Esdras 3:11 - La'qaatqa ñi qota'olec Qota'olec & Qota'olec Novita Na Qomyipi

¹¹ Ca' queso qomyipi 'uo' quen na ro'ueenaxantac, chaqai 'uo' quen na ỹa'ue da lopilaxaset, 'naaco' quen: —'Ỹaañiỹot da na'aachicyaxaguii ñi qota'olec, ma' ñi'maxare ỹaatqajam huagaxaraic, chaqai da lqo'iichi quena llaalqaipi so Israel sqaica lqodoc. Chaqai sá'ogue so qomyipi ỹaualqatagui queda netoonaxac chaqai imaqachintac ñi qota'olec, ma' mashic liỹa qano'xonshiguim ñi qouagaxainaxaqui quiñi qota'olec.

Esdras 3:11 Iomraidhean Croise

Nehemías 12:40

Ime, ca' lapoỹata' sá'ogue so no'ueenaxanyipi, ca quepegue' yi loma' quiñi lauo' ñi qota'olec. Ca' ỹim liỹa iỹaatac so lavinñi so liỹa nashillipi.

Salmos 100:5

Ma' huagaxaraic ñi qara'gaxala'; se neme da le'xorenataxanaxa, chaqai qaica lqodoc quiyim ipaquichiguilo naua la'qaatqa.

Salmos 103:17

Qam da le'xorenataxanaxa ñi qara'gaxala' qaica ca lqodoc quená'maq imaqachin ñi'maxare; qaica ca lqodoc dá'maq no'uen lo'ueenataxanaxac, ỹovira'oga ná'maq co'uaataxanaxaic qomyipi,

Salmos 107:1

'Ỹaañiỹot da na'aachicyaxaguii ñi qara'gaxala' qota'olec, ma' ñi'maxare huagaxaraic, chaqai qaica lqodoc da le'xorenataxanaxa.

Salmos 118:1

'Ỹaañiỹot da na'aachicyaxaguii ñi qara'gaxala' qota'olec, ma' ñi'maxare huagaxaraic, ma' sqaica lqodoc da le'xorenataxanaxa.

Éxodo 15:21

Ca na' ñaq ro'ueenaxantalec so liỹa 'aallipi: 'Ueenaxañii, maqachiñitac ñi qara'gaxala', ma' ñi'maxare chalego lecaic da lauegaxanaxac na' iyinñi nqai'en so shipiguiripi qoyintalec. (15.22-27 'Ue so nanataxat huaxaỹaq, qam chim.)

Isaías 6:3

Chaqai quena' retaxahi' 'neracsa': Co'teeta, co'teeta, co'teeta ñí'maq qara'gaxala' qaica ca lqalanec; ná'ogue na 'laua no'qajlec queda lauaq.

Hageo 2:3

—Ná'maq iuana só'maq 'auaxaic no'ueenaxanaxaqui quedá'ogue dá'maq loyac, ca ¿negue' ca 'ñiỹac quiñijo ñí'maq 'ue nagui coqomi'? ¿Mesqai 'ñiỹac quiyim najo qaica quet cá'maq laloxo quiyim qanaloqojñiguit so 'auaxaic?

Zacarías 4:7

¿Negue' aqami', qami' qa' ladocai late'ogue'? ¡Qami' ñigui nqohin ma'le ca no'ueenaxa quiñi Zorobabel! Ñi'maxare naqata'a ma'le cá'maq 'auñi qa', ca' na qom ỹaualqagui ma'le 'naac: ¡Chalego loyac! ¡Chalego loyac!

Zacarías 9:9

¡'Xoic ma'le ca netoonaxaqui', qami' na'a' lodegaxat Sión! ¡'Ueenaxañi' queda netoonaxaqui', qami' na'a' lodegaxat Jerusalén! Na nashi 'maxataxaraic chaqai huegaxanaxai naỹa'a qami', qam ne'xoresenta, neetalec na 'ashinoqui' ná'maq llaalec aca 'ashina.

Lucas 1:50

Ñi'maxare chaqai 'neetari' 'ue da le'xorenataxanaxa quená'ogue ná'maq ỹaatqajam no'cha'a ñi'maxare.

Josué 6:10

Qam queso nalauataxairipi 'naaco' so Josué quiyim i'maqajlem, nauaanta'a quiyim qoỹilen quiyim netenegue ca laualaxac.

Josué 6:16

Ca co'na' so netaxaỹaxanqajanqaipi siete pe'taxan. Ca' so Josué 'naaco' queso qomyipi: —¡Raualaxahi! Ñi qara'gaxala' ỹo'uet quiyim qadoxoñiguii najo na'a'.

Josué 6:5

Ca ma' qamiri 'xaiỹaque cá'maq ỹaatqajam no'uen npe'taxanaxac, ca' qamiri ỹaatqajam nichiñigue ca raualaxaguii, ca' na nquepaqataxanaxat 'guiñi ma'le. Ca' ma'le, ca' quiñi 'óna caqamiri ỹalamaxateta'a yi na'a'.