Efesios 6:10 - La'qaatqa ñi qota'olec Qota'olec & Qota'olec Novita Na Qomyipi

¹⁰ Ca' nagui qamiri ỹaqaỹa', na'ñaxachiỹo', ma' mashic na'yiitau'a so qara'gaxala' quiyim chicqochigui da rquesaxanaxahi dá'maq chalego lquesaxanaxa so'maxare.

Efesios 6:10 Iomraidhean Croise

Isaías 40:28

¿Mashic 'eco' sqa 'yiiñi'? ¿Se ỹauano' quen 'qa'ita? Ñi qara'gaxala', ñí'maq qota'olec sqaica lqodoc, ñí'maq ỹo'uet ná'ogue na 'laua, se nco'teuec chaqai se isot; da la'deenec sqaica lqodoc.

Isaías 40:31

qam ná'maq pi'ỹa'a ñi qara'gaxala' se neme da lquesaxanaxa chaqai ishit ỹo 'ec ca chirálo; ishit ne'guenta, qam se nco'teuec, chaqai 'xoic da louoxoc, qam se isot.

Hageo 2:4

¡Qam na'ñaxachi', qami' Zorobabel! Chaqai ¡na'ñaxachi', qami' Josué, ma' qami' lashi na netaxaỹaxanqajanqaipi! Chaqai na'ñaxachii qamiá'ogue qamiri qomyipi ñiitalec najo 'laua. 'Ueenataxañii, ma' ỹim salequetauguilo qamiri. Ỹim na'gaxala' sqaica lqalanec, se'taxajñi da ỹa'qaatec.

1 Corintios 16:13

Ỹaatqajam nelohitec, chaqai na'ñaxachii'tegue da rpi'ỹaxaguii. Na'maxachita, 'ñiitari' ca ỹale quesaxanaxaic.

2 Corintios 13:11

Qamiri ỹaqaỹa', nagui, ca' qaidaata quiyim no'uen ca qayicyaxaguii. Ỹaatqajam daañiỹaque ca la'maxa da chaalataxac, ỹa'maqachigui nqai'ñii na qavillii, niñiiquishiñitecta' queda ra'maxahi. Ca ñi qota'a chicqo'ot da na'maxa chaqai da ne'xorenataxanaxa hueetauguilo ma'le qamiri.

Efesios 1:19

chaqai chalego lecaic chaqai sqaica ca lqodoc da lquesaxanaxa dá'maq ro'ueenataxantac coqomi' ma' seuaqlec ñi'maxare. Ca' dajo nquesaxanaxa chaqaidaata dá'maq ỹachaxantac ñi qota'a qaica nqai 'nejem nqai'en da lquesaxanaxa,

Efesios 3:16

Chaqai sashiilatac ñi qota'a quedá'maq chalego lecaic lesallaxa quiyim ỹaanema qamiri ca na'ñaxac chaqai ca nquesaxanaxa hueetauguilo nqai'ne' qamiri, chicqochigui nqai'en so ne'Espíritu,

Filipenses 3:1

Ca' nagui qamiri ỹaqaỹarolqa, netooñita'gue so qara'gaxala'. Chaqai se se'miaqta'a quiyim liỹa shiriñi dá'maq shi'gue shiriñi, ma' 'xoic da lovic caqamiri.

Filipenses 4:13

Seshit ña'ñaxachiguit ná'ogue, ma' Cristo só'maq ỹa'ue da iquesaxanaxa.

Filipenses 4:8

Qamiri ỹaqaỹa', dá'maq co'uaataxanta ỹaqataxac 'neetasa': ỹaatqajam ỹajñita ca leloxoỹaxac cá'maq lliqueta, chaqai ná'ogue ná'maq 'ue ca 'negue nqohin, chaqai cá'maq no'uen ñicyaxac, chaqai ná'maq qaica ca lalegue', chaqai ná'ogue ná'maq qaỹa'maxarenta, chaqai ná'maq no'uen ca na'qaataxac. 'Yiiñitapega ná'ogue ná'maq no'uen chaqai taiguit quiyim qaimaqachin.

Colosenses 1:11

Chaqai sashiilqatac ñi'maxare quiyim ra'ñichiriñi nqai'ne' qamiri quedá'maq chalego lecaic lquesaxanaxa, qaiyi shichii na'ñaxachiguit ná'ogue quiyim 'xoic da reualaxaviguii chaqai da netoonaxaguii,

2 Timoteo 2:1

Qam qami' ỹaalec, coñichiguit da rquesaxanaxa'e' queda qanqouagaxa dá'maq qomi' qoỹaanema ma' ña'daqatau'a so Cristo Jesús.

2 Timoteo 4:17

Qalaxam ñi qara'gaxala' Jesús yotauan, ca ỹo'uet ca ỹa'ñaxac quiyim yipaquejlec quiyim sa'xat da na'qaatec chicqaugui da nca'laxa, qaiyi 'xaỹa dajo ná'ogue ná'maq sqai judioipi. Ca' chaqaida 'neeta quiyim so qara'gaxala' nca'laxatec aỹim quesó'maq toxonaxai.

Josué 1:9

Ỹim ná'maq selachi' quiyim na'ñaxachi' chaqai se ileuapigui qavilli'. Se ro'chi'i' chaqai se reualliriñi, ma' ỹim ra'gaxalachi' qota'olec caqami', ca ỹim ñauequeta'pegue' qami' quecanchaqa 'itegue.

1 Pedro 3:8

Ca' chaqaida 'ñiitari' quiyim ne'xoriñiỹata', chaqai quiñi 'óna nqouaguegue ca liỹa. Chaqai ỹaatqajam qamiri 'xorenataxanaxaiqa quecanchaqaica qom, 'ñiita'gue ca rqaỹahi. Niñiiquishiñitecta', qaica ca napacqajan.

1 Pedro 4:11

No'm 'ue ca retaqa, ca' caua la'qaatqa 'neete'm caua la'qaatqa ñi qota'a. Chaqai no'm 'ue ca qoỹaanem ca lo'ueenataxanaxac, ca ỹo'uet, qam ỹahote'e dá'maq lquesaxanaxa qoỹaanem quiñi qota'a. Chaqai quená'ogue ná'maq qaỹo'uet tai'a nqohin quiyim qaimaqachin ñi qota'a chicqochigui so Jesucristo. Ma' sqaica lqodoc da lauaq chaqai da lquesaxanaxa ñi qota'a. Ajá'a, chaqaida 'neeta dajo.

1 Pedro 5:10

Qam ma' ime quiyim cocho'qui' viriỹa'guit dajo ne'xoric, ca' ñi qota'a nachiñiñi nqai'ne' qamiri, ra'ñichiriñi, quesaxanaxaqa, qaica ỹayogote' qamiri. Chaqaiñi ñi qota'a ñí'maq ỹaanema qomi' dá'ogue da lqouagaxa chaqai roỹaxanalo qomi' quiyim ñouanqau'a da lauaq sqaica lqodoc quiyim ña'daqatau'a so Jesucristo.

1 Juan 2:14

Shiriñi dajo caqamiri qo'xoiqa, ma' viriỹau'a quiyim huañiỹa só'maq shi'co' 'ue na' saqa'leca na 'laua. Chaqai qai'neeta shiriñi dajo caqamiri ne'naqa, ma' qamiri quesaxanaxaqa, chaqai mashic coñiguit da la'qaatec ñi qota'a cañi re'taxanatahi, chaqai mashic qadoxoñiguii so na'ỹaapec.