Efesios 5:21 - La'qaatqa ñi qota'olec Qota'olec & Qota'olec Novita Na Qomyipi

²¹ Ca' quiñi 'óna ỹaatqajam notauanta'guit ca liỹa, ma' ỹaatqajam 'ue nqai 'negue nqai'en ñi qota'a.

Efesios 5:21 Iomraidhean Croise

Génesis 16:9

Co'na'le, ca so nelaatec piguim le'ec 'naaco': —Mo'e', pillita aca na'coro'e', ca cá'maq 'naac, ca' na'xaỹaxañita.

Nehemías 5:15

Qam só'maq 'auaxaic nashillipi caỹim ỹaatqajam 'xoic añi qo'oc, ma' quenaua'que naua na'xata' ro'laxana'pegue' ana cuarenta namirolli' chicqaugui ana plata ỹauaaque loq laseue' chaqai na ne'taxat lataxa. Chaqai na lelaatqaipi ỹa'llaxat na qomyipi. Qam ỹim sqai shi'ntegue dajo, ma' yo'cha'a ñi qota'olec.

Nehemías 5:9

Ca' lotqai shinac: Dá'maq 'viichitac ỹaatqajam se ỹa'maxañi. Ca' qamiri ỹouen quiyim ỹaatqajam ro'chiỹa ñi qota'olec, qaiyi tot qare'neetac na qomyipi sqai judioipi ná'maq qarpa'guentac.

Proverbios 24:21

Maqachiñi' ñi qota'olec chaqai ñi nashi, qami' ỹaalcolec; totaxan lapoisa'piguit na npa'guenaxauaripi,

1 Corintios 16:16

Qam sahotaque quiyim qamiri na'xaỹaxañii'ta ca qom 'neete'm saua'maxare, chaqai ná'ogue ná'maq rotaanaxantac chaqai ro'ueenataxantac.

2 Corintios 5:11

Vichiguiño' ma' sa'deenqata da leloxoỹaxac da nqolonaxa queso qara'gaxala', ca' 'ue da qareuogoxo quiyim qoyiuelec da na'qaatec quena qomyipi. Qam ñi qota'a shi'gue ỹa'den da shinqatari', chaqai 'ue da ñaquitaxac quiyim qamiri qai'neeta 'yiiñita da'maxare.

2 Corintios 7:1

Ca vichiguiño' qamiri ñauochaxaua' ỹaqaỹa', 'enaua nauá'maq qaỹachaxanta'pe coqomi'. Vichiguiño' se squeuocqau'a ná'ogue ná'maq ishit napio'xote' qomi' quena qaroshicmaxa, chaqai quena qara'al. Qaro'cha'a ñi qota'a, chaqai somatqo'ot da qanachaalataxac ñi'maxare.

Gálatas 5:13

Ma' qamiri ỹaqaỹa' na' qaroỹaxanalo qamiri, qam ỹaatqajam qaỹahotaque qarosohiuec. Ta'to'o' no'm se nquipichilec dá'maq quiyim mashic qaỹosoorec qamiri, no'm pacqajñiỹauec quiyim quiita'pegue' da chi no'ueenataxac na qom. Ta'to'o' quiyim npa'xañii quiyim quiñi 'óna la'ac ca liỹa quedá'maq 'ñiitari' quiyim ne'xoriñiỹata'.

Efesios 5:22

Ca' aca 'aalo se napacalec ca loua, 'neeta'gue nqai'en dá'maq 'neetari' queso qara'gaxala' Jesús.

Efesios 5:24

Qam chaqaida dá'maq 'neeta quiyim ná'maq mashic icoñiguit da na'qaatec se napacalec so Cristo, ca' 'nejem aca 'aalo se napaqueteguelec ca loua quená'ogue nanchaqaina.

Filipenses 2:3

Chaqai mesqai 'ue ca naquichitaque quiyim 'ue ca 'viichii chaqai quiyim nemaqajñii. Ta'ta'a ca ne'xoresenaxaguii, chaqai quiñi 'óna paguec gueme nqai'en ca liỹa queca'maxare.

1 Timoteo 2:11

Qai'neeta sahotaque quiyim ana 'aalo ỹaatqajam i'maqata quena' na'xaỹaxana da napaxaguinataxac. Se ỹa'maxañi quiyim se na'xaỹaxan.

1 Timoteo 3:4

Chaqai ỹa'den quiyim ra'ilec ca la'a', chaqai ỹapaxaguin ca llaalquenaxanaxac quiyim 'xaỹaxanaxaraic chaqai ỹa'maxate'tegue ca liỹa.

Hebreos 13:17

Ỹaatqajam na'xaỹaxañitalo naua ra'gaxalachiri, chaqai nañaañiỹoto naua'maxare; ma' chaqainaua nauá'maq reloqota'alo da nachaalataxaguii, chaqai chaqainaua nauá'maq 'ue ca na'xa'a, ca' qainate' quiñi qota'a. Nquipichiỹa'pegue' quiyim 'maxaraic da lo'ueenataxanaxac chaqai se resallii, ma' no'm sqai 'neeta dajo, ca' qaica quet cá'maq 'ñiigue qamiri.

1 Pedro 2:13

Ma' mashic viilec so qara'gaxala', ca se napaguiỹalec ná'ogue na ỹanashiguim na qomyipi quiyim lashillipi, paguec cá'maq lashi na nashillipi ma' paguec lecaic yi loma',

1 Pedro 2:17

Qaica ca napaguiỹalec, 'maxachii'tegue ná'ogue na qomyipi. Chaqai 'xoriñii ná'maq mashic icoñiguit da na'qaatec. Ro'chiỹa ñi qota'a, chaqai se napaguiỹalec ca lashi na nashillipi.

1 Pedro 5:5

Ca' chaqai 'neete'm, qamiri ne'naqa, ỹaatqajam na'xaỹaxañii'ta meca 'naac na qo'xoiquipi. Chaqai quená'ogue na qom qaica ca napacqajan queca liỹa. Ta'ta'a quiyim neneequesentecta', ma' naua naneresañi na'qaatqa 'neracsa': Ñi qota'a quepaxat ca nemaqajnaxai, qam nqouaguegue ỹotauan ca neneequesenaxai.