Efesios 6:1 - La'qaatqa ñi qota'olec Qota'olec & Qota'olec Novita Na Qomyipi

¹ Chaqai qamiri ñaaqaipioqui', dá'maq 'neeta ma' mashic coñiguit da na'qaatec, ca na'xaỹaxañiỹalo naua qata'allii, ma' dajo dá'maq ỹaatqajam no'uen.

Efesios 6:1 Iomraidhean Croise

Génesis 28:7

chaqai quiyim so Jacob taigue nqohin da Padan-aram, ca' chaqaida nqai'en dá'maq qohinapega quesaua leta'al.

Génesis 37:13

Co'na'le, ca' so Israel 'naaco' queso José: —Caua rqaỹachi' hueesa'gue da Siquem reloqosa'a ca qagretaipi. Ca' ỹim sahotaque quirepegueto 'ajnaxañitalo. —Ajá'a, hua', ỹim shico' —'naaco' so José.

Génesis 48:12

Ca' so José naqata'alo saua ñaaqolqai' quenaua loteletari so leta'a. Ca' ỹa'dooto naua le'cootal, ỹoviraqta'guit na latap na 'laua.

Génesis 50:12

Ca' saua llaalqa so Jacob ipacqajanchirigui dá'maq ỹahotaque so leta'a'.

Ester 2:20

Ca' aso Ester ỹaatqajam queetalec da laqataxac na'le so Mardoqueo, 'ec nqai'en quiyim ñaqai neeto'ot, quiyim aso'maxare se ỹa'xat cá'maq lalamaxaret lauo' laseripi.

Salmos 19:8

Naua lelaataxanaxaco ñi qara'gaxala' ỹaatqajam 'maxaraqa, ma' ỹo'ueete' da netoonaxac añi ne'taxanata. Da laqataxac ñi qara'gaxala' ỹaatqajam co'teeta, chaqai neloxotec yi na'deenataxanaxac.

Proverbios 1:8

Qami' ỹaalcolec, na'xaỹaxañitalo naua lapaxaguinataxanaxaco najo qataa'i', chaqai sqa 'laxachite naua lapaxaguinataxanaxaco añi qachii'i',

Proverbios 23:22

Na'xaỹaxañita ca qataa'i' ma' qami' lo'ueenatec; 'neeto' se rqo'chita aca qachii'i' ma' qo'xoỹom.

Proverbios 30:17

Cá'maq se nqo'ta ca leta'a quiyim ra'iito'ot chaqai ca i'neetac aca late'e quiyim qo'xoỹom, paguec la'maxa quiyim qaỹa'gue' naua nqote' queca ratecsan chaqai qaỹa'ic queca o'ic.

Levítico 19:3

Quiñi 'óna se napacqajan queca leta'a chaqai caca late'e. Se napaguiỹalgoto qai'neeta naua na'xata' ñco'mataxaqui'. Ma' ỹim ná'maq ỹim na'gaxala', ỹim qota'olec caqamiri.

Lucas 2:51

Hua'ñiyi, ca pil so'maxare, queuguilo saua leta'al, taategue da Nazaret. Ca' so'maxare queetalec quiyim na'xaỹaxane'talo saua leta'al. Qam aso late'e ỹaatqajam ỹa'maxat cañi le'taxanata dá'ogue dajo.

Romanos 12:2

Totaxan quiita'pegue' da no'ueenataxac ná'maq hueetalec na 'laua; ta'ta'a quiyim dalaxachii' naua ra'deenataxanaxagohi, qaiyi dalaxaic dá'ogue da nachaalataxaguii, qaiyi 'yiiñii dá'maq ỹahotaque ñi qota'olec, 'neetasa': cá'maq ỹa'maqachiguiñi, chaqai cá'maq ỹa'maxarenta ñi'maxare, chaqai cá'maq 'maxaraic naloochiguiñi.

Romanos 16:2

quiyim qaicoñi'chiguit, ma' ca'maxare ỹaatqajam lalamaxarete so qara'gaxala'. 'Nejem nqai'ñii ca 'neeta ca nqaỹaripi quiyim icoñiguit ca lpi'ỹaxaua. Chaqai tauañii quecanchaqaica ỹouen, ma' ca'maxare 'xoic na ỹotauan, chaqai aỹim qai'neeta yotauan quen.

Romanos 7:12

Ca vichiguiño' dá'maq naqataxaquipi chicqo'ot ñi qota'a, ca' queca 'óna naqataxac 'maxaraic chaqai lo'yaxanec.

1 Corintios 15:58

Ca' vichiguiño' qamiri ñauochaxaua' ỹaqaỹa', sqaico' ca nqovilliguiỹaque, ỹaatqajam quiito'ot 'viichitac da lo'ueenataxanaxac so qara'gaxala'. Ma' qamiri 'yiiñita da ro'ueenataxanaxaguii quiyim 'ueenataxañitacot so'maxare, ma'le ỹaatqajam 'ue ca 'negue.

Deuteronomio 21:18

No'm 'ue ca qom 'ue ca llaalec se na'xaỹaxan chaqai taxaỹaxai quiyim ỹaatqajam se na'xaỹaxanalo caua leta'al, ỹovire'ta quiyim qaỹouaxan, qam qaiyiita se na'xaỹaxan,

1 Timoteo 5:4

Qam no'm aca pa'ỹe 'ue ca llaalec loqo'm laual, ca' caua'maxare ỹa'auaxane' idaandelec da chi no'ueenataxague', chaqai quiyim ỹotauane' ca chi lauote' le'ec, ỹo'leenta'a dá'maq notauanaxac quecaua leta'al, ma' dá'maq dajo dá'maq ỹaatqajam no'uen chaqai nqo'ta ñi qota'a.

1 Pedro 2:13

Ma' mashic viilec so qara'gaxala', ca se napaguiỹalec ná'ogue na ỹanashiguim na qomyipi quiyim lashillipi, paguec cá'maq lashi na nashillipi ma' paguec lecaic yi loma',

Rut 3:5

Ca' aso Rut 'naaco': —Ajá'a, ỹim shine'tegue ma'le dá'ogue dá'maq 'ñirapiguiỹa'.

1 Samuel 17:20

Ca' queso liỹa nete'e, ca' so David no'teetashiguim, ca ỹa'ue so neloxoỹaq caso qagreta, ca' eec, i'xat sá'ogue só'maq na'ic qoỹaanem queso leta'a Isaí. Ca co'na' ỹovita so co'matqa', ca' so ỹalliripi mashic ỹa'maxañi, eec, ỹaualqatagui quiyim nalauat.