qaỹaataxagui quena naualaxaquipi chaqai na ỹenaxaquipi quena qomyipi, ca' mashic ỹapaguelec na naualaxac. Ca quena' qoỹoqo'ta, ca' qara'qaataque na naỹaac.

Job 8:7

Só'maq resallaxa'e' na'le 'ec qaica ma'le, mesqai 'nejem cá'maq resallaxa'e' naata ma'le.

Salmos 126:6

Ca 'eno'm noỹenta'pegue' quiyim nallacsenta aso lloxoqui lahi' ana lanecsec ala, qam chalego da netoonaxac ma' rapil, lo'qoota'a qa'aalto'ot ana nanaqata quena trigo.

Isaías 60:22

Nauajo sqo vito'olqai', qam ñqo'naxatec quiyim qaica naloqochin; naua sqo vito'olqai' na'le, ca' ni'ic lodegaxat. Ỹim, ná'maq ỹim na'gaxala', ỹim so'uet quiyim qaỹaloq 'ue dajo, ma' ỹovita ca laloqo'.

Hageo 2:3

—Ná'maq iuana só'maq 'auaxaic no'ueenaxanaxaqui quedá'ogue dá'maq loyac, ca ¿negue' ca 'ñiỹac quiñijo ñí'maq 'ue nagui coqomi'? ¿Mesqai 'ñiỹac quiyim najo qaica quet cá'maq laloxo quiyim qanaloqojñiguit so 'auaxaic?

Zacarías 4:10

“Ca ná'maq mesqai ỹaatqajam i'taxajñi dá'maq 'ec cocho'qui' dá'maq taachi'ñi, ca' nagui, ca netoon ma' iuana ñi Zorobabel ỹomat yí'maq ỹo'ueetetac.” Ca na' ime dajo, ca' so nelaatec lotqai 'naac: Nauajo siete ncoỹeraxanaxaqui' chaqainaua nauá'maq nqote' ñi qara'gaxala', ca ñaua'maxare ỹa'ajansac ná'ogue na 'laua.