Esdras 10:9 - La'qaatqa ñi qota'olec Qota'olec & Qota'olec Novita Na Qomyipi

⁹ Ca' vichiguiño' sá'ogue so qomyipi na'ñi yi Judá chaqai yi Benjamín lapoỹata' quiyi Jerusalén queso na'xa'a veinte queso shiraigo nueve na' ỹovirerec saua tres na'xata'. Ca sá'ogue so qomyipi nqa'xanñi queso qom lapooqo' quiñi no'ueenaxanaxaqui quiñi qota'olec, i'loxoltagui sauaxat dajo, chaqai mashic ñijñi so ỹaxat.

Esdras 10:9 Iomraidhean Croise

Esdras 10:10

Ca' so netaxaỹaxanqajnec Esdras nachajñi, ca 'naaco' queso qomyipi: —Qamiri 'uo' da rasauaxashichii, ma' o'ñiiguit na 'aallipi ỹoqa'a ca chigoxougui ni'ic, ca' ỹaatqajam nqo'naxachitec da lasauaxaset na llaalqaipi so Israel.

Esdras 10:3

Ca' qomi' saanaxauec da qara'qaatec quiyim so'daqauec ná'ogue na qaroua 'aallipi ỹoqa'a ca 'laua chicqa'a chaqai na llaalqaipi, qaiyi ipaquichigui da lelaataxanaxac ñi qara'gaxala'. So'ueetaq dá'maq 'ñirac chaqai ná'maq liỹa qomyipi na'xaỹaxane'ta da nelaataxanaxac.

Esdras 10:8

Ca no'm 'ue ca se noviro ma' ỹovirerec saua naloqojonqa tres na'xata', sauá'maq laloqojonqa so na'gaxalateripi chaqai so qo'xoiquipi, ca' qarouootaxana'gue cá'ogue ca la'a', ca' qaỹo'daauec quená'maq chita'gue novi'.

Esdras 9:4

Ca ná'maq no'chiitaque ca nouaxanaxaset quiñi qota'olec quena Israel queda lasauaxaset ná'maq mashic rapil quiyim na'ac, ná'ogue lapooguit aỹim. Qam ñaqaỹim ñqa'xantañi sa'lliita, chi ỹovireta'a ca laloqo' quiyim qaỹo'uet aca nachitaxanataxanqate queso avit.

Ester 2:16

Ca' aso Ester qaỹauega'a ñi 'imec lodegaxat lauo' so nashi, ma' qaỹahotaque nachaxana'a so nashi Asuero queso shiraigo diez, leenaxat Tebet, quesaua siete ñaxari quiyim neetaho nashi.

Jeremías 36:22

Qam ma' viichigui so shiraigo quena' novi' na no'oomaxa, ca' so nashi neetaugui ñi lauo' quena' no'oomaxa, ca' 'ue so npoqo lahi' hueetañigui ana poqo ỹaviquetaugui.