Esdras 10:8 - La'qaatqa ñi qota'olec Qota'olec & Qota'olec Novita Na Qomyipi

⁸ Ca no'm 'ue ca se noviro ma' ỹovirerec saua naloqojonqa tres na'xata', sauá'maq laloqojonqa so na'gaxalateripi chaqai so qo'xoiquipi, ca' qarouootaxana'gue cá'ogue ca la'a', ca' qaỹo'daauec quená'maq chita'gue novi'.

Esdras 10:8 Iomraidhean Croise

Esdras 10:7

Ca co'na' ime, ca' qaroỹaxanougui so qomyipi quiyim lapoỹata' ma'le quiyi Jerusalén ná'ogue na chita'gue novi' rapil, quená'maq neeta'ñi yi Judá chaqai yi Jerusalén.

Esdras 10:9

Ca' vichiguiño' sá'ogue so qomyipi na'ñi yi Judá chaqai yi Benjamín lapoỹata' quiyi Jerusalén queso na'xa'a veinte queso shiraigo nueve na' ỹovirerec saua tres na'xata'. Ca sá'ogue so qomyipi nqa'xanñi queso qom lapooqo' quiñi no'ueenaxanaxaqui quiñi qota'olec, i'loxoltagui sauaxat dajo, chaqai mashic ñijñi so ỹaxat.

Esdras 7:26

Chaqai cá'ogue cá'maq se ipaguigui nqai'en da laqataxaquipi ñi qota'olec caqami' chaqai da ilaataxanaxac, ca chaqa'ma' qaỹa'ue ca nouaxanaxaset quiyim qaỹalauat, loqo'm qaỹo'daauec, loqo'm qaỹa'ue aca ishiueten nqohin, loqo'm qaicoñi'.

Mateo 18:17

Ca no'm se na'xaỹaxanalo caua'maxare, ca' qami' 'xachitem ná'maq mashic icoñiguit da na'qaatec ma' lapoota'ta'. Ca no'm se na'xaỹaxana, ca' ca'maxare qohinta'gue cá'maq saqa' icoñiguit da na'qaatec, loqo'm 'neetari' nqohin na icona'piguit ana nishiuete so nashi quiyi Roma.

Juan 16:2

Qamiri qaro'yiỹauec ma'le cañi lapoxoqui na judioipi, chi ỹovireta'a quiyim canchaqaica 'ue ca ỹalauat caqamiri, ca 'neetapigui lauel quiyim 'maxaraic da ỹo'uet quiñi qota'olec.

Juan 9:22

Saua leta'al 'neraco' na'le dajo, ma' mashic 'uo' da lqolonqa', ma' so judioipi shi'co' na'deentecta' quiyim ỹo'daauec cañi lo'ueenaxanaxaqui canchaqaica qom quiyim 'naac so Jesús chaqaiso só'maq nashi nca'laxaqui.

Juan 9:34

Ca qohinaco' queso'maxare: —Qami' na' chi ne'qa'iriñi chaqa'ma' no'qaachigui qami' quena nasauaxaset, qam ¿chi'neco' ma' viisaque qarapaxaguiñi'? Ca' quiyi, ca qaỹo'daauec so'maxare caso lapoxoqui na judioipi.

Josué 6:19

Ca' na 'oro, plata, bronce chaqai ná'ogue na lecat fierro qoỹaanot ñi qara'gaxala' quiyim lalamaxat.

1 Samuel 11:7

Ca' ỹacona'alo saua dos laloo ñii'lola, ca ỹouaxana'que, ca' ỹa'ue so lelaatqaipi quiyim ỹoda'a na neeta'ñi na llaalqaipi so Israel. Ca' saua nelaatqaipi 'naaco' quena' 'ue na ỹovira'a: —'Eda qohine'tegue ca laloipi cá'maq se lapo'guita yaua Saúl chaqai ñi Samuel, chaqai quiyim queguelo. Ca' ỹaatqajam chalego lqolonaxa so qomyipi, ca chaqa'ma' eec lapoỹata', 'ec 'oonoqui' qom lapooguita saua'maxare.