Efesios 5:18 - La'qaatqa ñi qota'olec Qota'olec & Qota'olec Novita Na Qomyipi

¹⁸ 'Neeto' lotqai rquiñiuguichii, ma' dajo tai'a quiyim na'laañi nqai'en ca qom. Ta'ta'a quiyim no'qaachiguilo qamiri queso Espíritu Santo.

Efesios 5:18 Iomraidhean Croise

Génesis 9:21

'Uo' so na'xa'a, ca' so Noé ne'eto' queso lataxa, ca' quiñiugueto'. Ca' yí, neetauco' hueetauquio' ca lauo' na'daañi.

Cantares 1:4

¡Qaỹaloq yi'xachi'! ¡Qami' ỹashi, yaviquira'alo caua qauotochi'! Ñitoonqatac ma' ñaqatqata'guit qami'; paguec so'leentaqataque ma'le da neneequesenaxaqui' quena lataxa. ¡Chaxaso' ma' nqo'ta qami' na 'aallipi!

Cantares 7:9

na noquiaqe' 'ec ná'maq no'uen lataxa quiyim chi resaullichi'ñigui quena naapi' chaqai quenaua nouee.

Isaías 25:6

Cada qa' ladocai leenaxat Sión ñi qara'gaxala' qaica lqalanec 'ue ca ỹa'maxajñi ma'le quená'ogue na ỹoreta'oguit qomyipi ỹo'uet ca nqui'ỹaxac lodegaxat chalego loyac chaqai na ñaauapec lataxa, chalego lo'daxa na na'ic chaqai ná'maq no'uen lataxa.

Isaías 5:22

¡'Xoraiqolqa qamiri, ma' qaica nauegue' qamiri queda ne'taxaguii quena lataxa, chaqai qaica ca nauegue' qamiri quiyim 'maxachiñi na lataxa!

Isaías 55:1

Ná'ogue ná'maq iuet ca laquip, naiquena, ca' ne'et quena huaxaỹaq; naiquena ná'maq qaca aca lam, naguiu'a na trigo chi qoỹaantauec, ca qui'ii; naguiu'alo na lataxa chaqai naua lo'i', qam sqai shivichiñii.

Mateo 23:25

¡Ỹaatqajam 'xoraiqolqa qamiri napaxaguinataxana' quena naqataxaquipi chaqai qamiri fariseoipi, ma' 'ñiitapega qamiri 'maxaraqa! Ma' quiỹohi na pa'aauec cana 'taxaqui chaqai na peguet, qam quena pa'aauo, ca no'qaachigui quena rocataxachii chaqai na rqo'itaxanqachiguii.

Mateo 24:49

Ca' queetalec da lqa'viic quena lo'ueenataxanaxauaripi, chaqai ỹo'uet na nqui'ỹaxac chaqai quelec da ne'taxac ỹalequetaugui na ne'taaxairipi.

Lucas 1:15

Ma' ca qachaalqui', ca'maxare ỹaatqajam lodegaxat ma'le nqohin quiñi qota'olec. Ca'maxare se ishit ni'chigui canchaqaica quena lataxa, ma' ỹaatqajam no'qaachigui queso Espíritu Santo ma' saqa' ne'qaañi.

Lucas 11:13

No'm qamiri nogoraqa, qam 'yiiñii quiyim 'ỹaañim ca lo'yaxanec ca qachaalaxahipi, ¡huose'quet ñi qata'ahi neeto'ot na piguim ỹaanem ca Espíritu Santo quecá'maq rashiilaxanaque!

Lucas 12:45

Qam quecajo 'neetapega quiyim sqaua' novi' ca na'co', ca' ỹouaxantac na liỹaripi nelaatqaipi chaqana nelaataipi, ime, ca' quelec da lqui'ỹaxac, chaqai da ne'taxac quena lataxa,

Lucas 21:34

Rovichiỹari'o', 'neeto' 'xañii'tegue ca la'ñaxac añi re'taxanatahi sauaxat ca ramaanaxanaxahi quenanchaqaina chaqai quena lataxa, chaqai ná'maq liỹa nouenqaipi quiyi na'xa'a, qaiyi cajo na'xa'a se i'laxatete' qamiri,

Juan 2:10

Ca 'naapego': —Ná'ogue na qom ỹa'auaxan imeenec quen ná'maq no'uen lataxa. Ca quena' mashic 'xoic na qani'chigui, ca' qane'taxañigui ná'maq qailligueme' no'uen. Qam qami' ỹovireta'a nagui ñaqai 'maxachisac ná'maq no'uen lataxa.

Hechos 11:24

Ma' so Bernabé ỹaatqajam huagaxaraic ỹale chaqai no'qaachigui queso Espíritu Santo chaqai queda lpi'ỹaxac. Ca' queda, ca 'xoico' na laueguec, taỹot nqai'en so qara'gaxala'.

Romanos 13:13

Qam ỹaatqajam ña'maxatqata shinqata'gue dá'maq 'neetari' cá'maq mashic queetagui yi na'xa'a. Totqai qomi' ne'taaxaiqa, chaqai se so'ueetaq ca qarqui'ỹaxac quiyim 'xoic ca naỹaac, chaqai dequenaxac, chaqai nanchaqaina namaanaxanaxa, chaqai quiyim ñco'uaqata'ta', chaqai quiyim ñpa'guenqata'ta'.

1 Corintios 11:21

Ma' quena' ỹovita yi laloqo' quiyim qui'ii, 'ue na 'au que'e icona cá'maq chaqa loq. Qam 'ue na liỹa ñaq qopat, chaqai vire'ta 'ue na quiñiuguet.

1 Corintios 5:11

Dá'maq shinac na'le 'neetasa': Se ishit lliguita'piguit cá'maq 'naac rqaỹahi rpi'ỹaxauahi, qam queetalec da nedequenaxac, loqo'm ca namataxalaic, loqo'm ca nqouagaxainot ca nashiilec, loqo'm ca la'axaqa lo'o', loqo'm ca ne'taaxai, loqo'm ca cuataxaic. Chaqai ỹovira'a quiyim se rqui'ỹaxauahi ca qom mashic 'neetari' dajo.

Deuteronomio 21:20

Ca 'nerac: Ñi qochaalec ỹaatqajam se na'xaỹaxanalo qomi', chaqai ỹaatqajam iualaxain ana lam, chaqai ne'taaxai.

1 Tesalonicenses 5:7

Quená'maq laq, laq quiyi pe, chaqai ná'maq quiñiuguet, lquiñiuguetaxaqui yi pe.

Tito 1:6

Ca la'gaxala' ná'maq mashic icoñiguit da na'qaatec se ỹa'maxañi quiyim 'ue ca se no'uen na'qaataxac, chaqai 'oono'lli' aca loua nqai'en, chaqai icoñiguit da na'qaatec cá'ogue ca llaalqaipi qai'neeta, qaiyi qaica ca taalec se no'uen, sauaxat da no'ueenataxac chaqai quiyim se na'xaỹaxan.