Efesios 5:16 - La'qaatqa ñi qota'olec Qota'olec & Qota'olec Novita Na Qomyipi

¹⁶ Ca' nquipichiỹa'pegueto naua na'xata' quiyim 'viichii cá'maq no'uen, ma' quenauajo na'xata' 'xoic na qaỹo'ueetetac so no'uen.

Efesios 5:16 Iomraidhean Croise

Génesis 29:7

Co'na'le, ca 'naaco' so Jacob: —Ñaq noỹoqshi'mgom añi ra'aasa quiyim qaỹapou'a na qagretaipi. ¿Chi'negue ma' sqai chaqai qane'taxan, ca lotqai liỹa qaiqui'ỹaxanec?

Eclesiastés 12:1

Totaxan 'laxachite ñí'maq qami' lo'ueenatec nagui tomaxan ñaqai qami' ne'necoqui' chaqai saqa' novite' caua lqalaigue' naua na'xata'; ma' novite' ma'le caua ñaxari quiyim 'ñirac: Qaica quet cá'maq noviraxat quiyim ya'maqachiguiñi yca'leetauec.

Eclesiastés 9:10

Chaqai quecá'maq ralo'isalec quiyim 'viichi', ca' ỹaatqajam qamaxachite'; ma' cañi napal lahi' añí'maq i'sa'ñigui, qaica cá'maq qaỹo'uet chaqai qaica ca na'deenataxanaxac, ca na'deenec chaqai ca na'deenaxanaxa.

Mateo 25:17

Ca' chaqai 'nejem só'maq icoñiguit aso dos mil, ca lotqai lauegue aso liỹa dos mil.

Juan 12:35

Ca' so Jesús 'naaco' queso qomyipi: —Nagui ma' ñaqai hueetauguilo qamiri najo lcoỹeraqate na 'laua, qam sqoỹoxouec quiyim ỹalequetauguilo qamiri. Ca' quiitaugui dajo lauaq ma' ñaqa 'ue, qaiyi se i'laxate' qamiri ca napalaxa. Ma' cá'maq queetaugui ca napalaxa se ỹa'den cá'maq taigue.

Romanos 13:11

Qam quedá'ogue da sa'xatetac, ñaqai 'ajñii' naua na'xata' seuqatauguilo, chaqai ỹovita yi laloqo', ca nalootañi quiyim ñiloxouec. Ma' dá'maq qarca'laxa tot qoỹoqaque, mesqai 'nejem na' ñaqai chita'gue seconaxaguit da na'qaatec.

1 Corintios 7:26

Aỹim dá'maq ỹa'deenataxanaxac 'neetasa': 'Maxaraic quiyim ca ỹale chaqaidaata dá'maq 'neetari', ma' 'xoic nanchaqaina quenaua na'xata' seuqatauguilo.

Gálatas 1:4

só'maq nañaañiguit na'le da lelauaxa sauaxat naua qarasauaxasete', qaiyi nca'laxaterec qomi' quená'ogue na se no'uen huelec na 'laua. Ca' ipacqajanchigui dá'maq ỹahotaque ñi qota'olec coqomi'.

Gálatas 6:10

Vichiguiño' quiyim 'ue ca seshitaq so'ueetaq, ca 'ue ca so'ueetaq ỹa'maqachiguiñi quená'ogue na qomyipi, qam paguec quená'maq chi qarpi'ỹaxauaripi.

Efesios 6:13

Ca vichiguiño' chaqa'ma' ñiiñi naua'que nauá'maq nquepaqataxanqate' quena roshicmaxahi ỹaanema qamiri ñi qota'a, qaiyi shichii nachaachiỹa'guit ca se no'uen ma' novi' quecajo na'xa'a. Ca ma' ime 'ñii'tegue dajo, ca na'ñaxachiñi.

Efesios 6:15

Chaqai na'maxachitañi quiyim 'xachii da na'qaatec chicqaugui da na'maxa, 'nejem quena' na'maxajñi ca neetaho quena nouaataxanaq quena' ỹañiñi caua lapelate'.

Colosenses 4:5

Ỹaatqajam na'deenaxanqachiñii quena' taxaiỹa'pegue' ná'maq saqa' icoñiguit da na'qaatec. Nquipichita'pegueto nauá'maq no'viiñi na'xata' quiyim 'ue ca redaaqari.