Efesios 6:24 - La'qaatqa ñi qota'olec Qota'olec & Qota'olec Novita Na Qomyipi

²⁴ Ca' ñi qota'a ỹaanem ma'le ca no'uen llicyaxac cá'maq nqo'ta so qara'gaxala' Jesucristo quiyim se ỹoỹoota'a cá'maq lqo'iichi queso'maxare. Ajá'a, ca' chaqaida 'neeta dajo.

Efesios 6:24 Iomraidhean Croise

Mateo 22:37

Ca' so Jesús 'naaco': —“Ỹaatqajam rqo'chita ñi ra'gaxalachi' qota'olec, machiro'ot añi re'taxanata'e', chaqai da nachaalataxaqui', chaqai da ra'deenataxanaxaqui'.”

Mateo 28:20

Chaqai paxaguiñigue quiyim huelec ná'ogue ná'maq sapaxaguinguelo qamiri. Chaqai 'yiiñita quiyim ỹim salequetauguilo qamiri quenaua'que naua na'xata', chi ỹovireta'a ca nqodoc. Ajá'a, ca' chaqaida 'neeta dajo.

Mateo 6:13

Chaqai se qarashiñitegue ca qane'guenaxac, ta'ta'a quiyim otaxañirelgoto qomi' queso na'ỹaapec. Ma' qatoiquenachiqui' dá'maq no'ueenataxanaxac, chaqai da nquesaxanaxa, chaqai da nauaq qaica lqodoc. Ajá'a, ca' chaqaida 'neeta dajo.

Romanos 2:7

Ca ñi'maxare ỹaanem da lca'laxa sqaica lqodoc ná'maq idaantaque da lquesaxanaxa chaqai qaimaqachin quená'maq sqaica lqodoc chicqo'ot ñi qota'a quiyim se neme ỹo'ueetetac na ỹa'maqachiguiñi.

2 Corintios 13:14

Chaqai coñiguit da lqouagaxa so qara'gaxala' Jesucristo, chaqai da le'xorenataxanaxa ñi qota'a, chaqai quiyim ỹalequetauguilo qamiri so Espíritu Santo. Ajá'a, ca' chaqaida 'neeta dajo.

2 Corintios 8:12

Ma' ca qom no'm lliqueta da lamiaqnaxac, ca' ñi qota'a nqo'ta aca lame, qam acá'maq nalootau'a. Ma' ñi'maxare se roỹaxantaque acá'maq se qanalou'a.

2 Corintios 8:8

Shinac dajo, qam se ilaataxanaxac. Ta'ta'a quiyim sahotaque 'yiiñii ca na'ñaaqataxac cá'maq riỹahi, qaiyi re'oq dá'maq re'xorenataxanaxahi ỹaatqajam 'chichiguiñi.

Efesios 6:23

Ca' ñí'maq qota'olec chaqai so qara'gaxala' Jesucristo ỹaanem na qarqaỹaripi da na'maxa chaqai da ne'xorenataxanaxa, liỹaata nqai'en da npi'ỹaxac.

Filipenses 1:1

Ỹim Pablo chaqai Timoteo qomi' lelaatqa so Jesucristo, seraxañi ana qarelaata, tai'a nqaishinaq ná'ogue na qarqaỹaripi chaqai na la'gaxalateripi chaqai ná'maq lotauaripi quená'maq neeta'ñi na na'a' lodegaxat Filipos, ná'maq lalamaxareteripi ñi qota'a chaqai na'deetau'a so Cristo Jesús.

Colosenses 4:18

Ca' ỹim Pablo chaqai shiriñi dá'maq iquinaxanaxac selatalo qamiri. 'Neeto' couahi'e quiyim aỹim ncoñiiteguesec. Ca' ñi qota'a ỹaanema qamiri cá'maq no'uen qayicyaxaguii. Ajá'a, ca' chaqaida 'neeta dajo.

2 Timoteo 4:22

Ñi qara'gaxala' Jesucristo ỹalequetauguilo qamiri, chaqai ñi qota'a ỹaanema qamiri da no'uen qayicyaxaguii. Ajá'a, ca' chaqaida 'neeta dajo.

Tito 2:7

Qam qami' qai'neeta chaxañi' dá'maq 'maxaraic na'qaataxaqui' quedá'ogue da ro'ueenataxanaxaqui'. Lamaxachite' ca 'xachi' quená'maq paxaguiñisac, sqai saguiriñisalec.

Tito 3:15

Ná'ogue ná'maq ñauequeta'pegue' qarqaỹaripi ilata qami' da liquinaxanaxac, chaqai da iquinaxanaxac quená'ogue na qanauochaxauaripi queda qarpi'ỹaxac. Ca' ñi qota'a ỹaanema qamiri dá'maq ỹaatqajam no'uen qayicyaxaguii. Ajá'a, ca' chaqaida 'neeta dajo.

Hebreos 13:25

Ca' ñi qota'a ỹaanema qamiri cá'maq no'uen qayicyaxaguii. Ajá'a, ca' chaqaida 'neeta dajo.