Efesios 6:11 - La'qaatqa ñi qota'olec Qota'olec & Qota'olec Novita Na Qomyipi

¹¹ Quepaqataxañiỹalo naua'que nauá'maq ro'goxonqachiri ỹaanema qamiri ñi qota'a, qaiyi ralohita'pegue' na layinaxanaxaquipi so na'ỹaapec.

Efesios 6:11 Iomraidhean Croise

Nehemías 4:13

Ca' ỹim shinapega so iỹaripi quiyim quiñi 'óna chi nauaantalec, reloqota'a cá'maq chi lauo' le'ec hueeto'ot na lahi so napoxonaxat pa'aataho, chaqai na pa'a'nquira quenaua lauaco, ỹahote'e na lecachipi, laquillipi chaqai na lo'xoshiquipi.

Marcos 13:22

Ma' 'xoic ná'maq anac ma'le 'maatqaiquipi, 'naac ma'le chaqaina ná'maq nashi nca'laxaqui loqo'm 'ec letaxaỹaxanqajnec ñi qota'a. Ma' na'maxare ishit ỹo'uet na netanqaipi chaqai ná'maq se qaiuanapega, sha'apiguito' quiyim ỹayin ná'maq shi'gue lca'acseripi ñi qota'olec.

Romanos 13:12

Ma' nagui, ca 'eco' mashic ỹoxo'ogue na pe, ca tot qoỹoxoguit ca na'xa'a. Ca vichiguiño' 'maxaraic saxanqaiñi naua qaỹo'ueeteta'pe quen quena napalaxa, ca sanqaiñi naua qaro'goxonqate', shinqata ca neetaho quena nouaataxanaq queetagui yi na'xa'a.

Romanos 13:14

Ta'ta'a quiyim ỹaatqajam 'goxoñiỹa so qara'gaxala' Jesucristo, chaqai totqai 'yiiñiỹapega quiyim quiitalec na se no'uen lamaanaxanqachic na roshicmaxahi.

1 Corintios 10:13

Da ne'guenaxaguii novitalo qamiri, da'maxare ỹaatqajam 'nejem da ne'guenaxac ná'ogue na liỹaripi. Qam qamiri lama'xa pi'iỹa'a ñi qota'a ma' ñi'maxare se ỹasene'tema qamiri quiyim paguec ca ne'guenaxaguii quecá'maq tot ralohiguit. Chaqaidaata quiyim novi' ca ne'guenaxaguii, ca ñi'maxare ỹa'ue ca la'maqa' quiyim qarayichii, qaiyi ralohita'piguit.

2 Corintios 10:4

Ma' nauá'maq qaro'goxonqate' sqai huerelec najo 'laua, ma' hueetagui da lquesaxanaxa ñi qota'a quiyim iuagaxatac canchaqaica nquesaxanaxa.

2 Corintios 11:3

Qam quedá'maq 'ne'teco' na'le da lco'ỹaxaric so nanaic na' ỹachiguiñi aso Eva, ca 'eco' 'ue da ỹoqolonaxa ma' sqoue quiyim 'ue ca ỹachi'iñi qamiri qai'neeta. Ca ỹashaxanec da ra'deenataxanaxaguii, ca ỹoỹoote'ogalo qamiri quiyim sqai viilec so Cristo.

2 Corintios 2:11

qaiyi so na'ỹaapec qaica ca lligo coqomi', ma' sa'deenqachiguilo naua'que naua lco'ỹaxarico.

2 Corintios 4:4

Ma' so na'ỹaapec se neuanñi nqai'en da la'deenataxanaxac, ca' sqai huelec, qaiyi se iuana da lauaq dá'maq ỹaatqajam no'uen na'qaatec re'oq nqai'en da lauaq so Cristo, ma' chaqaiso só'maq lqui'i nca'leetauec ñi qota'a.

2 Corintios 6:7

chaqai dá'maq qara'qaataxanaxac quedá'maq ỹaatqajam lliqueta na'qaatec, chaqai quedá'maq lquesaxanaxa ñi qota'a coqomi'. Chaqai so'goxonaxalo naua lo'goxonqate' dá'maq no'uen chaalataxac, quiyim squepaqataxanaxalo, loqo'm quiyim so'goxonaxalo.

Efesios 4:14

Ca' totqai 'ec qomi' ñaalqolqai' quiyim chaqa'ma' ỹashaxanec ca la'deenataxanaxac, ca 'ec qaỹamaqata queca nonot quecanchaqai dalaxaic napaxaguinataxanaxac, vire'to' ma' qanaqajñi quená'maq 'ue da lco'ỹaxaric qomyipi ma' ỹahotaque so'maqac.

Efesios 4:24

ca' ñiiñi dá'maq dalaxaic chaalataxac dá'maq ỹaatqajam chicqochigui da lo'ueenataxanaxac ñi qota'a, dá'maq ichoxot dá'maq ỹaatqajam 'maxaraic 'ueenataxac chaqai co'teeta.

Efesios 6:13

Ca vichiguiño' chaqa'ma' ñiiñi naua'que nauá'maq nquepaqataxanqate' quena roshicmaxahi ỹaanema qamiri ñi qota'a, qaiyi shichii nachaachiỹa'guit ca se no'uen ma' novi' quecajo na'xa'a. Ca ma' ime 'ñii'tegue dajo, ca na'ñaxachiñi.

Colosenses 3:10

Chaqai mashic ñiiñi dá'maq dalaxaic 'ueenataxac, ca noquiiquetashiguim da nadalqataxac, chi ỹovireta'a quiyim 'nejem da no'ueenataxac ñi qota'a ma' chaqaiñi ñí'maq ỹo'uet, chi ỹovireta'a quiyim ỹaatqajam qaỹa'deenta ñi'maxare.

1 Tesalonicenses 5:8

Qam qomi' ma' seuqataugui yi na'xa'a, ca' ỹaatqajam sa'maxatqa'tegue da qoyicyaxac, ca' squepaqataxanaxa da qarpi'ỹaxac chaqai da qare'xorenataxanaxa, shinqatari' ca neetaho quena nouaataxanaq quena' ỹanñi aca lquepaqataxanqate cana lotogue. Chaqai ỹaatqajam 'ue da qanaquitaxac queca nca'laxa, ma' 'nejem aca do'o lauataxaqui quena' ỹanñi ca nouaataxanaq le'ec.

Hebreos 7:25

Vichiguiño' ishit quiyim qaica lqodoc nqai'en da lca'laxa ná'maq ỹachigoxochichigui so'maxare quiyim nqo'neu'a ñi qota'a, ma' so'maxare tot ileu, ca rashiilaxanlec quiñi qota'a na'maxare.

Santiago 4:7

Ca' vichiguiño' ỹaatqajam nañaañiỹot ñi qota'a, ca ỹaatqajam na'ñaxachiiguit so na'ỹaapec, ca' so'maxare 'eetapeguema ma'le qamiri.

1 Pedro 5:8

Chaqai ỹaatqajam na'deenaxanqachiñii chaqai nelohitec, ma' so npa'guenaxauahi na'ỹaapec ronoqota'pegue', 'neetari' meca sauaxaic leta'a idaantaque quiyim 'ue ca loxonec.

Judas 1:24

Ñí'maq qota'olec qaiñiita chaqai qaica 'nejem da la'deenaxanaxa, ñí'maq qarca'laxaqui, 'ue da lquesaxanaxa quiyim cochiỹalo qamiri, qaiyi qaica ca huaañi. Qaca aca lete nqai'ne' qamiri, ca 'xoic ca netoonaxaguii nqai'en, ma' nachaalataxana'alo qamiri yí'maq chalego lauaq hueete'e ñi'maxare. Ca' ñi'maxare chaqai 'neetari' se neme da lauaq, da lecaic, da lquesaxanaxa, chaqai quiyim 'ue nqai 'negue nqohin ñi'maxare, chicqochigui so qara'gaxala' Jesucristo, chicqotañi nallaaqo', chaqai nagui, chaqai sqaica lqodoc. Ajá'a, ca' chaqaida 'neeta dajo.

Apocalipsis 12:9

Ca' chaqaida dá'maq 'neeto' na'le na' qaỹo'daauec so isecỹac chalego lecaic. Ca so'maxare chaqaiso' só'maq ñaauapec 'ec nanaic leenaxat Satanás chaqai na'ỹaapec, só'maq ỹayintaco' quen ná'ogue na ỹoreta'oguit qomyipi hueetalec ana 'laua. Ca so na'ỹaapec chaqai so lelaatqaipi qaỹo'daauec, taalec nqohin na 'laua.

Apocalipsis 19:20

Ca' so isecỹac lodegaxat qaicoñi', liỹaatau'e' só'maq 'naaco' quen letaxaỹaxaqui ñi qota'a, só'maq qaiuanchiquio' quen nqai'en quena' ỹo'uet na netanqaipi se qaiuanapega. Ca' quedajo netanqaipi chicqochigui quiyim ỹayin ná'maq nañaañiguit so isecỹac lodegaxat quiyim ỹa'ue ca letanec so'maxare chaqai quiyim imaqachin so nadenqatec lqui'i. Ca só'maq isecỹac lodegaxat chaqai só'maq 'naaco' quen letaxaỹaxaqui ñi qota'a, saua'que nca'leesauec qainaxariñigui ca norec lavigaxat na quiquiaxaic.

Apocalipsis 2:24

Qam ná'maq liỹaripi neeta'ñi na Tiatira caqamiri quená'maq sqai que'uegue najo napaxaguinataxanaxaquipi chaqai se ỹa'den ná'maq qohinac se re'xogui lo'ueenataxanaxac so na'ỹaapec, ca' ỹim shinac caqamiri quiyim qaica quet cá'maq liỹa senaxalgoto qamiri.