Efesios 6:19 - La'qaatqa ñi qota'olec Qota'olec & Qota'olec Novita Na Qomyipi

¹⁹ Chaqai nqouagaxaiñitalec aỹim qai'neeta, qaiyi ỹa'vii caua ỹa'qaatqa ñi qota'a ma' setaqa, qaiyi ra'ñiigui na iuel quiyim sa'xat dá'maq se re'xogui quedá'maq na'qaatec chicqaugui da nca'laxa.

Efesios 6:19 Iomraidhean Croise

Hechos 13:46

Qam so Pablo chaqai so Bernabé se no'chirelec da letaxaỹaxague', ca 'neraco': —Qam 'eco' paguec la'maxa quiyim sa'auaxanaxe' qamiri quiyim sa'xataq da la'qaatec ñi qota'a ma' qamiri judío lase'; qam sqai coñiguit, chaqai sqa 'maxariñii quiyim viriỹau'a yi nca'laxa sqaica lqodoc, ca' nagui, ca qolaqpegue' na mesqai judioipi.

Hechos 14:3

Ca' quedajo, ca' saua'maxare shi'gom neesa'anyi, se no'chiiralec da la'qaataxanaxague', ma' pi'ira'a ñi qara'gaxala'. Ma' ñi qara'gaxala' ỹachaxan quiyim llic da la'qaataxanaxague' saua'maxare ỹa'xatesac da le'xorenataxanaxa ñi qota'olec, qoỹaanema da lquesaxanaxa quiyim ỹo'ueete' na netanec chaqai na se qaiuanapega.

Hechos 18:26

So Apolos co'na' retaqa cañi lapoxoqui na judioipi ỹaatqajam qaica ca ỹouetaque. Qam aso Priscila chaqai so Aquila na'xaỹaxanta'pe. Ca co'na' ime da letaxaỹaxac, ca qaỹaueguec, ca ỹaatqajam qaichoxote'tem dá'maq 'neeta dá'maq ñicyaxac ỹachaxantac ñi qota'a.

Hechos 19:8

Ca quesaua'que saua tres shiriguiri so Pablo taatapegueu'a añi lapoxoqui na judioipi, ra'qaataxantac, qaica ca ỹouetaque. Chaqai retaqatapougui na qomyipi, ca ishit quiyim na qomyipi huelec da lo'ueenataxanaxac ñi qota'a ma' ỹoiquentac ná'ogue najo.

Hechos 2:4

Ca sá'ogue qano'xataxachichigui queso Espíritu Santo. Ca' quiyi, ca retaqa, ỹa'xate' naua ỹoqa'alo na'qaatqa, quecá'maq qoỹaanem ỹa'xat queso Espíritu.

Hechos 28:31

Ca ỹa'xatetac da lo'ueenataxanaxac ñi qota'a ma' ỹoiquentac ná'ogue najo, chaqai rapaxaguinataxanta'pegue so qara'gaxala' Jesucristo. Qam qaica ca quepaxat.

Hechos 4:13

Co'na' so nashillipi ỹa'den quiyim se no'chiiralec da letaxaỹaxague' so Pedro chaqai so Juan, chaqai retane' quiyim saua ỹale' sqai napaxaguinaxaqa chaqai saua'maxare chaqai qomi', ca 'ue da le'laqa'. Ca' qaỹa'deene' quiyim ỹalequesaugui na nauegaxauaripi so Jesús.

Hechos 4:29

Qam nagui qami' qara'gaxala' qota'olec, 'ajñi' da npa'guenaxague', ca' 'ỹaañitem ca la'ñaxague' lavilli' caua relaataxahi', qaiyi ma' ỹa'xate' naua ra'qaataxahi' qaica ca no'chiiraque,

Hechos 4:31

Ca co'na' ime da nqouagaxainaxague', ca' i'loxol ca neesa'ñi lapoota'ta'. Ca sá'ogue qano'xataxachichigui queso Espíritu Santo. Ca' qaica ca no'chiiraque ỹa'xatesac da la'qaatec ñi qota'olec.

Hechos 9:27

Qam so Bernabé ỹauego, ca ichoxotema saua lelaatqa so Jesús. Ca' ra'qaataxanema quecá'maq 'neeto' so Saulo co'na' iuana so qara'gaxala' Jesús queso nayic, chaqai dá'maq 'neeto' so qara'gaxala' na' retaxaỹa'pegue', chaqai dá'maq 'neeto' da letaxaỹaxac so Saulo quiyim ỹaatqajam qaica ca no'chaaque ỹa'xatetac da leenaxat so Jesús na' hueeta'ñi yi Damasco.

Hechos 9:29

Chaqai qaica ca no'chaaque quena' ỹa'xat da leenaxat so qara'gaxala'. Na'qaataxanta'pegue' chaqai retaqata'guit na judioipi ná'maq ỹa'xate' naua la'qaatqa na griego. Qam sojo qomyipi idaantaco' quen ca la'maqa' quiyim ỹalauat so Saulo.

Romanos 15:30

Ñi'xoresentouguilo qamiri ỹaqaỹa' queso qara'gaxala' Jesucristo chaqai queda ne'xorenataxanaxa chicqo'ot so Espíritu Santo ỹaanema qomi', quiyim yotauañii queda iloquiaxac, nqouagaxaiñitalec aỹim quiñi qota'a.

Romanos 16:25

Ca' nagui semaqachinqatac ñi qota'a ñí'maq ishit ỹa'ñaxat ca rpi'ỹaxaguii, nachiñi'chiguit nqai'en da na'qaatec chicqaugui da nca'laxa, dá'maq sa'xatetac quena' sapaxaguinataxanta'pegue queso qara'gaxala' Jesucristo. Ca' dajo nachiñi'chiguit dá'maq ỹahotaque ñi qota'a quiyim qara'deenaxanaxanegue dá'maq se re'xogui lo'ueenataxanaxac, dá'maq ỹa'maxat ỹoxotetañi na' saqa'leca na 'laua.

1 Corintios 1:5

Ma' na'yiitau'a so Cristo, ca' ñi qota'a ỹaanema qamiri ná'ogue na ỹoreta'oguit nesallaxa se re'xogui quena' ỹaanema qamiri da retaxaỹaxaguii chaqai da ra'deenaxanaxahi.

1 Corintios 2:7

Qaidaata dajo na'deenec sa'xatqatac, dá'maq se re'xogui chicqo'ot ñi qota'a. Da'maxare chaqaido' da ỹahotaque ñi'maxare na' saqa'leca na 'laua na' ỹahotaque da qarca'laxa sqaica lqodoc.

1 Corintios 4:1

Ca' nagui qomi' machiỹa'que chaqai qomi' notaanaxana' queso Cristo, qomi' qaipataxalgoto quiyim sapaxaguinataxanaxague da se re'xogui leloxoỹaxac chicqo'ot ñi qota'a.

2 Corintios 1:11

chaqai no'm qamiri qarotauañii nqouagaxaintalgoto qomi'. Chaqai no'm 'xoic ca qom nqouagaxaintalgoto qomi', ca 'xoic ma'le ca ỹaanshiguim ma'le ca na'aachic quiñi qota'a queda lqouagaxa coqomi'.

2 Corintios 3:12

Ma' mashic 'ue da qanaquitaxac, ca' vichiguiño' ỹaatqajam se qaro'chaañi quedá'maq sa'xatqatac.

2 Corintios 6:11

Qamiri ỹaqaỹarolqa ñiỹa'ñi na Corinto, quena' 'ue sa'xataq caqamiri ỹaatqajam qaica ca soxotqategueñi, ma' sa'xatqata ná'ogue ná'maq hueetagui añi qare'taxanata.

2 Corintios 7:4

Ỹaatqajam 'xoic da ñaquitaxac chaqai da ñitoonaxac caqamiri. Quená'ogue ná'maq qare'xorico, qam ỹaatqajam 'ue da qana'ñaaqataxac chaqai 'xoic da qanetoonaxac.

2 Corintios 8:7

Ma' qamiri qaica nqalañigui quená'ogue: queda rpi'ỹaxaguii, queda ra'maxahi quiyim paxaguinataxañii, chaqai 'ue da ra'deenaxanaxahi, chaqai da na'ñaaqataxaguii, queda re'xorenataxanaxahi coqomi'. Ca' vichiguiño' paguiỹauec quet queda 'ñiitari' queda re'naxanaxariguii.

Efesios 1:9

chaqai ỹa'deenaxanaxanque qomi' dá'maq ỹahotaque ỹo'uet se re'xogui, dá'maq chaqaiñi ñi'maxare ỹahotaque quiyim ipaquichigui nqai'en.

Efesios 3:9

Ca' ñi qota'a ỹamaxailec quiyim sa'deenaxanaxanegue ná'ogue na qom dá'ogue dá'maq leloxoỹaxac dá'maq se re'xogui shi'co' nallaaqo' qoỹoxotetañi quiñi qota'a, ñí'maq ỹo'ueetac nanchaqaina.

Colosenses 2:2

Ca' 'ue da iloquiaxac, ma' sahotaque quiyim ra'ñiiguilo na lauele', ca neconta' queda ne'xorenataxanaxa, chi ỹovireta'a qaica ca ỹouen nalogoñi da lpi'ỹaxac chicqochigui da la'deenaxanaxa, quiyim ỹa'yiinchigui dá'maq se re'xogui ỹachaxantac ñi qota'a, ca' chaqaiso so Cristo.

Colosenses 4:3

Chaqai qai'neeta nqouagaxaiñitalgoto qomi', qaiyi ñi qara'gaxala' ỹo'uet quiyim qaica quepaxate' qomi' quiyim sa'xataq da na'qaatec, dá'maq se qaiuanapega na'le na'qaataxac so Cristo, ma' chaqaida dá'maq 'em ỹim ncoñiiteguesec nagui.

1 Tesalonicenses 2:2

'Nesa ma' na' seuqata'ñi yi na'a' Filipos ỹaatqajam 'xoic da qanishiuenaxac, chaqai qaỹouaxanta'pe qomi', qam da'maxare mashic shi'gue 'yiiñita. Qam na' ñovitaxalo qamiri, ca' ñi qota'a qarotauan quiyim ra'ñiiguilo nqai'ne' naua qovilli' quiyim sa'xatqatapeguema qamiri dá'maq na'qaatec chicqaugui da nca'laxa chicqo'ot ñi qota'a. 'Eno'm seuqataugui ná'maq 'xoic qanpa'guenaxac.

1 Tesalonicenses 5:25

Qamiri qarqaỹa', nqouagaxaiñitalgoto qomi'.

2 Tesalonicenses 3:1

Ca dá'maq pa'aatec qara'qaatec caqamiri qarqaỹa' quiyim qouagaxaiñitalgoto qomi', qaiyi da la'qaatec so qara'gaxala' sqaỹaloq ỹovire'oga ná'ogue na qomyipi quiyim imaqachin icoñiguit, qaican ỹapaguec na'le caqamiri.

1 Timoteo 3:16

Ca' sqaica ỹoqolliguit dá'maq se re'xogui leloxoỹaxac dá'maq seuaxalec ỹaatqajam chalego lecaic: Ñi qota'a na' nachaxan, qam ỹaatqajam chaqaida dá'maq re'qoochigui no'ueenataxac na qom; dá'maq shi'gue ỹa'xat so Espíritu Santo quiyim só'maq ỹaatqajam no'uen ỹale, chaqai qaiuanchigui quená'ogue na chicqashiguim qota'a lelaatqaipi. Chaqai qaỹa'xatem ná'ogue na ỹoreta'oguit qomyipi, chaqai 'ue na huelec quená'ogue na 'laua, chaqai qaicoñi'chiguit queda piguim.

Filemón 1:22

Chaqai chaqa'ma' qatqajañisari' ca ilaqsoqo', ma' sqoue sqaỹaloq sovita qami'. No'm qaicoñiguit ca nqouagaxainaxaguii, ca' ñi qota'a ỹo'uet quiyim ñauañiguita qamiri.

Hebreos 13:18

Nqouagaxaiñitalgoto qomi', ma' qomi' qaica quet cá'maq huapigui qouel, ma' sahoqotaque quiyim ña'maxatqata quená'ogue.