Efesios 5:25 - La'qaatqa ñi qota'olec Qota'olec & Qota'olec Novita Na Qomyipi

²⁵ Chaqai cá'maq ỹale mashic 'on, ca' ỹaatqajam i'xoren aca loua, ca 'nejem so Cristo ỹaatqajam i'xoren ná'maq mashic icoñiguit da na'qaatec, ca' ỹaanec da nachaalataxac ileualec na'maxare.

Efesios 5:25 Iomraidhean Croise

Génesis 2:24

Vichiguiño' ca ỹale ca'e ca leta'a chaqai aca late'e, ca' lauora aca loua. Ca caua'maxare 'ec ca 'oonoqui' qom.

Génesis 24:67

Co'na'le ime, ca' so Isaac ỹauego aso Rebeca quiñi lauo' na'daañi aso shi'gue sou late'e Sara. Ca chaqa'ma' loua aso'maxare. Ca' so Isaac ỹaatqajam nqo'ta aso Rebeca. Ca' quiyi, ca' pal da lachicoxo viichigui na' sou aso late'e.

2 Samuel 12:3

Qam so 'xoraic 'oono'lli'o' aso lalo qagreta lishiujnaxanqate, ca' chaqaiso só'maq iỹaxat. Ca' aso qagreta chi niỹitashiguim neeto'ot so'maxare chaqai quesaua llaalqa. Nouante'o' quena' que'e chaqai ne'taxauo' quena' ne'et. Chaqai co'quena' laq, ca' hueetalec ana lotogue. ¡Ca so'maxare ỹaatqajam lqo'itqate, 'neeta'gue aca ỹaatqajam llaale!

Mateo 20:28

Ma' chaqaida dá'maq 'neeta najo ỹale llaalec se novi' quiyim ỹahotaque qaiquelola. Ta'ta'a quiyim ná'ogue quelola, chaqai quiyim da nachaalataxac ỹaanec, ca' 'ec lishiuetenaxanaxat, qaiyi 'xoic ca nca'leuec.

Juan 6:51

Chaqaỹim ná'maq ỹim pan nca'leetauec chicqa'gue da piguim. Cá'maq ỹa'ic najo pan, ca' 'ue da lca'laxa sqaica lqodoc. Chaqai cá'maq pan ỹim saanec, chaqaina ná'maq ỹoshicmaxa. Ca ỹim saanec, qaiyi nca'leuec na qomyipi quena 'laua.

Hechos 20:28

Ca' nagui, ca ncochiỹalta', chaqai cochiỹa ná'ogue ná'maq mashic ỹacoñiguit da na'qaatec, quiyim so Espíritu Santo pataxalgoto qamiri quiyim loxoi'a chaqai cochiỹa, ma' na'maxare lalamqate' ñi qara'gaxala' Jesús, ma' ñi'maxare lishiujnaxanqate, rishiuetenaxanalo saua chi leuo' na' qaỹalauat.

Gálatas 1:4

só'maq nañaañiguit na'le da lelauaxa sauaxat naua qarasauaxasete', qaiyi nca'laxaterec qomi' quená'ogue na se no'uen huelec na 'laua. Ca' ipacqajanchigui dá'maq ỹahotaque ñi qota'olec coqomi'.

Gálatas 2:20

Ma' ỹim 'eco' shi'gue yileu, iỹaatashiguim so Cristo na' qaipateno. Vichiguiño' ca mese ỹalamaxaret nagui dá'maq santañi ñachaalataxac, ca' chaqaiñi ñí'maq Cristo ñí'maq nachaatetaugui aỹim. Ca dá'maq ñachaalataxac nagui chicqochigui da ipi'ỹaxac queso llaalec ñi qota'a, ma' yi'xoren, ca nañaañiguit da lelauaxa caỹim.

Efesios 5:2

Quiyim qamiri 'xorenataxanaxaiqa 'nejem so Cristo na' qare'xoren, ca' nañaanalta' quiyim ileualgoto qomi', 'nejem nqohin ca qagreta llaalec quiyim qaỹalauat, chaqai qaỹavigaxat, ca' qoỹaanot ñi qota'a. Ca namaañi'chiguit da lahita ñi'maxare.

Efesios 5:24

Qam chaqaida dá'maq 'neeta quiyim ná'maq mashic icoñiguit da na'qaatec se napacalec so Cristo, ca' 'nejem aca 'aalo se napaqueteguelec ca loua quená'ogue nanchaqaina.

Efesios 5:28

Ca ỹale quiyim mashic 'on, ca' ỹaatqajam i'xoren aca loua, 'nejem nqai'en dá'maq chi lqo'iichi quená'maq chi loshicmaxa. Ma' cá'maq nqo'ta aca loua, ca' i'xoren dá'maq chi nachaalataxac.

Efesios 5:33

Qam qai'neeta 'naac quiyim quiñi 'óna caqamiri 'maxaraic quiyim i'xoren aca loua, 'nejem dá'maq quiyim chi ne'xorenalta', chaqai acá'maq 'aalo se napacalec ca loua.

Colosenses 3:19

Chaqai qamiri ỹalliripi mashic 'ue ana rouahi, ca' 'xoriñii aca rouahi, ma' se no'uen quiyim sqa 'maxachiỹa'gue.

1 Timoteo 2:6

Ma' so Jesucristo nañaañiguit da lelauaxa, ca' ishiueten so laseuete da lca'laxa ná'ogue na qomyipi, ca' dajo qaỹa'xat na' chi ỹovita cá'maq laloqo'.

1 Pedro 3:7

Chaqai qamiri ỹalliripi quená'maq mashic 'ue ana loua, qai'neeta na'deenaxanqachin quiyim quelola ca louaỹaxac, chaqai se iualaxainari', ma' ỹa'den quiyim aca 'aalo sqailligueme' ra'ñi, qalaxam dá'ogue da nachaalataxaguii chicqochigui da lqouagaxa ñi qota'a quiyim ỹaanema qamiri. Ca' chaqaida dajo 'ñii'tegue, qaiyi qaica ca ỹa'paxat ca nqouagaxainaxaguii.

Apocalipsis 1:5

Chaqai qai'neeta chicqo'ot so Jesucristo só'maq netaxaỹaxanqajnec ishit qoyiuelec ca la'qaatec, chaqai chaqaiso só'maq 'au qanca'laxatec queso nelauaxa, chaqai chaqaiso só'maq lashi na nashillipi hueetalec ana 'laua. So Cristo só'maq qare'xoren, ca nquiỹoorec saua qarasauaxasete', quiỹoxonalo sauá'maq chi leuo',

Apocalipsis 5:9

Ca qaỹo'ueentac dajo dalaxaic no'ueenec, 'neetasa': Qami' 'iichichiguit quiyim coñita ana lere chaqai quiyim naqachi' naua qaỹa'gaxanaxansañi netanaqsete; ma' qaỹalauat na'le aqami', chaqai quesaua reuochi', ca' laseue' na' shiujnaxañitalo qomi', chigoxochiraugui ná'ogue na ỹoreta'oguit qomyipi ỹoreta'oguit na la'qaatec, qaiyi lalamaxareteripi ñi qota'a.