Efesios 5:6 - La'qaatqa ñi qota'olec Qota'olec & Qota'olec Novita Na Qomyipi

⁶ Qaica ca ỹayine' qamiri quenaua na'qaatqa qaica ca 'netegue, ma' chaqainaua nauá'maq se no'viiñi nauá'maq chicqochigui dá'maq chalego lichic lonogoxonaxac ñi qota'a quiyim ỹa'ue ca nouaxanaxaset ná'maq se na'xaỹaxana ñi'maxare.

Efesios 5:6 Iomraidhean Croise

2 Reyes 18:20

¿Peeta'a 'ñiisapega quiyim naua lo'yaxanqa na'qaatqa 'nejem ca no'ueenataxac ca nquesaxanaxa queca lauataxac? Ca ¿nega'ỹo' cá'maq pi'i'ta quiyim se na'xaỹaxañi'?

Jeremías 27:9

Vichiguiño' qamiri totaxan na'xaỹaxañiỹo' na netaxaỹaxaquiripi, chaqai na ra'ỹaauec na qom lanatec, chaqai na ỹa'xatac na leloxoỹaxac na ne'guemataxac, chaqai na pi'xonaq quená'maq ỹahotaque ỹa'xateta'guit ca ñaqai naataho, chaqai ỹilenta'pe qamiri quiyim sqai 'guiñiỹot ñi nashi quiyi Babilonia.

Jeremías 29:31

Lachita ca ra'qaachiqui' yá'ogue yi ncoñiitecseripi quiyim ỹim na'gaxala' shinapega: Mashic ñi Semaías na'gue da Nehelam ỹa'ue da la'qaatec, quiichigui nqai'en da ỹeenaxat, quiyim ỹim se sela', ca' ỹa'ue caqamiri da naquitaxaguii qaica ca 'negue,

Jeremías 37:9

Ỹim na'gaxala' sa'ue da ỹaqataxac: Qaica nemaqajnaxaguii, chaqai sqai 'ñiitapega quiyim so caldeoipi chaqa'ma' eec, qam sqaida.

Miqueas 3:5

Na ỹalamaxareteripi ỹo'maac queso nayic queeta'gue, sauaxat na 'naac itaxaỹaxaquiripi, qam rayinaxantac, na'maxare 'naac quiyim qaicanqaida quená'maq ỹo'uet ca loq, ca' qui'ỹaxan, qam 'naac 'ue ca lo'maxaset ná'maq se qui'ỹaxan. Ca' ñi qara'gaxala' 'neetasa' da la'qaatec quená'maq 'naac letaxaỹaxaquiripi:

Mateo 24:24

Ma' 'xoic ca 'maatqaiquipi novi' ma'le, ca 'naac quiyim chaqaica cá'maq nashi nca'laxaqui, loqo'm 'naac quiyim letaxaỹaxanqajnec ñi qota'a. Ca ma'le, ca ỹo'uet ca chalego lecaic netanec chaqai na se qaiuanapega, ma' ỹahotaque quiyim sha'apiguito' ỹayin ná'maq lca'acseripi ñi qota'olec.

Mateo 24:4

Co'na'le, ca' so Jesús 'naaco' quesaua'maxare: —Rovichiỹari'o', qaiyi qaica ca rayiñii.

Marcos 13:22

Ma' 'xoic ná'maq anac ma'le 'maatqaiquipi, 'naac ma'le chaqaina ná'maq nashi nca'laxaqui loqo'm 'ec letaxaỹaxanqajnec ñi qota'a. Ma' na'maxare ishit ỹo'uet na netanqaipi chaqai ná'maq se qaiuanapega, sha'apiguito' quiyim ỹayin ná'maq shi'gue lca'acseripi ñi qota'olec.

Marcos 13:5

Ca' so Jesús 'naaco' quesaua'maxare: —Rovichiỹari'o', qaiyi qaica ca ỹachi'iñi qamiri.

Romanos 1:18

Ca' nagui qomi' ñi'pelaxanqa'a da lichic dá'maq chalego lecaic lonogoxonaxac ñi qota'a, chicqo'ot na piguim, taỹalec nqai'en ná'ogue na qomyipi quená'maq mashic ca'e ñi'maxare chaqai na hualoxonyipi. Ca ỹa'ue da nouaxanaxaset, ma' se no'uen dá'maq 'neetari', ca' chaqaida dá'maq 'em quiyim se qaỹa'den dá'maq ỹaatqajam lliqueta.

Colosenses 2:18

Mesqai 'xañiigue quiyim rouootaxana'gue cá'maq raviguiguii ná'maq 'ec nañoxojñi neneequesenta chaqai nqouagaxaintacot na nelaatqaipi piguim laseripi. Ma' na'maxare tau'a quiyim ỹo'uet ná'maq se iuanapega chaqai pi'chigui queda nemaqajnaxac quená'maq chi la'deenataxanaxac.

Colosenses 2:4

Ca sa'xatema qamiri dajo, qaiyi qaica ca ỹayine' qamiri, 'eno'm 'ue ca 'maxaraqa caua la'qaatqa.

Colosenses 2:8

Rovichiỹari'o', 'neeto' lotqai quii'uegue ná'maq ỹahotaque rayiñii, ỹahote'e ná'maq na'deenaxanaxa huelec najo chaqai na sqai llic na'deenataxanaxac. Ma' na'maxare sqai chicqochigui so Cristo; ta'ta'a ná'maq chi no'ueenataxac na qomyipi, chaqai quedá'maq la'deenataxanaxac chaqainaata ỹa'deentapega ná'maq nanchaqaina re'qoochigui.

Colosenses 3:6

Ma' chaqainaua nauá'maq chicqochigui dá'maq chalego lecaic louaxanaxanaxac ñi qota'a quená'maq se na'xaỹaxana ñi'maxare.

2 Tesalonicenses 2:3

Qam sqai 'xañiigue ca nayinaxaguii, ma' ma' saqa' ỹovita cajo na'xa'a, ca novi' ma'le ca npa'guenaxac ñi qota'a. Ma'le, ca' re'oq ca ỹale sauaqhuaic cá'maq tai'a quiyim ỹaatqajam ime nqohin.

Hebreos 13:9

'Neeto' quiita'pegue' na ỹoreta'oguit se qaiuanapega napaxaguinataxanaxaquipi. Paguec la'maxa quiyim añi qare'taxanata icoñiguit da lquesaxanaxa chicqochigui da le'xorenataxanaxa ñi qota'a, mesqai da llicyaxac ca na'ic; ma' nauajo llicyaxaco na na'ic se iuanapega quiyim ỹa'maxajñi quet ná'maq queetalgoto naua'maxare.

Hebreos 3:19

Ca' sa'deenaq quiyim se inoxono' na'le, ma' se na'xaỹaxan.

1 Pedro 2:8

Chaqai qai'neeta ipaquichigui dá'maq 'naac: Ñi qa' nepoxolaxanaxala', chaqai ỹo'uet quiyim 'ue ca huaañi. Ma' saua'maxare repoxolaxane' co'na' se na'xaỹaxanta da na'qaatec. Qam dajo chi qohinegue quiñi qota'a quiyim 'neeta so qomyipi.

1 Juan 4:1

Qamiri ỹaqaỹarolqa, 'neeto' viilec ná'ogue ná'maq 'naac mashic qaretaqaugui quiñi qota'a, ta'ta'a quiyim 'guiñii, no'm chaqaiño' ñí'maq ne'Espíritu ñi qota'a ñí'maq neetagui, loqo'm 'e'. Ma' na 'laua mashic sham no'xalec quena 'maatqaiquipi quená'maq 'naac mashic qaretaqaugui quiñi qota'a.