Efesios 5:9 - La'qaatqa ñi qota'olec Qota'olec & Qota'olec Novita Na Qomyipi

⁹ Ma' na lauaq chaqaina ná'maq chicqochigui da ne'xorenataxanaxa, chaqai da lliqueta, chaqai dá'maq co'teeta chaalataxac.

Efesios 5:9 Iomraidhean Croise

Mateo 3:8

Na'maxachita, re'qoota nqai'ñii da no'ueenataxaguii quiyim mashic 'xañiñi naua ranataxahi se no'viiñi.

Juan 1:47

Ca co'na' so Jesús iuañi'chiguit so Natanael tot qoỹoxoguit, ca 'naaco': —'Ena ná'maq ỹaatqajam llic llaalec so Israel, na'maxare sqai 'maatqaic.

Romanos 15:14

Qamiri ỹaqaỹarolqa, ỹaatqajam 'chichiguiñi nqaishin quiyim no'qaachiguilo qamiri queda nqouagaxa chaqai queda na'deenaxanaxa, chaqai quiyim 'yiiñii qachiỹa ca riỹahi.

Romanos 2:4

Ca ¿peeta'a liỹoqoira'piguit da sqaica lqodoc lqouagaxa chaqai da leualaxavic ñi qota'a, qam se retañi' quiyim chaqaida dajo nqouagaxa ỹahotaque quiyim netogochigui na qavilli'?

Efesios 4:15

Ta'ta'a quiyim sa'xatqatac ca lliqueta quedá'maq leloxoỹaxac ca ne'xorenataxanaxa, qolqatalec quiyim ñaqtetauec ná'ogue nanchaqaina quiyim ña'daqatau'a so Cristo ma' chaqaiso só'maq lqahic na noshicmaxa, qam sojo noshicmaxa chaqainaua nauá'maq qomi'.

Efesios 4:25

Ca' vichiguiño' nagui 'xañiñi ca na'majnaxaguii. Ca' quiñi 'óna ỹaatqajam lliqueta cá'maq ỹa'xat queca liỹa, ma' qomá'ogue 'ec ña'daqatau'a so 'oonoqui' noshicmaxa.

Efesios 6:14

Ca' ỹaatqajam na'ñaxachichiguiñi, 'ec nosaachitagui dá'maq lliqueta, chaqai quepaqataxañiỹa da 'maxaraic 'ueenataxac, 'nejem nqai'en aca lquepaqataxanqate cana lotogue ca neetaho quena nouaataxanaq.

Filipenses 1:11

Qaiyi so Jesucristo no'xataxachichigui ma'le da nachaalataxaguii quedá'maq 'maxaraic 'ueenataxac, qaiyi qaimaqachin dá'maq lecaic ñi qota'a.

Colosenses 3:18

Qamiri 'aallipi ma' mashic o'ñii, ca ỹaatqajam na'xaỹaxañii'ta ca rouahi, ma' chaqaida dajo dá'maq no'ueenataxac cá'maq mashic huelec so qara'gaxala'.

1 Timoteo 6:11

Qam qami', ma' mashic qami' lelaatec ñi qota'a, ỹaatqajam 'iichirapeguem ná'ogue na se no'uen. Quiisalco' quiyim na'maxachite' quiyim quirelec ñi qota'a queda npi'ỹaxac, ne'xorenataxanaxa, neualaxavic chaqai da neequesenaxac.

Hebreos 1:8

Qam quesó'maq llaalec, ca 'naaco': Añi nqa'xanaxagui'i' quiyim qami' qota'a, ñi'maxare qaica ca lqodoc; chaqai da ro'ueenataxanaxaqui' quiyim qami' nashi, ỹaatqajam ỹa'maqachiguiñi.

Hebreos 11:33

Sá'ogue so'maxare chicqochigui da lpi'ỹaxac quiyim 'ue na loxonec naqajñi 'lauaripi, chaqai 'maxaraic da lo'ueenataxanaxac quiyim nashi, chaqai icoñiguit da ỹachaxantac lotaanaxanaxac ñi qota'a, ỹapogui na lap na sauaxaic leta'allipi,

1 Juan 2:29

Ma' mashic 'yiiñii quiyim so Jesucristo ỹo'uet ca ỹa'maqachiguiñi, chaqai qai'neeta 'yiiñii quiyim ná'ogue ná'maq ỹo'ueetetac na ỹa'maqachiguiñi ỹaatqajam llaalqaipi ñi qota'a.

3 Juan 1:11

Qami' ñauochaxaua ỹaqaỹa, 'neeto' lotqai quire'uegue da se no'uen 'ueenataxac. Ta'ta'a dá'maq ỹaatqajam no'uen. Cá'maq ỹo'uet ca ỹa'maqachiguiñi, ca'maxare lalamaxaret ñi qota'a, qam cá'maq ỹo'uet ca se no'uen, ca' se iuana ñi qota'a.