Efesios 6:5 - La'qaatqa ñi qota'olec Qota'olec & Qota'olec Novita Na Qomyipi

⁵ Chaqai qamiri nelaatqa na'xaỹaxañiỹa ca na'coori quenajo 'laua, se napaguiỹalec, richilli'a, raqamaxaita, shiquiaxam 'ueenataxañitacot so Cristo.

Efesios 6:5 Iomraidhean Croise

Génesis 16:9

Co'na'le, ca so nelaatec piguim le'ec 'naaco': —Mo'e', pillita aca na'coro'e', ca cá'maq 'naac, ca' na'xaỹaxañita.

Malaquías 1:6

Ñi qara'gaxala' sqaica lqalanec 'neetasa' da la'qaatec queso netaxaỹaxanqajanqaipi: Na ñaalqaipi imaqachin na leta'allipi, chaqai na ñaaqainatqaipi se napacalec ca ỹa'xat na na'coororipi. Qam no'm ỹim qata'ahi, ¿chi'negue ma' napaguiiteguelec quena' 'ue dá'maq sa'xat? No'm ỹim na'coori, ca ¿chi'negue ma' se na'xaỹaxañiua'? Qamiri se rqo'chiiua', qam qaiyiita 'ñiỹac: ¿Negue' cá'maq 'neeto' quiyim se qarqo'ta qami'?

Mateo 6:22

Ca' naua nqochichi' 'neesari' aca lcoỹeraxanaxaqui' na roshicmaxa'e'. Ca no'm lo'yaxanqa naua nqochichi', ca' ná'ogue na roshicmaxa'e' re'qojlec.

Mateo 6:24

Qaica ca ishit quiyim dos caua na'cooro'. Ma' ỹamaqa'gue ca 'óna chaqai nqo'ta ca liỹa, loqo'm 'xaỹaxanaxaraic queca 'óna chaqai se ỹaqamaq queca liỹa. Ca' se ishit qaro'ueenataxanot ñi qota'olec chaqai aca re'qoochigui plata.

Mateo 8:9

Ma' ỹim qai'neeta seueto'ot da lelaataxanaxac na nashillipi, chaqai 'ue na ñalliripi selaretac. Ca' quena' 'ue ñi sela', ca' eec. Chaqai no'm soỹaxana, ca chaqa'ma' anac. Chaqai ca ilaatec, no'm 'ue ca selarelec, ca chaqa'ma' ỹo'uet.

Hechos 2:46

Chaqai naua'que naua na'xata' lapootecta' cañi no'ueenaxanaxaqui quiyi Jerusalén, chaqai quenaua la'aate' nouanta'ta' quena' que'e 'xoic laỹaac chaqai ỹaatqajam hueetagui añi le'taxanata da neneequesenaxac.

Romanos 9:3

ma' ỹim ỹovire'ta sovira'a quiyim sahotaque quiyim aỹim ná'maq ỹo'da'guit ñi qota'olec, qaiyi qoỹoqo'ta nqai'en aỹim so Cristo, queta' chaqaido' dá'maq noviraxat ca la'maxa na ỹaqaỹaripi, quená'maq chi iuo' laseripi judioipi.

1 Corintios 2:3

Ca na' sentauguilo qamiri, sqaica ca iquesaxanaxa chaqai yi'loxolqachit da ỹoqolonaxa.

1 Corintios 7:22

Ma' cá'maq na'aco' na' qaroỹaxana quiyim huelec so qara'gaxala', ca' nagui ca ỹale qaỹosootec quiyim queetalec so'maxare. Ca chaqai 'nejem cá'maq se na'ac na' qaroỹaxana, ca nagui lotqai na'ac queso Cristo.

2 Corintios 1:12

Ca dá'maq ỹo'uet da qanetoonaxac 'neetasa': quiyim queda chi qano'ueenataxac sa'deenqata quiyim ña'maxatqata qolqatalec dá'maq ỹaatqajam leloxoỹaxac da na'qaatec na' ñaq salecqataugui ná'ogue na qomyipi quena 'laua, qam paguec na' salecqatauguilo qamiri. Ca' quedá'maq lqouagaxa ñi qota'a, ca qarotauantac quiyim shinqatari' dajo, qam dajo mesqai chicqaugui da chi qara'deenaxanaxa.

2 Corintios 7:15

Ca so'maxare paguec da lqo'iichi caqamiri quena' ỹo'lliinchi'chi qamiri, ma' 'viichiỹo' na'le cá'maq ỹahotaque, chaqai co'na' ỹovitalo qamiri, ca' quelolliỹa, ne'xorishiñita chaqai niñiiquishiñita.

Efesios 5:22

Ca' aca 'aalo se napacalec ca loua, 'neeta'gue nqai'en dá'maq 'neetari' queso qara'gaxala' Jesús.

Efesios 6:24

Ca' ñi qota'a ỹaanem ma'le ca no'uen llicyaxac cá'maq nqo'ta so qara'gaxala' Jesucristo quiyim se ỹoỹoota'a cá'maq lqo'iichi queso'maxare. Ajá'a, ca' chaqaida 'neeta dajo.

Filipenses 2:12

Ca' vichiguiño' qamiri ñauochaxaua' ỹaqaỹa', quiyim chaqaida 'ñiitari' quiyim se neme na'xaỹaxañii'ta aỹim quena' salequetauguilo qamiri, ca' nagui, ca paguec quet na'xaỹaxañii'ta aỹim mashic qoỹoqo'ta aỹim. Ca nquipichiỹa'pegue' da rca'laxahi, ca niñiiquishiñii chaqai richilliỹañi.

Filemón 1:16

Qam totqai 'neetari' ca ra'aqui', ta'ta'a quiyim paguec loyac queca na'ac, ta'ta'a quiyim nauochaxaua'e' rqaỹa'e'. Ỹim ỹaatqajam ỹoqo'itaxat, qam qami' paguec quet rqo'chita. Mesqaidaata quiyim 'neetari' ca ỹale, ta'ta'a quiyim 'neetari' ca rqaỹa'e' rpi'ỹaxaua'e' queso qara'gaxala'.

Josué 24:14

—Ca' vichiguiño' quedá'ogue dajo, ỹaatqajam ro'chiỹa ma'le ñi qara'gaxala', chaqai ỹaatqajam quiijlec. Ca' ỹaatqajam 'xañiñi na nqouagaxaintacot nqolaquipi so 'auaxaic qataa'illipi queda lahi yi Eufrates chaqai quiyi Egipto, ca' ỹaatqajam quiilec ñi qara'gaxala' qota'olec.

1 Pedro 3:2

quiyim iuana dá'maq ra'maqataxanaxaguii quiyim viilec ñi qota'a.