Efesios 5:3 - La'qaatqa ñi qota'olec Qota'olec & Qota'olec Novita Na Qomyipi

³ Ca' mashic qamiri lalamaxarete' ñi qota'a, ca no'uen quiyim totqai 'maxauguilo qamiri ca dequenaxac, chaqai ná'ogue na liỹa se no'uen, chaqai cá'maq ipita'a ca ỹoqa'a.

Efesios 5:3 Iomraidhean Croise

Éxodo 20:17

'Neeto' lotqai 'ue ca ripichisa'a coñita queca la'a' quecanchaqaica qom. 'Neeto' ripichisa'a aca loua, chaqai ca la'ac loqo'm aca la'a, loqo'm ca lauegaxanaxala' ñii'lola, loqo'm ca lalo 'ashin, loqo'm canchaqaica quena louenqaipi.

Éxodo 23:13

Ca' pacqajñichigui dá'ogue dá'maq shinac caqamiri, chaqai quiyim sqaica ma' 'ue quet ca qara'xaỹa caqamiri ca leenaxat ca liỹa nashiilec.

Jeremías 22:17

Qam qami' qaidaata 'yiiñisapega na ỹoqa'a nauegue; 'viichi' quiyim qaỹalauat ca qaica ca lasauaxaset, chaqai pataqairiñi chi'segueñi na qomyipi.

Miqueas 2:2

Quena' 'ue yi nqo'teu'a 'laua, ca rouootaxana'gue; chaqai quena' 'ue na nqo'teu'a 'imec, ca' rocacha. Pataxañi na qomyipi, chaqai na llaalqaipi chaqai na lalamaxaret louenqaipi.

Mateo 15:19

Ma' añi le'taxanata chicqa'ña ná'maq se no'uen na'deenataxanaxac, 'neetasa': qaỹalauat ca liỹa qom, lapaatapi'ñi' aca se loua, nedequentac, da nocataxac, da na'maachic, chaqai quiyim qainaqatac ca liỹa.

Lucas 12:15

Qai'neeta 'naaco': —'Ajnaxañii chaqai rovichiỹa'a ná'ogue na nqo'itaxanqachic, ma' da nachaalataxac ca qom se ishit quiyim chicqaugui ná'maq 'xoic lesallaxa hueeto'ot.

Lucas 16:14

Ca' 'qaatapega dajo sá'ogue so fariseoipi ma' ỹaatqajam lqo'itaxat da nesallaxa, ca chi i'neetac so Jesús.

Hechos 15:20

Chaqaidaata quiyim sauqo' aca qoderecse quiyim shinqapega se ỹa'ic ca na'ic mashic qoỹaanot ca nashiilec, chaqai se nocachita'ta' ca ỹale chaqai aca 'aalo, chaqai se ỹa'ic ca la'at ca isecỹac sqai nague' caua leuo', chaqai se ỹa'gue' caua neuo'.

Hechos 20:33

Se ñaquita'a aca lam chaqai ca looỹac canchaqaica qom,

Romanos 1:29

No'qaachiguilo quená'maq se no'uen na'deenataxanaxac, dequenaxac, nqa'viic, nemitete'e ana plata chaqai na se no'uen, pa'guenaxanaxaiquipi, lauataxanaxaiquipi, petaxanaxaiquipi, 'maatqaiquipi, qa'uaic chaqai la'axaqa lo'o'.

Romanos 16:2

quiyim qaicoñi'chiguit, ma' ca'maxare ỹaatqajam lalamaxarete so qara'gaxala'. 'Nejem nqai'ñii ca 'neeta ca nqaỹaripi quiyim icoñiguit ca lpi'ỹaxaua. Chaqai tauañii quecanchaqaica ỹouen, ma' ca'maxare 'xoic na ỹotauan, chaqai aỹim qai'neeta yotauan quen.

Romanos 6:13

Sqai 'ỹaañiguit na roshicmaxahi na nasauaxaset quiyim ỹahotaque quiyim ỹouen ỹo'uet ca se no'uen. Ta'ta'a quiyim nañaañiỹot ñi qota'olec, 'ñiitari' ca qom mashic ileu chaqai quiyim liỹa nca'leuec. 'Ỹaañiỹot ñi qota'olec na roshicmaxahi quiyim rouenaxana quiyim ỹo'uet ca ỹa'maqachiguiñi.

1 Corintios 10:8

Qai'neeta se salegaxaugui na nedequentac, sqai 'nejem da 'ne'teco' na'le so'maxare ma' 'uo' na nedequen, ca vichiguiño' ileuo' so veintitres mil qomyipi queso 'oonoqui' na'xa'a.

1 Corintios 5:1

Mashic shi'gue qaỹa'den quiyim 'ue ca 'óna caqamiri o'ñiguit aca la'uale late'e. Dajo no'naxac ỹaatqajam chalego la'aaxa. Ma' vire'ta ná'maq se iuanapega ñi qota'a se ishit ỹo'uet dajo.

1 Corintios 6:13

Ỹaatqajam llic dá'maq qohinac: Quiyim na na'ic qaỹo'uet quiyim taỹa'ña añi qaracom, chaqai añi qaracom qaỹo'uet qaiyi taỹapi'ña na na'ic. Qam ñi qota'a ỹomate' ma'le ñaua dos. Qam dá'maq sqai llic quiyim na noshicmaxa tau'a nqohin ca dequenaxac. Chaqaidaata quiyim lalamaxat nqohin so qara'gaxala', qaiyi ma' novi' so qara'gaxala', ca nca'laxatec na qaroshicmaxa.

1 Corintios 6:18

Ca vichiguiño' 'iichiỹapeguem da dequenaxac. Canchaqaica liỹa quená'maq nasauaxaset quiyim ỹo'uet ca qom, qam se ishit pa'aauo quena loshicmaxa. Qam ca queetalec da nedequenaxac, ca ca'maxare chi ỹasauaxat ca chi lalamaxat loshicmaxa.

2 Corintios 12:21

Chaqai 'ue da itelaxa quiyim ma' liỹa sovitalo qamiri, ca' ñi qota'olec ỹo'uet quiyim ñauata'guit ca ỹayiloxo nqai'en caqamiri, chaqai quiyim 'xoic ca ñoỹenlec caqamiri quiyim shi'gom na rasauaxashichii, chaqai saqa' 'xañiñi na napio'xot da chaalataxac, chaqai da dequenaxac, chaqai quiitalec na ramaanaxanaxahi quenanchaqaina.

Efesios 5:12

Ma' ỹo'uet da nayiloxo quiyim chi qaỹa'xat dá'maq ỹo'ueetetac ỹoxotetañi na'maxare.

Efesios 5:5

Ma' cá'maq ñaqai nocachita'guit aca se loua, loqo'm cá'maq ñaq ỹo'ueetetac cá'maq rapio'qotaxan, loqo'm cá'maq ñaqai queetalec quiyim ipiteta'a ca liỹa (ma' 'nejem cá'maq ñaqai nqouagaxaintacot ca nashiilec nqolac), ca' mashic 'yiiñii qamiri quiyim ca'maxare se inoxona'a ma'le da lo'ueenataxanaxac ma' ỹoiquentac ná'ogue najo ñi Cristo chaqai ñi qota'a.

Filipenses 1:27

Qaidaata quiyim nquipichiỹa'pegue' quiyim nachiñi'chiguit nqai'ñii dá'maq no'ueenataxaguii da na'qaatec qaỹa'xat queso Cristo. Ca' quiyim saiquena loqo'm qoỹoqo'ta ỹim, qam sahotaque quiyim 'ue ca ỹa'xaỹaxac quiyim ỹaatqajam quiijlec chaqai necoñii'jta' queda rpi'ỹaxaguii chicqochigui da na'qaatec chicqaugui da nca'laxa,

Colosenses 3:5

Ca' vichiguiño' qamiri ỹaatqajam 'ec ileu nqai'ñii ná'ogue ná'maq no'ueenataxaguii hueetalec na 'laua: Ca' qaica quet cá'maq hueeta'piguit quet aca se loua, chaqai sqo 'viichii cá'maq rapio'qotaxan, chaqai sqai quiita'pegue' na rqo'itaxanqachiguii chaqai quená'maq se no'uen, chaqai se qo'itaxanqachaqaqa qamiri, ma' dajo 'ec quiyim qanqouagaxainot ca nashiilec nqolac.

1 Tesalonicenses 4:3

Ma' dá'maq ỹahotaque ñi qota'a quiyim ỹaatqajam nañaañi'tot ñi'maxare, chaqai qaica ca lapaatapi'ñi' aca se loua caqamiri.

1 Tesalonicenses 4:7

Ma' ñi qota'a roỹaxanalo qomi' quiyim co'teeta nqai'en da qanachaalataxac, vichiguiño' se ỹa'maxañi quiyim ñapio'xotaq da qanachaalataxac.

1 Timoteo 2:10

Chaqaidaata quiyim ỹo'uet ca ỹa'maqachiguiñi, qaiyi 'ec no'ueetaxat. Ma' chaqaida da 'neetari' aca 'aalo queetalec ñi qota'a.

1 Timoteo 3:3

Chaqai mese ne'taaxai, chaqai mesqai 'aueteguelec ca lauelgaxanaxac. Chaqai mesqai queetalec quiyim imitete'e aca lauegue. Ta'ta'a quiyim huagaxaraic, chaqai hualaxauaic, chaqai se imitete'e aca lauegue plata.

1 Timoteo 6:10

Ma' dá'maq nqo'iichi cana re'qoochigui plata, ca 'eco' lpa'a' ná'ogue ná'maq ỹaleque'ejta' se no'uen. Ma' mashic 'ue ná'maq imelec da lqo'itaxanqachic cana'maxare, ca' ỹaxanñi da lpi'ỹaxac, ca ỹovirau'a quiyim 'xoic na le'xoric quedá'maq chi nachaalataxac.

2 Timoteo 3:2

Ma' da no'ueenataxac na qomyipi 'neetasa': chi nauotalta', chaqai queeta'pegue' da lamaanaxanaxa cana plata, nemaqajnaxai, napacqajnaxai, se no'uen na ỹa'xat quiñi qota'a, se na'xaỹaxana na leta'allipi, qaica ca ỹauaaque ca nqouagaxa, chaqai qaica ca ỹauaaque da na'qaatec.

Tito 1:11

Ca na'maxare ỹouentaque quiyim qaỹapoguilo naua laapi', ma' ỹaatqajam se neuojonta' nqai'en na neuo' laseripi, ma' rapaxaguinataxanta'pegue dá'maq se leloxoỹaxac, ma' chi imitete'e aca lauegue.

Tito 1:7

Ma' cá'maq qaipataxalec quiyim idaanlec ná'maq mashic icoñiguit da na'qaatec, ca idaanlec ná'ogue ná'maq lo'ueenataxanaxaquipi ñi qota'a. Vichiguiño' ỹouen quiyim ỹa'maxate'tegue da nachaalataxac. Se ỹa'maxañi quiyim que'guenataxanaxai, chaqai sqai nocqaic, chaqai se ne'taaxai, chaqai se idaante'e quiyim retaxaỹa'pegue' ca liỹa, chaqai sqai queetalec quiyim imitete'e aca lauegue.

Tito 2:3

Qai'neeta 'ñirapega ná'maq 'aalo qo'xoi quiyim ỹaatqajam ỹaỹajanta da llicyaxac quiyim queeta'pegue' ñi qota'a. Chaqai se la'axaqa lo'o', chaqai se ne'taaxai. Ta'ta'a quiyim ỹachaxan da no'uen 'ueenataxac

Hebreos 12:16

Chaqai caqamiri qaica quet cá'maq nocachita'piguit aca se loua, chaqai se liỹoqa'piguit cá'maq chicqo'ot ñi qota'a. Ma' chaqaido' da 'ne'tegue na'le so Esaú: ñi'chiguito' nqai'en so 'oonoqui' na'ic co'na' imen dá'maq qaỹaqatqajantari' taalec queta'le so'maxare, ma' 'auaxaic ñaalec.

1 Pedro 5:2

Ỹaatqajam quelolliỹa 'maxachii'tegue ná'maq mashic icoñiguit da na'qaatec ná'maq mashic qaỹauaaque reloxoiqachicshii quiñi qota'a, 'ñiitari' ca neloxoỹaq cana qagreta. Ỹaatqajam rasapchii'ta, 'viichitac dá'maq ỹahotaque ñi qota'a. Mese repaguitaque quiyim qanetenteguelgoto qamiri qarelaritac chaqai se naquichite'e aca plata. Ta'ta'a quiyim rasapchii'ta ca ro'ueenataxanaxaguii.

2 Pedro 2:10

Ñi qota'a paguec ma'le ca nouaxanaxaset nqai'en ná'maq queeta'pegue' na se no'uen lamaanaxanqachic quená'maq rapio'qotaxan chaqai liỹoqa'piguit da lelaataxanaxac so qara'gaxala'. Na'maxare ỹaatqajam se na'xaỹaxan, chaqai qaica ca huapigui lauel, chaqai se no'chi quiyim retaxaỹa'guit ná'maq paguec da lquesaxanaxa se re'xogui.

2 Pedro 2:14

Se ishit quiyim se nisha'a quet quiyim ra'ỹa'a aca 'aalo. Se nco'te'guesop na lasauaxaset. Chaqai ỹayinec ca qom quiyim qaica ca la'ñaxac, chaqai ỹaatqajam ỹa'den quiyim naqata'a aca lam ca liỹa. Najo qomyipi ỹaatqajam chalego lecaic da nouaxanaxaset hueetalec.

2 Pedro 2:3

Ca' quedá'maq lqo'iichi quiyim qaishiuetentac, ca' ỹa'vii naua lapaxaguinataxanaxaco ỹodolgoto qamiri, qaiyi naqat aca qadamii. Qam se qohit quedá'maq nouaxanaxaset na'maxare, ma' mashic shi'gom qaỹa'maxatetañi dá'maq nouaxanaxaset na'maxare.

Apocalipsis 2:14

Qam 'vii nauá'maq se yqo'talo caqami'. Ma' quená'maq ñi'sa'ñi Pérgamo ñaqa 'vii nauá'maq saqa' ỹaxañiñi da lapaxaguinataxanaxac so Balaam, só'maq 'naapego' na'le so Balac quiyim so Israel llaalqaipi ỹa'ic ná'maq nachitaxanataxanaxat mashic qoỹaanot ca nashiilec nqolac, chaqai quiyim queetalec da se no'uen lamaanaxanqachic na loshicmaxa, ca chicqochiquio' na'le ca lasauaxaset.

Apocalipsis 2:21

Ca' ỹim mashic sa'ue so ledaaqa' quiyim netogochigui na lauel, ca' ỹaxanñi da no'ueenataxac. Qam se netogot, ca' sqai ỹaxanñi da nedequenaxac.

Apocalipsis 21:8

Ca ná'maq qolonqaiquipi, chaqai ná'maq sqai huelgoto naua ỹa'qaatqa, chaqai ná'maq naqaigaxat, lauataxanaxaiquipi, chaqai na nedequenaxairipi, chaqai na 'naxanaxairipi, chaqai na nqouagaxaintacot na nashiilec nqolac, chaqai ná'ogue na 'maatqaiquipi, na'maxare tai'a nqohin quiyim qainaxañigui ca norec lodegaxat lavigaxat na quiquiaxaic. Ca' chaqaica ca co'uaataxanaxaic nelauaxa.

Apocalipsis 22:15

Qam no'ueenauec ma'le ná'maq ỹo'ueeteta'pe naua se no'viiñi, chaqai ná'maq ỹo'ueetetac ana le'naxanaxaqui, chaqai na nedequenaxairipi, chaqai na lauataxanaxairipi, chaqai ná'maq nqouagaxaintacot na nashiilec nqolac, chaqai ná'ogue ná'maq nqo'ta chaqai ỹo'ueetetac da na'maachic.

Apocalipsis 9:21

Chaqai qai'neeta sqai ỹaxanñi da lalauataxanaxac, da le'naxanaxac, chaqai da nedequenaxac, chaqai da locataxac.

1 Samuel 8:3

Qam saua llaalqa sqai 'neete'm so leta'a'. Ta'ta'a quiyim saua'maxare qo'iitaxanqachaqaqa, ca ỹa'maxarente' quiyim chi qaishiuetene', ca' se ỹo'ueete' cá'maq ỹaatqajam ỹa'maqachiguiñi.