Efesios 6:9 - La'qaatqa ñi qota'olec Qota'olec & Qota'olec Novita Na Qomyipi

⁹ Chaqai qamiri ma' qamiri 'cooro', qai'neeta denaxachiichigui dá'maq 'neetari' na relaataxahipi, sqai yiñitalec. Ñaqai 'yiiñi'a quiyim qamiri chaqai na'maxare viito'ot ñi qara'gaxala' ñí'maq neeta'gue da piguim, chaqai quiyim ñi'maxare qaica ca ỹapacqajnauec, ná'ogue naloqojne'ejta'.

Efesios 6:9 Iomraidhean Croise

Nehemías 5:5

—Qam na'maxare chi qouo' laseripi, cá'ogue cá'maq sachigoxosoxougui. Na qochaalqaipi chaqai 'nejem ná'maq llaalqaipi na'maxare, qam qaiyiita saanaxaho na qochaalqaipi chaqai na qochaallipi quiyim na'aqaipi quena'maxare. Qam mashic 'ue ana quena qochaallipi mashic na'a, ca' qaica quet cá'maq shinqata'gue quiyim se ipaguigui nqaishinaq, ma' na qana'lauari chaqai qodanaxanqate' 'uva lomaate' ỹoqa'a ná'maq looỹac.

Eclesiastés 5:8

'Neeto' re'laqaita quiyim 'ue ca 'laua qaica ca qaỹauaaque na 'xoraic chaqai quiyim se qaỹa'maxata'gue dá'maq no'uen ñicyaxac, ma' ná'maq lodegaxat nashi qoshiilec cá'maq liỹa nashi paguec lecaic, chaqai ná'maq paguec lecaic qoshiilgoto nauá'maq liỹa' paguec sqa lote'.

Daniel 3:15

¿Qamiri shichita quiyim ma' 'xaiỹaque ca niviiguellipi, ca 'chiiñi naua re'cootallii quiñí'maq selaataxanlec quiyim qaỹo'uet chaqai nqouagaxaiñiỹot? Ma' no'm se nqouagaxaiñiỹot, ca' nagui chaqa'ma' qainaxarougui qamiri ñi nqatelaxanaxaqui ỹaviquetaugui. Ca ¿negue' queto' ca qota'olec rca'laxachiiuec?

Daniel 3:6

Ca ná'ogue ná'maq se ỹa'chi'iñi naua le'cootal chaqai se nqouagaxainot ñi nadenqatec qom imaañi 'oro, ca chaqa'ma' qainaxaugui ñi nqatelaxanaxaqui ỹaviquetaugui.

Levítico 19:13

'Neeto' sqa 'maxachira'gue ca riỹa'e', chaqai sqai huootaxañira'gue ca louenec. Chaqai sqai viraqchira'guit ca liỹa nete'e quiyim shivichiñi' aca lauegue cá'maq ro'ueenataxantacot aqami'.

Malaquías 3:5

Ñi qara'gaxala' sqaica lqalanec 'neetasa' da la'qaatec: Ỹim semite' qamiri ma'le queda rasauaxashichii. Chaqai ỹim ná'maq seuanchigui ná'maq ỹoiquen ca liỹa, ná'maq lapaatapi'ñi' ana se loua, ná'maq nallitalta' quena' 'ue da ỹa'xat, qam se ipacqajñigui, ná'maq qa'viita'pegue na 'ueenataxanaxairipi chaqai ana pa'ỹe chaqai na na'pelyipi, chaqai ná'maq se ỹa'maxata'gue na ỹoqa'a ca chicqa'gue, chaqai ná'maq napaqueteguelec aỹim.

Mateo 22:10

Ca só'maq nelaatqaipi queguelo naua nayico, ca lapoon ná'ogue ná'maq iuanejlec. 'Ue na hualoxonaq chaqai na nouooquichiguiñi. Ca no'qaachigui so nqui'ỹaxaqui queso qomyipi.

Mateo 22:8

Ca na' ime, ca' 'naapega so lelaatqaipi: “Ná'ogue ỹa'maqatañi quecá'maq nashilaxac, qam cauajo nalecse' sqa taiguit quiyim ỹalequesaho.

Mateo 24:48

Qam cajo nelaatec, no'm se nouoogoñi, ca 'neetapigui lauel quiyim qaua' novi' ca na'co'.

Mateo 24:51

Ca qaỹo'uet ma'le ca chalego lecaic nouaxanaxaset, 'nejem nqohin ca nouaxanaxaset ná'maq 'neetapega 'maxaraiquipi. Ca ma'le, ca' noỹen chaqai iquishquinta' naua louee quena nqui'ic.

Mateo 7:12

Ca' vichiguiño' qamiri 'viichii cá'maq viitaque quiyim qohine'teguelo qamiri quena qomyipi, ma' chaqaida dá'maq lelaataxanaxac na laqataxaquipi so Moisés chaqai naua lerecse' so letaxaỹaxanqajanqaipi ñi qota'a.

Lucas 6:31

Cá'maq no'uen viitaque quiyim qaỹo'uet caqamiri, ca' chaqaica ca 'viichii quena qomyipi ma'le.

Juan 13:13

Qamiri machiỹa'gue aỹim napaxaguinataxanaq chaqai na'gaxala'. Ca da'maxare qaica ỹoqolliguit, ma' llic.

Hechos 10:34

Ca' so Pedro co'na' retaqa, 'naaco': —Nagui, ca' sa'den quiyim llic quiñi qota'olec se nca'aatagui na qom.

Romanos 2:11

Ma' ñi qota'a nalo'ojta' nqai'en, qaica ca ỹapacqajnauec quena qomyipi.

1 Corintios 1:2

Ca' nagui selatalo qamiri ana ỹerecse, qamiri ỹaqaỹaripi ma' mashic viilec ñi qota'a, ñiita'ñi na na'a' lodegaxat Corinto. Qamiri lalamaxarete' ñi qota'a, ma' na'yiitau'a so Cristo Jesús. Ñi'maxare roỹaxañiỹaxaua' ma' ỹahotaque quiyim co'taxat da nachaalataxaguii, 'nejem ná'ogue na 'neeta'ogalo naua liỹa' 'lauari ná'maq mashic nqouagaxaintacot so qara'gaxala' Jesucristo, só'maq la'gaxala' na'maxare, neete'm qomi'.

1 Corintios 7:22

Ma' cá'maq na'aco' na' qaroỹaxana quiyim huelec so qara'gaxala', ca' nagui ca ỹale qaỹosootec quiyim queetalec so'maxare. Ca chaqai 'nejem cá'maq se na'ac na' qaroỹaxana, ca nagui lotqai na'ac queso Cristo.

Colosenses 3:25

Qam cá'maq ỹoueetetac ca se no'uen, ca' icoñiguit cá'maq se no'uen laseue' cá'maq ỹo'ueetetac. Ma' ñi qota'a qaica quet cá'maq ỹapacqajnauec quiyim nqo'ta ca qom queca liỹa.

Colosenses 4:1

Chaqai qamiri 'cororipi, ỹaatqajam 'viichii cá'maq ỹa'maqachiguiñi, chaqai ỹaatqajam pacqajñiichigui ca nishiuetenaxac ca relaachiguii. 'Yiiñitapega quiyim qamiri qai'neeta 'ue ñi ra'gaxalari neeta'gue da piguim.

Santiago 2:13

Ma' cá'maq se i'xoren ca liỹa, ca' chaqaida qohine'tegue. Ma' qaimit, ca' se qai'xoren. Qam cá'maq 'ue ca le'xorenataxanaxa, ca' qaica ca qohinegue, ma' ỹovita ca na'xa'a quiyim qaimit.

Santiago 2:8

No'm ipaquichigui nqai'ñii dá'maq ỹaatqajam naqataxac ma' chaqaida dá'maq 'naac yi naneretañi na'qaatec: “Rauochitegue ca riỹa'e', 'ñiisa'gue quiyim qami' nauochiralta'”, ca' 'viichisac dá'maq ỹaatqajam ỹa'maqachiguiñi.

Santiago 5:4

Añí'maq rishiuetenaxanqachii se ipaguigui nqai'ñii quena qomyipi quená'maq ro'ueenataxantac naqatetac na la na qadañicshiguii, chaqañi añí'maq ro'laxanta'pegue' caqamiri. Ca' ñi qota'a ma' la'gaxala' ná'ogue na piguim laseripi, ca ñi'maxare 'qaatapega da laualaxac na 'ueenataxanaxairipi.

1 Samuel 15:17

Ca' so Samuel 'naaco' queso'maxare: —¿Mese na'yiiñiralta'o' quen quiyim qaica ca 'ñitegue na'le? Qam vichira'a quiyim qami' la'gaxala' na doce llaalqaipi so Israel, chaqai ñi qara'gaxala' ỹano qami' quiyim qami' nashi.