Esdras 1:2 - La'qaatqa ñi qota'olec Qota'olec & Qota'olec Novita Na Qomyipi

² —Ỹim Ciro, ỹim nashi quena Persia, da ỹa'qaatec 'neetasa': Ñi qara'gaxala' qota'olec ñí'maq neeto'ot na piguim, ñi'maxare yayano na'le quiyim aỹim nashi quená'ogue na nashillipi quena 'laua. Ca ñi'maxare nagui yilarelec quiyim ño'xonshiguim aca lo'ueenaxanaxaqui quiyi Jerusalén, huaugui yi 'laua Judá.

Esdras 1:2 Iomraidhean Croise

1 Reyes 8:27

Qam ¿peeta'a ỹaatqajam llic dá'maq quiyim qami' qota'olec, ca' shichi' ñi'salec ana 'laua? Ma' na piguim quiyim chalego da lecaguiñi, qam se nalo'guit qami' quiyim rolli'rañi, ca ¡huose'quet ná'maq najo 'imec ño'xonshiguim sauaaque qauochi'!

Esdras 1:5

Ca' so la'gaxalateripi so llaalqaipi so Judá chaqai so Benjamín, chaqai só'maq netaxaỹaxanqajanqaipi chaqai so lotauaripi só'maq llaalqaipi so Leví, ca sá'ogue só'maq ỹaatqajam qaỹa'ue da na'ñaaqataxac quiñi qota'olec, na'maxajñi quiyim eec, taigue da Jerusalén quiyim qano'xonshiguim aca lo'ueenaxanaxaqui ñi qara'gaxala'.

Esdras 3:7

Ime, ca' qaishiueten so 'imec lo'ollipi chaqai so qomyipi ichaqapigui na qo'paq, chaqai qaỹa'ue na loq, ne'taxat, chaqai ne'aceite so qomyipi na'gue da Tiro chaqai da Sidón, qaiyi ỹachigoxota'ñi yi Líbano na qo'paq cedro, quiñigui nqai'en aso huaaxai, ca' taita'a nqai'en yi na'a' Jope, ma' chaqaido' dá'maq 'naaco' na'le so nashi quiyi Persia.

Esdras 4:3

Qam so Zorobabel, so Josué chaqai so liỹa na'gaxalateripi quena llaalqaipi so Israel 'neraco': —'E', qomi' se seshitaq quiyim qamiri qaro'xonaxanaxaua' quiyim liỹa ño'xonaxashiguim ca no'ueenaxanaxaqui quiñi qara'gaxala' qota'olec. Qoqometa ño'xonaxashiguim so'ueetaq quiñi qara'gaxala' ñí'maq qota'olec quena Israel, ma' chi la'qaatec ñi Ciro ñí'maq nashi quiyi Persia.

Esdras 5:15

Ca' so nashi Ciro ilarelec na'le so'maxare quiyim lapoonta' so nouenqaipi, ca' qaỹopilaxata aso no'ueenaxanaxaqui quiyi Jerusalén, ca' chaqaica cá'maq shi'gue loma', ca qoỹanchi'ñi aca dalaxai no'ueenaxanaxaqui quiñi qota'olec.

Esdras 6:10

qaiyi na'maxare ỹavigaxat na lachitaxanataxanaxat, ca' ỹaanot ñi qota'olec neeto'ot na piguim quiyim qaỹa'maxarenta. Chaqai nqouagaxaintalec aỹim chaqai na ỹaalqaipi.

Esdras 6:3

Queso 'auaxaic ñaaxa na' nashi so Ciro, ca' ỹaan da la'qaatec 'neetasa': Aca no'ueenaxanaxaqui quiñi qota'olec quiyi Jerusalén qaỹa'yiñi ca lo'xonaxala', ca' qano'xonshiguim cajo 'imec, qaiyi hua'ñi ca'maxare, ca' qaỹavigaxat ca nachitaxanataxanaxat. Ca ca'maxare ỹovi' veintisiete metros da lishicshi'megue, chaqai veintisiete metros da leca'gue;

Esdras 7:12

Ỹim Artajerjes, ỹim lashi na nashillipi, saanem da ỹa'qaatec na Esdras ná'maq netaxaỹaxanqajnec chaqai napaxaguinataxanaq quena laqataxaquipi ñi qota'olec neetashiguim queda piguim.

Nehemías 1:4

Ca na' sa'qaachigui da ỹa'xaỹaxac, ca' ñqa'xanñi, ca ñoỹen chaqai 'vii saua na'xata' sachicota ñqopaaqachit chaqai ñqouagaxaintacot ñi qota'olec queda piguim.

Nehemías 1:5

Ca' shinac: —Qami' ỹa'gaxala', qami' qota'olec queda piguim, qami' lodegaxat chaqai qami' chaqaic, sqai 'xañirec da na'maqataxaqui' chaqai se napaquiralec da ra'qaachiqui' quená'maq nqo'chiraxaua' chaqai ipaquichiguilo nqai'ne' naua relaataxanaxagohi'.

Isaías 44:26

Qam so'uet quiyim ipaquichiguilo naua la'qaatqa na ilaatqaipi chaqai 'maxaraic nqaishin cá'maq ỹo'ueetetac. Ỹim sa'xat quiyim yi Jerusalén liỹa pilchigui quiyim na'a' lodegaxat chaqai na na'aateripi quiyi 'laua Judá liỹa qano'xonshiguim. Ỹim so'uet quiyim qano'viishiguim ná'maq mashic ropoqota.

Isaías 44:28

Ỹim shinac quiñi nashi Ciro: Qami' neloxoỹaq quena ỹalamaxareteripi, ca qami' 'viichi' cá'ogue cá'maq sahotaque. Chaqai shinac quiyi Jerusalén: Liỹa qano'xonshiguim qami' ma'le; chaqai shinac quiñi no'ueenaxanaxaqui: Ma'le, ca' liỹa qaỹa'ue ca no'xonaxala'.

Isaías 45:1

Ñi qara'gaxala' ỹo'uet ca lo'ueenatec so Ciro quiyim nashi, icona da lqai'laxat, qaiyi ỹoiquentac ná'ogue na ỹoreta'oguit qomyipi chaqai rouootaxana'gue ná'ogue na lo'goxonqateripi na nashillipi. Ñi qara'gaxala' ỹo'uet quiyim ñi Ciro huachiguilo naua lasomi' na na'aateripi, ca' qaica ca ishit ỹapogui. Ca' nagui 'naapega:

Jeremías 27:5

Chalego lecaic nqaishin da iquesaxanaxa na' ipeguenec nqaishin na 'laua, chaqai na qomyipi chaqai na iseripi hueetalec na'maxare, chaqai seshit saanem cá'maq yqo'ta.

Jeremías 29:10

Ñi qara'gaxala' 'naac: Ma' ỹovite' caua setenta ñaxari quena Babilonia, ca' so'ueenataxan sqoshiilgoto qamiri, ca sepacqajanchigui ma'le da ỹa'qaatec quiyim yapilaxate' qamiri quenajo.

Daniel 1:21

Ca' so Daniel no'ueenañi quiñi lauo' so nashi, chi ỹovireta'a so 'auaxaic ñaaxa na' nashi so Ciro. (2.1-49 'Ue so le'guemataxac so nashi Nabucodonosor, ca' so Daniel ỹa'xat da leloxoỹaxac.)

Daniel 5:23

Ta'ta'a quiyim qami' ỹashi chaqai 'ñirari' ñi qara'gaxala' queda piguim na' laataxañira'alo so 'taxaquiripi ỹoreta'oguit da no'ueenataxac lalamaxaret na'le ñi no'ueenaxanaxaqui quiyi Jerusalén, ca' ỹoxoiguilo queso lataxa, ca' ni'chiiguilo queso qatallicshichi'ipi, chaqai maqachiñi'sac so rashiilqui'ipi nqolaquipi chicqaugui na 'oro, plata, bronce, fierro, qo'paq chaqai na qa', najo nashiilqaipi se reuanaxan, sqai 'qaa chaqai qaica ca ỹa'den. Qa'chica qami' sqai maqachiñi' ñi qota'olec ñí'maq no'qootañi da nachaalataxaqui' qami' ỹashi, chaqai hueeto'ot ná'ogue ná'maq 'viichi'.

Daniel 6:25

Ca co'na'le, ca' so nashi Darío ỹa'ue so lerec, taỹaugui nqai'en sá'ogue so ỹoreta'oguit qomyipi neetalec yi 'laua, 'naacsa': Sahotaque quiyim qaicanqaida chaqai 'ue nqaiyi caqamiri,

Jonás 1:9

Ca' so Jonás 'naaco' quesaua'maxare: —Ỹim hebreo le'ec, ñqouagaxaintacot quen ñi qara'gaxala' qota'olec neeta'gue da piguim, lo'ueenata ana huaaxai chaqai na 'laua.