Efesios 5:8 - La'qaatqa ñi qota'olec Qota'olec & Qota'olec Novita Na Qomyipi

⁸ Ma' quesom qamiri viitaugui na napalaxa, qam nagui ma' mashic na'yiitau'a so Cristo, ca viitaugui na lauaq. Ca na'maxachita 'ñiitari' ca qom hueetaugui na lauaq.

Efesios 5:8 Iomraidhean Croise

Salmos 74:20

¡Ñaqai o'lliinchira'a da qana'deenaxac, ma' mashic tot na'maxajta' na qom quenaua'que naua lahil na 'laua!

Isaías 49:6

'neetasa' da la'qaatec: Mesqai nodaachiguiñi quiyim qami' ilaatec quiyim qaidaata rapilaxachi' na llaalqaipi so llaalqaipi so Jacob chaqai quiyim rapilaxachi' na ca'laaxaiquipi quena'maxare; qai'neeta ỹim so'uet quiyim qami' lcoỹeraxanaxat ná'ogue na ỹoreta'oguit qomyipi, qaiyi 'xachisac da ica'laqataxanaxac quenaua paguec qoỹoqo'teguelo lahil na 'laua.

Isaías 49:9

ca' qohinac quena ncoñiitecseripi: Shi'gue qarosoiuec, chaqai qohinapega ná'maq hueetaugui na napalaxa: Nenoxoñiu'ga na re'qojlec. Quenaua'que naua lahil naua nayico 'ue na 'uaqapi, chaqai quecanchaqaica 'laua qaica qom 'ue na loq na qalohipi.

Isaías 9:2

So qomyipi queetapougui na'le na napalaxa iuana so chalego lecaic lauaq; so chalego lauaq taalec só'maq queetapougui na napalaxa.

Mateo 3:8

Na'maxachita, re'qoota nqai'ñii da no'ueenataxaguii quiyim mashic 'xañiñi naua ranataxahi se no'viiñi.

Mateo 4:16

Ná'maq qomyipi hueetapougui na napalaxa, iuana aso chalego lecaic 'eco' ncoỹeraxanaxaqui. Chaqai ná'maq hueeto'ot na la'al da nelauaxa, ca' qaicoỹarelec caso 'ec ncoỹeraxanaxaqui.

Lucas 1:79

qaiyi coỹarelec cá'maq hueetaugui na napalaxa chaqai ca hueeto'ot ca la'al da nelauaxa, chaqai quiyim ỹachaxanalo qomi' ca llicyaxac ca neuagaxa.

Lucas 16:8

Ca' so na'co' retan so se no'uen lelaatec, quiyim so'maxare se ỹouene'te ca 'ne'tegue ca lo'ueenataxanaxac. Ma' 'eda da 'neeta quena hueetalec na 'laua, ma' na'maxare ỹaatqajam se qalana'a quiyim 'ue ca 'ne'tegue queca liỹa, sqai 'nejem ná'maq hueetaugui ná'maq re'qoochiguiñi.

Juan 1:9

Só'maq ỹaatqajam ncoỹeraxanaxat, só'maq coỹarelec ná'ogue na qomyipi, so'maxare naata'a na 'laua.

Juan 12:35

Ca' so Jesús 'naaco' queso qomyipi: —Nagui ma' ñaqai hueetauguilo qamiri najo lcoỹeraqate na 'laua, qam sqoỹoxouec quiyim ỹalequetauguilo qamiri. Ca' quiitaugui dajo lauaq ma' ñaqa 'ue, qaiyi se i'laxate' qamiri ca napalaxa. Ma' cá'maq queetaugui ca napalaxa se ỹa'den cá'maq taigue.

Juan 12:36

Ca' viilec nagui najo ncoỹeraxanqate, ma' ñaqai hueetauguilo qamiri, qaiyi viriỹau'a quiyim qai'neeta 'ue ca lauaxai' qamiri. Ca co'na' ime 'naac dajo, ca' so Jesús eec nqañoqtapeguema saua'maxare.

Juan 12:46

Ỹim ma' ỹim lcoỹeraqate na 'laua, qaiyi quená'maq huelec aỹim se no'ueenaugui na napalaxa.

Juan 8:12

So Jesús liỹo' retaqaugui na qomyipi, ca 'naaco': —Aỹim chaqaỹim ná'maq lcoỹeraqate na 'laua. Cá'maq coỹareta'pegue' aỹim, ca 'ue ma'le aca lcoỹeraxanaxaqui ỹo'uet da lca'laxa. Ca totqai hueetapougui ca napalaxa.

Hechos 17:30

Ñi qota'olec se nqovilga da lo'maxac na qom quesaua 'auaxaqa na'xata'. Qam nagui relaataxan quená'ogue na qom quena lahil na 'laua quiyim ỹalate' naua se no'viiñi no'ueenataxaco.

Hechos 26:18

Ỹim selatalo qami' caua'maxare, qaiyi naviguerec nqai'ñi' naua nqote', qaiyi totqai queetapougui na napalaxa, qainaata na lauaq queetapougui, qaiyi totqai qoỹoiquentac queda lquesaxanaxa so na'ỹaapec, qaiyi quegue ñi qota'a, chaqai qaiyi huelec caỹim, ca qaỹapalaxate' naua lasauaxasete', ca lotqai qaỹalecqajno quiyi la'a' ná'maq ỹaatqajam lca'acseripi ñi qota'a.”

Romanos 1:21

Ma' na'maxare mashic ỹa'den ñi qota'a, qam sqai 'neeta'gue quiyim chaqaiñi ñi qota'olec, chaqai sqai ỹaantacot da na'aachicyaxac. Ta'ta'a quiyim ỹa'deentapega ná'maq sqaica ca 'negue, chaqai añi le'taxanata ỹo'meetam, hueetagui na 'eco' napalaxa.

Romanos 13:12

Ma' nagui, ca 'eco' mashic ỹoxo'ogue na pe, ca tot qoỹoxoguit ca na'xa'a. Ca vichiguiño' 'maxaraic saxanqaiñi naua qaỹo'ueeteta'pe quen quena napalaxa, ca sanqaiñi naua qaro'goxonqate', shinqata ca neetaho quena nouaataxanaq queetagui yi na'xa'a.

Romanos 2:19

Ca 'ñiisapega quiyim ỹaatqajam 'eco' 'yiiñi' quiyim qami' la'gaxala' ca qai'laq, chaqai quiyim coỹachirelec na hueetaugui na napalaxa.

1 Corintios 1:30

Ma' chaqaiñi ñí'maq qota'a ỹo'uet quiyim na'yiitau'a so Cristo Jesús; chaqai ỹo'uet quiyim chaqaiso so'maxare qara'deenec, chaqai chaqaiso chigoxochichigui quiyim qaỹa'maxarente' qomi' quiñi qota'a, chaqai qomi' lalamaxarete', chaqai quiyim qomi' yca'laxauec.

2 Corintios 3:18

Vichiguiño' qomá'ogue mashic tot qaica ca lapooque' na qarashic, ca shinqatari' aca na'ỹoxolate quiyim re'qoota na lauaq so qara'gaxala', ca' ñoquiicqatauec quiyim shinqatam so Cristo, ma' noquiiquetauec dá'maq lauaq so'maxare coqomi'. Qam dajo ỹo'uet só'maq qara'gaxala', ma' Espíritu Santo.

2 Corintios 4:6

Ma' ñi qota'a ñí'maq nela' aso lcoỹeraxanaxaqui quiyim naviguec na'le queso napalaxa, chaqaiñi ñí'maq naviguec nqai'en aso lcoỹeraxanaxaqui cañi qare'taxanata, qaiyi seuanaxa da lauaq ñi qota'a quena' naviguec quena lashic so Jesucristo.

2 Corintios 6:14

'Neeto' rotauahi ca qom saqa' icoñiguit da na'qaatec. Ma' quiyi, ca' se natenta' qamiri. Ma' ¿negue' quet cá'maq 'neeta cá'maq 'maxaraic chaalataxac quiyim huaqata'guit ca se no'uen, chaqai ca 'ue ca lauaq huaqata'guit ca napalaxa?

Gálatas 5:25

Ma' dá'maq qanachaalataxac chicqo'ot so Espíritu, ca' qai'neeta saxanqac só'maq Espíritu quiyim qarashaxantac quecá'maq so'ueetaq.

Efesios 2:2

na' ñaqai viitaugui, ca' quiitalec dá'maq no'ueenataxac na qomyipi hueetalec na 'laua, 'viichitac ná'maq ỹahotaque só'maq relaataxantac na'ỹaapec se re'xogui só'maq ỹa'ñaxat ná'maq se na'xaỹaxana ñi qota'a.

Efesios 4:18

ca' 'ec palac da la'deenaxanaxa. Na'maxare sqai hueeto'ot da chaalataxac chicqo'ot ñi qota'a, ma' sqaica ca ỹa'den sauaxat da la'ñaxac añi le'taxanata.

Efesios 5:2

Quiyim qamiri 'xorenataxanaxaiqa 'nejem so Cristo na' qare'xoren, ca' nañaanalta' quiyim ileualgoto qomi', 'nejem nqohin ca qagreta llaalec quiyim qaỹalauat, chaqai qaỹavigaxat, ca' qoỹaanot ñi qota'a. Ca namaañi'chiguit da lahita ñi'maxare.

Efesios 6:12

Ma' se seloquiaqata'pegue' ca chaqai qom qara'aajshaxaua, ta'ta'a ná'maq lquesaxanaxa se re'xogui na se no'uen hueeto'ot na piguim, ná'maq relaataxanac chaqai 'ue da lquesaxanaxa, chaqai ỹoiquentac ná'maq ñaqai hueetaugui na napalaxa quenajo 'laua.

Colosenses 1:12

chaqai 'ỹaañitacot da na'aachicyaxaguii ñi qota'olec, ma' ñi'maxare ỹa'maxatetañi ỹaanem cá'maq ỹachaxantac ná'maq lalamqateripi ma' ỹovita quiyim seuqataugui cá'maq lauaq ñi'maxare.

Colosenses 1:13

Ñi qota'a naqata'alo qomi' na'le queso napalaxa qaratoiquentac, ca inoxonaqta'alo qomi' da lo'ueenataxanaxac so lqo'itaxat llaalec,

Tito 3:3

Ma' qomi' qai'neete' quesom qaica ca sa'deenaq, ca' se ña'xaỹaxanaxalo naua la'qaatqa ñi qota'a. So'maqatajlec chaqai qolqata'pegue' da qarqo'itaxanqachic chaqai da qaramaanaxanqachic. Seuqataugui da se no'uen chaqai da npa'guenaxanaxa. Qomi' noquiiqate' chaqai chi ñoquiaaqata'ta'.

1 Juan 1:7

Qam no'm seuqataugui cá'maq re'qojlec, shinqatari' ñi qota'a ma' re'qojlec ca hueeta'ñi, ca hueeta'ñi, ca quiñi 'óna coqomi' ỹaatqajam na'deeta'guit ca liỹa, ca' saua leuo' so llaalec Jesucristo co'taxate' qomi' quená'ogue na qarasauaxaset.