Esdras 10:11 - La'qaatqa ñi qota'olec Qota'olec & Qota'olec Novita Na Qomyipi

¹¹ Ca' vichiguiño' nagui ỹaatqajam iuanchiguilo qamiri ñi qara'gaxala' ñí'maq qota'olec queso 'auaxaic qareta'allipi, quiyim ỹaatqajam nichoxochita quiyim 'ue da qarasauaxaset chaqai pacqajñichiguilo nauá'maq ỹahotapigui ñi qara'gaxala'. Chaqai lachii' naua lanatqa na qomyipi nauá'maq se nqo'talo ñi qota'olec chaqai najo 'aallipi ỹoqa'a ca ni'ic chicqaugui.

Esdras 10:11 Iomraidhean Croise

Esdras 10:10

Ca' so netaxaỹaxanqajnec Esdras nachajñi, ca 'naaco' queso qomyipi: —Qamiri 'uo' da rasauaxashichii, ma' o'ñiiguit na 'aallipi ỹoqa'a ca chigoxougui ni'ic, ca' ỹaatqajam nqo'naxachitec da lasauaxaset na llaalqaipi so Israel.

Esdras 10:12

Ca' sá'ogue so qomyipi saat, qam netenegue da lasaataxac, 'naaco': —Ajá'a, cá'maq 'ñirac, ca' chaqaida nqaishinaq.

Esdras 10:3

Ca' qomi' saanaxauec da qara'qaatec quiyim so'daqauec ná'ogue na qaroua 'aallipi ỹoqa'a ca 'laua chicqa'a chaqai na llaalqaipi, qaiyi ipaquichigui da lelaataxanaxac ñi qara'gaxala'. So'ueetaq dá'maq 'ñirac chaqai ná'maq liỹa qomyipi na'xaỹaxane'ta da nelaataxanaxac.

Esdras 9:1

Ca co'na' ime dajo, ca' so na'gaxalateripi nqo'neuo caỹim, ca 'naac: —Na llaalqaipi so Israel, chaqai na netaxaỹaxanqajanqaipi chaqai na lotauaripi, na'maxare sqo ỹoxe'oga quená'maq na'ñi yi 'laua quena cananeoipi, hititaipi, ferezeoipi, jebuseoipi, amonitaipi, moabitaipi, egipcioipi chaqai na amorreoipi, ma' ỹo'uet da naqaigaxa dá'maq no'ueenataxac.

Salmos 32:5

Qam sá'ogue sichoxotem qami', qaica ca se sa'xat da ỹasauaxaset chaqai da ỹo'maxac; taachigui na iuel sa'xatem qami' na ỹasauaxaset, ca' qami' ỹa'gaxala' palaxachi' sá'ogue.

Isaías 56:4

Ma' ñi qara'gaxala' 'naac: Ca naqateguese lolaa no'm se ro'ueenataxañigui yi na'xa'a co'mataxaqui, chaqai no'm ipacqajanchigui dá'maq sahotaque chaqai se ỹa'laxate dá'maq ña'deenaxac,

Jeremías 7:3

ñi qara'gaxala' qaica lqalanec ñí'maq qota'olec queso Israel: No'ueenaxachii da nachaalataxaguii chaqai dá'maq ro'ueenataxanaxaguii, ca' ỹim queeta nqaishin quiyim rca'lliitauec quenajo 'laua.

Ezequiel 18:30

Ỹim semit quiñi 'óna caqamiri Israel laseripi, taachigui nqaishin cá'maq ỹo'ueetetac. Ỹim na'gaxala', se'taxajñi da ỹa'qaatec. 'Maxaraic quiyim chaqa'ma' 'xañiñi dá'maq se no'uen 'viichitac, qaiyi sqai soviỹalec, ca' chicqochigui ca re'xoriguii.

Juan 9:24

Ca so judioipi lotqai liỹa roỹaxane'oga so ỹale qai'laqo' na'le, ca qohinaco': —Ñaqai 'qaataxañitalo qomi' quecá'maq lliqueta, nagui ỹauanchiguilo qomi' ñi qota'olec; ma' qomi' sa'deenqata quiyim sojo ỹale sauaqhuaic.

Romanos 12:2

Totaxan quiita'pegue' da no'ueenataxac ná'maq hueetalec na 'laua; ta'ta'a quiyim dalaxachii' naua ra'deenataxanaxagohi, qaiyi dalaxaic dá'ogue da nachaalataxaguii, qaiyi 'yiiñii dá'maq ỹahotaque ñi qota'olec, 'neetasa': cá'maq ỹa'maqachiguiñi, chaqai cá'maq ỹa'maxarenta ñi'maxare, chaqai cá'maq 'maxaraic naloochiguiñi.

2 Corintios 6:17

Ca vichiguiño' qai'neeta 'naac ñi qara'gaxala': Oquii'e, noỹoochiuec quena'maxare; sqai coñigui ná'maq napio'xot da chaalataxac. Ca ma'le, ca' ỹim secoñiguita qamiri,

Colosenses 1:10

Qaiyi shichii quiyim na'maxachita ma' chaqaida 'neetari' ná'maq lalamaxaret so qara'gaxala', quiyim se neme 'viichitac ná'maq ỹa'maxarenta so'maxare. Ca re'oq nqai'ñii dá'maq 'ñiitari' quená'ogue ná'maq no'uen 'viichitac, chaqai quiyim paguec 'yiiñita ñi qota'a.

Hebreos 13:21

ca ñi'maxare ỹaatqajam naloqojonchiriñi qamiri, chaqai no'ueenaxat da no'ueenataxaguii quená'ogue, qaiyi 'viichii cá'maq ỹahotaque, chaqai quiyim ỹo'uet ñi'maxare coqomi' cá'ogue cá'maq ỹahotaque, chicqochigui nqai'en so Jesucristo. ¡Ca' se neme qaimaqachintac so Cristo! Ajá'a, ca' chaqaida 'neeta dajo.